leygardagur 7. mai 2005síða 21

Nr. 85 - 7. mai 2005 21 FM í amboðs- fimleiki Leygardagin tann 7. mai og sunnu- dagin 8. mai 2005 verða árligu FM kappingarnar í amboðsfimleiki fyri einstaklingar í bólki 1 og 2 FIMLEIKUR tíðindaskriv Kappingarnar verða hildnar í Ítróttarhøllini á Hálsi í Havn. Byrja verður leygardagin kl. 13.00 og sunnudagin kl. 14.00. Leygardagin verður einstaklingakappingin, tvs. at tá verður kappast um samlaða FM heitið í øllum amboðum. Sunnudagin verður am- boðskappingin, tvs. tá verður kappast í hvørj- um amboð fyri seg. Ein- staklingakappingin leygardagin er sam- stundis kvalifikatión til amboðskappingina sunnudagin. Seks teir bestu fimleikararnir í hvørjum amboði leygar- dagin kvalifisera seg til amboðskappingina sunnudagin. Tey luttakandi feløgini eru: Fok, Støkk, Ljósið og Havnar Fimleika- felag. Hjá gentum lut- taka 26 fimleikarar, harav 16 í bólki 1 og 10 í bólki 2. Hjá dreingj- unum luttaka 15 fim- leikarar, harav 8 í bólki 1 og 7 í bólki 2. Hetta er tann seinasta kappingin í amboðs- fimleiki fyri teir yngru bólkarnar. Seinni í mai mánað verður kapping- in fyri teir eldru bólk- arnar. Hallur Christiansen, TB: - Fingu ikki spælið at koyra Annar av framherjunum hjá TB, Hallur Christi- ansen, helt eftir dystin, at TB kanska hevði und- irmettt B71 undan dyst- inum, og at tað kostaði teimum dýrt. - Vit taka kanska ikki uppgávuna í nóg stórum álvara, og vit spældu í alt ov lágum tempo, haldi eg. Eg haldi eisini, at vit í alt ov stóran mun høvdu hug til at leypa miðjuna um, og av tí sama gjørdust vit ikki nóg vandamiklir, segði Hallur Christiansen. - Somuleiðis fingu vit ongantíð glið á spælið hjá okkum, og teir stóðu væl á vøllinum og góvu okkum ikki nógvar møguleikar, segði ungi framherjin eftir dystin. tn Eli Hentze, B71: - Vit spældu skilagott Veteranurin á B71- liðnum, Eli Hentze, var errin av ungu monnun- um hjá B71, sum hós- dagin syrgdu fyri, at B71 fyri fyrstu ferð í ellivu ár er í hálvfin- aluni í kappingini um Løgmanssteypið. - Eg haldi, at vit høvdu neyðuga tolið og stóðu væl, og sum heild spældu vit skilagott eftir mínum tykki, segði Eli Hentze. Veteranurin helt, at tað serliga var í umdystin- um, at sandoyingarnir høvdu munin á vertun- um, og hann dylur ikki fyri, at teir eru ómeta- liga ernir av úrslitinum á Sevmýri. - Eg haldi, at tað var eitt fantastiska flott av- rik av ungu manningini hjá okkum, staðfesti Eli Hentze. tn TB-B71 2-4(1-1): Sandoyingar í hálvfinaluni Við sínum fyrsta sigri á Sevmýri síðani 1996 vann B71 sær hósdag- in sess í hálvfinaluni í kappingini um Løg- manssteypið, og so langt eru teir ikki komnir í steypakapp- ingini síðani í 1994 LØGMANSSTEYPIÐ Terji Nielsen terji@sosialurin.fo Kristi Himmalfaradag hitt- ust tey bæði liðini, sum í fjør stríddust um at vinna næstfremstu deildina, í fjórðingsfinaluni í steypa- kappingini. TB og B71 brustu saman á Sevmýri, og tá ið avtornaði endaðu sandoyingar omaná, men neyðugt var at spæla í 120 minuttir fyri at finna ein vinnara. Tvøramenn javnaðu í evstu løtu Í fyrra hálvleiki av dystin- um á Sevmýri vóru tað