týsdagur 10. mai 2005síða 24

24 Nr. 86 - 10. mai 2005 TB-KÍ 0-0: Lásið fór ongantíð upp á Sevmýri Uppløgdu málmøgu- leikarnir vóru ikki so nógvir, og efir steðgin var ferðin ikki so stór, tá ið TB og KÍ sættað- ust við málleysan javnleik TB-KÍ Jóannes Hansen Eitt stig var at liva við. Tann hugburðurin tóktist at gerast alt meiri ráðandi, sum seinna umfarið leið í nógva vindinum á Sevmýri. Í síðstu løtu var kortini um reppið, at KÍ fór við øllum. Ovi Nysted hevði fína frísparksroynd úti frá, sum frágera góði TB mál- verjin, Predrag Markovic, bjargaði stak væl, og Høgni Madsen smekkaði til úti frá og undan vindinum, men bólturin fór dygst skeivu megin stólpan. Tvørámenn eru brandar til verjuspælið. Teir duga sera væl at skipa seg, og hóast mótstøðumenninir hava bóltin nógv, so tykist tað sum um, at tað er TB, sum ofta ger av, hvussu spælið skal ganga fyri seg. Nýggi KÍ venjarin hevði broytt uppstilling. Í staðin fyri 4-4-2, sum liðið higar- til hevur spælt, so vóru klaksvikingar í 4-3-3 upp- stilling. Ovi Nysted var fluttur úr miðverjuni og í fremstu ódn. Í borðunum báðum vóru Arnhold Joen- sen og Heðin á Lakjuni, og so tóktist ætlanin at vera, at teir skuldu frá baklinjuni senda innlegg í høvdið á Ova og kanska í føturnar á Hjalgrím Elttør, sum aftur var á liðnum og hesa ferð var fremsti miðvallarin. KÍ megnaði so at siga ikki at bróta ígjøgnum í borðunum. Teir royndu at finna hvønn annan úti á vøllinum, men tað endaði ofta við at høgar sendingar vórðu lagdar ímóti Ova Nysted, men hann hevði torførar treytir, tá ið tað vóru Óli Johannesen og Aca Petrovic, sum ansaðu honum og vendu rætta vegin. Bara fyrra partin av fyrra umfarinum sást venjara- effektin, sum tað plagar at verða nevnt, tá ið venjarin er útskiftur, og liðið fær nýggja innspræning. Tá vóru klaksvíkingar ágang- andi, og TB var trýst. Men so fótaði TB sær, og síðani gekk nógv tað mesta fyri seg eftir teirra treytum. Tvørámenn høvdu tveir møguleikar, sum væl kundu havt borið mál við sær. Í fyrra førinum smekkaði Óli Johannesen fríspark undan vindinum. Bólturin brast í tværtræið, áðrenn hann stakk út aftur í spælið. Í seinna førinum varð Olivur Abrahamsen, sum hesa ferð var annar av álopsspælarunum, spældur leysur innanfyri KÍ verjuna. Hann setti ferð á og royndi at lyfta upp um KÍ mál- verjan, sum var komin nakað út úr málinum, men Karstin Joensen fekk akk- urát ytsta lið á fingrunum á bóltin og vardi soleiðis fyri. Tunnir frameftir TB hevði vindin ímóti eftir steðgin. Tá sýndu teir betri spæl, enn teir høvdu gjørt undan vindinum. Men trup- ulleikin hjá tvørámonnum er, at teir hava ikki ta álops- tyngdina, sum skal til fyri at skapa møguleikar og harvið at fáa mál. Tað er ógvuliga stórur saknur, at Daniel Nyarko framvegis er knæskaddur. Hann var ætlaður at eiga berandi leiklut á sentrala miðvøllinum. Tað var Alex- ander Jovevic eisini ætlaður at gera. Hann hevur leingi verið skaddur, men sunnu- dagin spældi hann seinna partin av seinna umfarin- um, og nú verður vónað, at hann fer at vera tøkur næstu dagarnar, tá ið stóru uppgávurnar fara at vera á skránni. Málið, sum skuldi til fyri at lætta um føstu bindingar- nar, kom ongantíð á Sev- mýri, og sum 2. hálvleikur leið lækkaði ferðin, og tað tóktist sum um, at báðir partar vóru nøgdir við at fáa í hvussu so er eitt stig í úrtøku. Tað tóktist, sum um málleysi javnleikurin var til at liva við hjá báðum pørtum á Sevmýri Mynd: Áki Bertholdsen TB-KÍ 0-0 Dómari: Páll Augustinussen TB: Predrag Markovic - Predrag Zivkovic, Aca Petrovic, Óli Johannesen, Jón Johannesen - Mortan Enni (Alexander Jovevic, 65.), Einar Petersen (Hallur Christiansen, 89.), Búi Mortensen (Allan Poulsen, 82.), Birgir Rasmussen - Emmanuel Larbi, Olivur Abrahamsen Gult kort: Mortan Enni, Predrag Zivkovic KÍ: Karstin Joensen - Leon Bjartalíð, Jan Andreasen, Niclas Niclassen, Eyðun Klakstein - Atli Danielsen, Hjalgrím Elttør, Høgni