leygardagur 7. mai 2005síða 24

24 Nr. 85 - 7. mai 2005 Eitt flott punktum Lagið var í toppi. Diskussiónirnar um farna kappingarárið fingu góða rúmd, og steyp og blómur skuldu sjálvandi handast teimum røttu, tá hondbóltur- in hevði sítt galla- kvøld um vikuskiftið GALLAKVØLD Jákup Mørk Myndir: Bárður Lydersen Karmurin um gallakvøldið var hesaferð HB-húsið í Gundadali, og hóast stuttu freistina, so vóru nærum 200 gestir við borðið, tá Hilmar Jan Hansen setti gongd á borðhaldið. At freistin hevði verið somikið stutt, komst av, at gallakvøldið í ár var í veru- ligum vanda fyri at verða avlýst. At enda tók dómara- felagið tó um endan, og upp á rekord-tíð høvdu tey rigg- að kvøldið til. Og tað kann sláast fast alt fyri eitt, at talan var um gott fyri- reikingararbeiði. Rørdur vinnari Í allar mátar var talan nevn- liga um eitt frálíkt kvøld hjá luttakarunum. Skemtið var í hæddini, tá Hilmar Jan hevði eina parodi upp á Torbjørn Jacobsen, ið helt eina røðu um importeraðu donsku dagdvøljuna, sum hondbóltur jú er, og so vóru tað sjálvandi eisini handanir av ymsum slag, sum vóru á skránni. Tað var kanska væntandi, men við trimum steypum má sigast, at Daiva Touma- ite hjá VB gjørdist stóri vinnarin á kvøldinum. Hon varð longu undan kvøldin- um besti málskjúttin í kvinnudeildini. Hartil fekk hon eisini heiðurin sum besti álopsleikarin í kvinnu- deildini, og sjálv onnur varð hon so eisini kosin ársins leikari í kvinnudeildini. Hendan seinasta heiðurin mátti hon tó eisini býta við Joan Midjord Djordjevic úr Stjørnuni, sum hevði fingið eins nógvar atkvøður. Hartil kann nevnast, at Daiva varð kosin triði besti verjuspæl- arin, so tað er neyvan at taka munnin ov fullan, um sagt verður, at hon hevði stóran týdning fyri gullið hjá VB- kvinnunum í ár. Hjá monnunum var meira javnt býtt, men fagn- aðurin var stórur, tá ársins spælari varð kosin. Hesin varð í ár Agnar Joensen hjá VÍF, sum hevur havt eitt framúr kappingarár, og tað var ein sjónliga rørdur Agn- ar, sum gekk upp á pallin at fáa steyp og rósur. Sum einasti av spælarunum tók hann eisini mikrofonina og gav eina tøkk til teirra, sum høvdu atkvøtt fyri sær, áðrenn hann at enda gav Inga Olsen heiðurin fyri, at hann kundi gera somikið nógv um seg á strikuni, sum hann hevur gjørt í ár. Og so var bara eftir at hugna sær. Og tað varð eisini gjørt. Tað mundi væl og virðiliga verið farið at lýsa, tá seinastu gestirnir fóru heim, men tá høvdu tey so eisini sett eitt ordans punktum fyri enn einum hondbóltsárið. Fjølmiðlaliðið Til gallkvøldið høvdu fjølmiðlarnir eisini fingið loyvi at spæla sær eitt sindur við tankanum um at seta sítt egna lið saman. Úrslitið av hesum arbeiði, sum Dimmalætting og Sosialurin stóðu fyri, vóru hesi lið. Hjá kvinnum Málverji Helena Dam Poulsen Vinstri vongur Anna Kristina Samson Vinstri bakkur Daiva Toumaite Miðspælari Aukse Vysniaskaite Strikuspælari Una Olsen Høgri bakkur Nicoleta Radu Hansen Høgri vongur Rannvá Augustinussen Venjari Flemming Raben Hjá monnum Málverji Eli Müller Vinstri vongur Harald Bjørgvin Vinstri bakkur Sámal Joensen Miðspælari Alexandur Johansen Strikuspælari Agnar Joensen Høgri bakkur Leivur Justinussen Høgri vongur Josef Abrahamsen Venjari Dia Midjord Dómarar Hannis Wardum & Uni Wardm Tey bestu Hesi vórðu av spælarunum sjálvum kosin sum tey bestu í nú lidna kappingarárinum Toppskjúttar Kvinnur Daiva Toumaite, VB Menn Damir Oros, Neistin Ársin málverjar Kvinnur Guðrun í Lágabø, Kyndil Menn Marian Cirloganescu, StÍF Ársins verjuspælarar Kvinnur Marjun Tróndarson, Neistin Menn Borgar Danielsen, StÍF Ársins álopsspælarar Kvinnur Daiva Toumaite, VB Menn Sveinur Justinussen Ársins stjørnuskot Kvinnur Rebekka Justinussen, StÍF Menn Rókur Akralíð, Kyndil Ársins dómarapar Eyðun Samuelsen & Andreas F. Hansen Ársins venjarar Kvinnur Aivaras Daugis, VB Menn Dia Midjord, VÍF Ársins spælarar Kvinnur Daiva Toumaite, VB & Joan M. Djordjevic, Stjørnan Menn Agnar Joensen, VÍF Joan Midjord Djordjevic, Agnar Joensen og Daiva Toumaite vórðu kosin bestu spælararnir í farna kappingarárinum Borðhaldið gekk av tí allar- besta, og sangurin mundi runga um allan Gundadal Torbjørn Jacobsen alias Hilmar Jan Hansen – ella var tað øvut. Í øllum førum helt originala útgávan talan vera um frálíkt skemt