kanska gestirnir, sum vóru teir vandamiklaru, men tað var tó heimaliðið, ið setti hol á. Fyrri hálvleikur var hálvrunnin, tá ið Hallur Christiansen fekk pláss úti í høgra borði til at leggja inn- fyri, og við handaru stong kom veteranurin Jón Jo- hannesen tuskandi, og hann langaði bóltin í netið til 1-0. Eftir leiðslumálið var B71 fleiri ferðir nær við at javna, tá ið teir royndu seg við góðum skotroyndum, men Predrag í TB-málinum vísti veruliga, hvør dugur er í honum. Men TB-mál- verjin noyddist tó at kap- itulera beint undan steðg- inum, tá ið Símun Hansen við einum dreymalangskoti úr 25 metra fjarstøðu, ið tók í samankomingina, áðr- enn tað fór í netið, syrgdi fyri, at javnvág aftur var í dystinum. Útjavnandi málið hjá sandoyingum gav teimum blóð upp á tánna, og teir tóku eisini leiðsluna stutt eftir steðgin. TB misti bólt- in í uppspælinum, og Clay- ton Soares hjá B71 snýtti ein verjuleikara, áðrenn hann gjørdist leysur við Predrag og skoraði trygt. Nú lá trýstið á tvøra- monnum at fáa javnað, og tað ið eftir var av dystinum var fyri ein stóran part eitt langt TB-álop. Men heima- áskoðararnir noyddust tó at bíða heilt til næstseinasta minuttin, áðrenn tað endi- liga eydnaðist at koma ájavnt við B71 aftur. Ein bóltur bleiv sendur inn um verjuna hjá B71, og Emanu- el Larby fekk akkurát prikað bóltin framvið Símun Rógva Hansen í málinum hjá sandoyingum til 2-2. Neyðugt var tí við umd- ysti á tvær ferðir 15 min- uttir, og tað var kanska væntandi, at útjavnandi málið hjá TB í evstu løtu hevði "knekkað" B71, men so var ikki. Sandoyingarnir høvdu munin, og teir høvdu eisini nóg mikið av neyv- leika til at fáa avgerandi málini. Clayton Soares skoraði til 3-2, tá ið hann fangaði ein bólt í TB-verj- uni. Hann sá, at TB-mál- verjin var staddur nakað uttarlaga, og brasiliumað- urin lyfti hegnisliga bóltin upp um Predrag til 3-2 til gestirnar. Í seinasta minuttin bleiv tað so 4-2, tá ið Eirikur Poulsen kom á máltalvuna. Beint áðrenn Eirikur skor- aði til 4-2, var TB um repp- ið at javna til 3-3, men Sím- un Rógvi Hansen í B71- málinum bjargaði meistar- liga. TB megnaði ikki at skapa dystin Tað var stórur saknur í teimum báðum, Alexander Jovevic og Daniel Nyarko, á miðvøllinum hjá TB. Báðir tveir eru skaddir, og uttan teir báðar á liðnum, valdu tvøramenn í flestu førum at leypa miðvøllin um, tá ið teir fóru í álop. Sandoyingar stóðu væl á vøllinum, og hóast teir vóru undir stórum trýsti, so megnaði unga manningin hjá B71 at standa ímóti áhaldandi trýsti, og teir høvdu eisini tol til at spæla bóltin fram eftir vøllinum. Tað sást aftur í dystinum, at TB vanligani ikki er tað liðið, ið skapar ein dyst, tá ið teir spæla í Formula- deildini, tí teir høvdu ógvu- liga ilt við at verða skap- andi liðið í dystinum hós- dagin. Tá ið B71 so tók leiðsluna í dystinum, gjørd- ist uppgávan møtumikil hjá heimaliðnum, og tá ið av- tornaði endaðu sandoying- ar omaná, og teir eru nú klárir til hálvfinalurnar móti gøtumonnum. TB-B71 2-4(1-1) 1-0: Jón Johannesen 22. 1-1: Símun Hansen 43. 1-2: Clayton Soares 50. 2-2: Emanuel Larby 89. 