hósdagur 12. mai 2005síða 19

Borðtennislandsliðið til Oyggjaleikirnar er nú úttikið. Millum leikararnir er Thomas Rasmussen, sum hig- artil hevur verið eitt púrasta óskrivað blað í føroyskum borð- tennishøpi BORÐTENNIS Jákup Mørk Uttan at forsmáa nakran av heimligu føroysku borð- tennisleikarunum, so ber helst til at staðfesta, at tá tosast skal um heiðurs- merkjavónir á Oyggjaleik- um, so hevur nógv hvílt á herunum hjá Kjartani Eli Hentze. Kjartan Eli er bú- sitandi í Danmark, men ættarbondini eru hálv- føroysk, og tí hevur borið til hjá honum at umboða Føroyar á leikunum. Tað hevur millum annað borið heiðursmerki við sær í bæði ein- og tvímansleiki, og útlitini fyri hesum eru neyvan verri hesaferð. Tað er nevnliga so, at umframt Kjartan Eli verður eisini ein annar leikari úr donskum borðtennishøpi á føroyska liðnum hesaferð. Talan er um 22 ára gamla Thomas Rasmussen, ið eins og Kjartan Eli hevur føroyska mammu. Nakrar mánaðir av barnaárunum búi Thom- as eisini í Føroyum, men síðani hevur tað verið í Danmark, at hann hevur búleikast. Í borðtennishøpi spælir hann dagliga eina deild omanfyri Kjartan Eli, so venjingar- og dystarstøði skuldi á pappírinum verið í minsta lagi eins gott. Stórur styrkur á liðnum Tað er danski venjarin hjá føroyska liðnum, Preben Larsen, sum hevur fingið samband við Thomas. Und- an hesum var tað als eingin í føroyska borðtennisheim- inum, sum visti av leikaran- um, ið heilt víst fer at styrkja um føroyska liðið. - Vit royna í løtuni at seta nakað av yngri leikarum við í føroyskum borðtennis, og tí verið eg millum annað ikki við sum leikari, sigur ein av veteranunum í før- oyskum borðtennis, Petur Niclasen. - Hinvegin hava vit nú eisini tveir sterkar mans á harrasíðuni, og tað kann væl viðføra, at vit koma at standa okkum munandi betri í liðkappingini. Her hevur stóri trupulleikin hjá okkum verið, at næsta harra-singlan ikki hevur verið nóg sterk. Tann trup- ulleikin skuldi í øllum før- um verið loystur nú, sam- stundis sum vit so eisini hava eina sterka double, sigur Petur. Petur heldur, at styrkurin hjá liðnum kann hava við sær, at Føroyar væl kunnu røkka einum hálvfinalu- plássi í liðkappingini, har vit í fjør endaðu á einum sætta plássi. Afturat sær koma Kjartan Eli og Thomas at hava Ragnar Egilsson, og so verða tær báðar, Maria í Dali og Susia Midjord. Nýggjur landsliðsleikari Nr. 88 • hósdagur • 12. mai 2005 • 79. árgangur • www.sosialurin.fo Føroyska liðið á Hetlandi Kjartan Eli Hentze, 32 ár, spælir í 3 deild í Greve Bordtennisklub - hevur verið við síðani 1997, og hevur vunnið Føroyum fleiri heiðursmerki: Silvur í einmansleiki í 1997. Bronsu í einmansleiki í 2001 og 2003. Bronsu í tvímansleiki í 1999 og 2001. Væntast at spæla 2. singlu á leikunum. Ragnar Egilsson, 16 ár, spælir í TÓR - Borðtennissambandið fylgir tí, ið hevur verið gjørt til seinastu tveir oyggjaleikirnar - og tað er at senda ein av góðu ungu mannligu leikarunum við til Oyl. Ragnar var við fyrstu ferð í 2003. Væntast at spæla 3. singlu á leikunum. Thomas Rasmussen, 22 ár, spælir í 2. deild fyri Køge, har landsliðsvenjarin Preben Larsen hevur fingið samband við hann. Mamman er úr Leirvík. Thomas er ein ungur og sterkur leikari, sum er brýndur í donsku kappingini. Tryggur leikari, ger fá mistøk undir trýsti. Væntast at spæla 1. singlu á leikunum. Marin í Dali, spælir í TBF - hevur hóast bert 16 ára gomul vunnið kvinnudeildina nakrar ferðir. Gjørt stór framstig síðani seinastu oyggjaleikir, har hon eisini var við. Væntast at spæla 1. singlu á leikunum. Susie Midjord, 15 ár, spælir í TBF - vann í ár kvinnudeildina frammanfyri Marin. Væntast at spæla 2. singlu á leikunum. Bestu føroysku úrslitini Liðkapping: Sivlur á Álandi í 1991. Birgir Carlsson, Dagbjarti Hammer, Peter Niclasen, Onnu Petersen og Rannvá Magnussen. Bronsa í Føroyum 1989. Einstaklingar, menn: Silvur á Jersey í 1997, Kjartan Eli Hentze Tvímansleikur, menn: Silvur á Álandi 1991, Dagbjartur Hammer og Birgir Carlsson. Bronsa á Isle of Wight í 1993, Eyðun Luid og Birgir Carlsson. Bronsa á Gotlandi í 1999, Hans Hammer og Kjartan Eli Hentze. Bronsa á Isle of Man í 2001, Kjartan Eli Hentze og Petur Niclasen. FAKTA Stóri trupulleikin í liðkappingini hevur verið, at onnur- singlan á harrasíðuni hevur verið ov veik, men soleiðis verður neyvan á Hetlandi Kjartan Eli Hentze Ragnar Egilsson Thomas Rasmussen Marin í Dali Susie Midjord