týsdagur 10. mai 2005síða 13

Nr. 86 - 10. mai 2005 13 Fyrsta gøtan í Havn sum fekk neon-gøtuljós var Áarvegurin. Hetta var í 1957. Snórur varð spentur yvir um vegin, og ljósrørini vórðu hongd uppi yvir hvør síni koyribreyt. Hetta var eitt stórt framstig í mun til vanligu ljósperurnar í lyktapelunum. Myndin er tikin á Áar- vegnum í 1961. Fiat vøru- bilurin hjá kiosk Centrum, stendur uttan fyri handilin. Í hesum húsunum hevur verið ymiskt virksemi upp gjøgnum tíðirnar, nevnast kann at í 1927 læt Aksel Andreasen (Aksel á Trónda) upp matstovu í húsunum, og frá 1931-33 hevði Jørgen F. Jacobsen (Jørgen á Áarvegnum) isenkramhandil har. Í 1940 byrjaði Kirstine Jacobsen í Stórustovu, vanliga nevnd Kims, við Centrum, ið var konditarí og kiosk. Hon helt til har til 1965, tá Mar- stein brøðurnir keyptu ogn- ina, og Centrum flutti oman í bygninginum hjá Heima- virkinum á Kongabrúnni. Í dag er klædnahandilin Seytjan í hesum húsunum. Skeltið á handlinum »Tubbak« hjá Christian Dahl Restorff sæst við stórum stavum fest oman fyri sýnisgluggan. Tey hús- ini vórðu tikin niður, tá Hotel Hafnia seinni varð bygt út. Urið uttan fyri Hotel Hafnia er við ur & optikk- handilin Skilling, ið helt til í bygninginum. Sum tað sæst á urinum uttan fyri hjá Skilling, er myndin tikin í døgurðatímanum, klokkan er 13 minuttir yvir tólv. Til høgru á myndini sæst uppslagstalvan, har fólk við plakatum kundu kunngera ymisk tiltøk. Um onkur av lesarum okkara hevur okkurt at við- merkja í samband við hesa myndina, eru hann ella hon vælkomin at seta seg í samband við Birgar Johannessen á telefon: 314647 / 273168. Mynd: Føroya Fornminissavn Havnar leksikon: Fyrstu neon-gøtuljósini komu í 1957 Dagurin 10. mai Gordianus, deyður umleið 362. Heiðin rómverskur embætismaður, sum gjørdist kristin og varð hálshøgdur.