Madsen - Arnhold Joensen (Kristoffur Jacobsen, 73.), Ovi Nysted, Heðin á Lakjuni (Julian Samuelsen, 82.) Gult kort: Niclas Niclassen, Høgni Madsen FAKTA UM DYSTIN Veteranurin sær ljóst upp á tað Jón Johannesen sær allar dystirnar sum íløgu í framtíðina soleiðis at skilja,at ungu menninir fáa royndirnar,sum skulu til fyri at styrkja um sjálvsálitið TB Jóannes Hansen Hóast teir ikki fingu meiri enn eitt stig burturúr á heimavølli, so vóru teir í TB ikki misnøgdir við úrtøkuna ímóti KÍ. - Um væl hevði viljað við, so høvdu vit kanska vunnið við einum máli. Men um illa hevði viljað við, so høvdu vit kanska tapt við einum máli. Ofta hevur TB tapt sovornar dystir, men tíbetur hava vit nú framúr góðan málverja, sum var gull verdur fyri okkum, tá ið teir endiliga fingu møgu- leikan. Tað er TB veteranurin, Jón Johannesen, sum vit práta við. Hann fjalir ikki yvir, hvat tað snýr seg um hjá TB. – Vit eru uppflytarar, og vit kenna treytirnar. Hjá okkum ræður tað um at varðveita plássið í deild- ini, og vit verða væl nøgd- ir, um endastøðan verður, sum støðutalvan nú vísir. Vit hava fleiri ungan spælarar á liðnum. Teir mugu fáa royndirnar fyri at fáa sjálvsálitið, sum skal til fyri at verða førur fyri at vísa tað í dystum, sum teir eru førir fyri undir venjing. Nú standa lykladystir fyri framman? – Avgjørt. Um vit høvdu megnað at fingið stig í Vági mikukvøldið og so vunnið á heimavølli móti TB, so hevði støðan verið góð. Men um vit skulu vinna, so mugu vit fáa tyngd í álopspartin. Tað er stóra takið, tí samstundis vilja vit ikki sleppa í verjuni, sum er útgangsstøðið hjá okkum, staðfestir Jón Jóhannesen. Oddbjørn Joensen ásannar, at fyrstu vikuna verður tað mest við orðum, at hann hevur møgu- leika at ávirka spælar- arnar í gamla felagn- um hjá venjaranum KÍ VENJARIN Jóannes Hansen Fram til og við 1987 var hann evnaríkur miðvallar- spælari í Klaksvík, har hann er føddur og upp- vaksin. Síðani hevur hann búð í høvuðsstaðnum. Hann hevur fyri tað mesta spælt og verið hjálparvenj- ari í HB. Fyrst í níti árunum vandi hann LÍF í 1. deild,og í 1997 hevði hann í tveir mánaðir ábyrgdina av besta HB liðnum. Nú er hann vorðin venjari í Klaksvík. Hann sigur seg harmast um mátan, sum hann hevur fingið ábyrgdi- na uppá. - Tað er ongantíð hugaligt at gerast venjari á henda hátt. Men eg fekk hetta bjóða, og eg tók av. Satt at siga so er tað gamalur dreymur at sleppa at venja KÍ, og eg veit ikki, nær møguleikin hevði komið aftur, ella um hann yvir- høvur hevði komið aftur. Hvussu ætlar tú at ávirka liðið? - Í fyrstu atløgu verður tað mest við orðum. Skráin er hørð. Vit spældu sunnudag- in á Tvøroyri, mikudagin skulu vit spæla á heima- vølli móti EB/Streymi, og mánadagin skulu vit spæla í Fuglafirði. Eg havi broytt skipanina frá 4-4-2 og til 4- 3-3. Tað eru ikki stundir til nógvar venjingar. Eg havi sagt við spælararnar, at eg vil hava, at teir sleppa nervunum, og at teir royna at halda upp á bóltin. Eg haldi, at KÍ er nóg gott lið til at vera bólthaldandi. Hvat eru framtíðar ætl- anirnar? Tað er týdningarmikið at spæligleðin er til staðar. Á Tvøroyri vístu allir rætta hugburðin, og tað er gott at byggja á. Men tað skal stríðast nógv, og eg vóni, at vit fara at koma væl undan hesi næstu vikuni. Meiri fólk Oddbjørn Joensen heldur, at tað eru ov fáir spælarar í KÍ hópinum. Hann sigur, at hetta skal ikki skiljast soleiðis, at hann ikki er nøgdur við teir, sum eru tøkir, men hann vildi havt einar tríggar afturat. - Eg vil hava størri kapp- ing um plássini. Tað havi eg sagt við leiðsluna, og vit arbeiða við onkrum møgu- leikum at fáa spælarar. Men tað er torført hesa tíðina av árinum. Hvat fyri spælarar vilt tú hava? - Sum sagt so eri eg nøgdur við teir, sum vit hava. Men eg hevði einki havt ímóti at fingið ein aft- urat í hvørjari ketuni, sigur nýggi KÍ venjarin, sum er sera spentur upp á upp- gávuna. Gamal dreymur vorðin veruleiki