2-3: Clayton Soares 99. 2-4: Eirikur Poulsen 120. TB: Predrag Markovic - Predrag Zivkovic, Ace Markovic, Óli Johannesen, Jón Johannesen - Allan Poulsen(50. Niclas Ludvig), Einar Petersen, Birgir Rasmussen(65. Mortan Enni), Olivur Abrahamsen - Emanuel Larby, Hallur Christiansen(55. Búi Mortensen) B71: Símun Rógvi Hansen - Eirikur Poulsen, Berg- leif Sólsker, Gert Lydersen, Sverrir Kjærbo, Hanus Clementsen - Tummas Pauli Olsen(71. Jákup Sør- ensen), Eli Hentze, Clayton Soares, Símun Han- sen(91. Magnus Olsen) - Jónsvein Thomsen(58. Johannes Jensen) Dómari: Petur Reinert FAKTA UM DYSTIN AC Milan megnaði við neyð og deyð at vinna sær sæti í finaluni eftir tveir sera tættar hálv- finaludystir ímóti PSV Eindhoven. Samanlagt endaðu dystirnir 3-3, men við einum máli á útivølli er tað Milan, ið fer víðari CHAMPIONS LEAGUE Stefan í Skorini PSV Eindhoven mátti bíta í grasið eftir hálvfinaluna móti Milan mikukvøldið. Eftir at hava vunnið munin frá fyrra dystinum innaftur miðskeiðis í seinna hálv- leiki, sá tað bjart út hjá hol- lendska liðnum, men í sein- asta minutti fekk Milan av- gerandi málið, sum sendir teir í finaluna. Eitt stórt vónbrot hjá PSV, sum hevði verið betra liðið gjøgnum allan dystin. Men liðið misti høvdið í seinastu løtu, tá Ambrosini púra ótarnaður slapp at skora til 2-1. Hetta var mønusting- urin hjá PSV. Nú er sostatt greitt, at tað verða AC Milan og Liver- pool FC, ið skulu møtast í Champions League final- uni tann 25. mai á Atatürk Stadion í Istanbul. Longu eftir átta minut- tum fekk PSV fyrsta málið. Tann ótroyttiligi suðurkore- anarin Ji-Sung Park spældi til áleyparan Vennegor of Hesselink, sum royndi at sneiða Stam av. Ístaðin datt bólturin aftur fyri føturnar á Park, og hann bankaði bóltin uppí nettakið aftan- fyri Dida. So var støðið lagt. PSV ætlaði sær ikki at gevast uttan ein bardaga. Hetta kom dátt við hjá Milan, sum var trýst aftur á egna hálvu stórar partar av dystinum. Tað eydnaðist eisini PSV at økja um leiðsluna, tá Cocu stútaði innlegg frá Lee í kassan, og so stóð alt á jøvnum. Ambrosini bjargingarmaður Milan setti tað seinasta álopið í verk, tá tíðin júst var farin um teir níti min- uttirnar. Kaka fór ígjøgnum í vinstru og fekk lagt innfyri til ein púra óvardan Ambrosini, sum skallaði bóltin í kassan. Tað var rættiliga ótrúligt at síggja, hvussu út av lagi vánaligt verjuspælið hjá PSV var í hesum førinum. Kaka slapp ótarnaður at leggja innfyri, og inni í brotsteiginum stóðu tveir Milan leikarar óvardir og bíðaðu eftir bólt- inum. Løgið, at PSV gloymdi at verja móti endanum. PSV svaraði tó aftur, hóast tað nú var ov seint. Vennegor of Hesselink for- longdi ein bólt til Cocu, sum við einum vøkrum fluktara skoraði til 3-1. PSV skuldi tó hava enn eitt mál fyri at koma víðari. Heimaliðið hevði tíð til eitt álop afturat, men einki spurdist burturúr, og so er tað Milan, sum skal møta Liverpool í finaluni. Champions League, 2. hálvfinala: PSV Eindhoven - AC Milan 3-1 (1-0) 1-0: Ji-Sung Park, 8. 2-0: Phillip Cocu, 65. 2-1: Massimo Ambrosini, 90. 3-1: Phillip Cocu, 90. Hepnið fylgdi Milan