hósdagur 19. mai 2005síða 19

Nr. 92 - 19. mai 2005 19 Ikki færri enn trý vælútgjørd skip fara at gera kanningar fyri Statoil á føroyska landgrunninum í summar. Tað fyrsta kom á Havnina fríggjadagin og fer nú undir at skjóta seis- mikk í loyvunum hjá Statoil. OLJULEITING Jan Müller jan@sosialurin.fo Fríggjadagin kom fyrsta seismikkskipið í ár á Havn- ina eftir útgerð. Talan er um norska Polar Princess frá felagnum Fugro, sum er ein gamlan kenningur á landgrunninum. Við hes- um stóra seismikkskipinum letur Statoil startskotið av til eina røð av kanningum á landgrunninum. Kanning- ar, sum skulu hjálpa felag- num at finna best egnaðu støðini í undirgrundini at seta sínar borikrúnur í, í 2006 og helst árini eftir tað eisini. Seinni koma tvey onnur skip at gera kanning- ar fyri Statoil. Tey koma at gera kanningar á økinum, sum Statoil fekk tillutað í 2. útbjóðing tann 17. januar í ár. So ein kann ikki siga annað enn at tað gongur skjótt og sigur tað helst eisini nakað um vónirnar hjá Statoil at finna olju og gass við Føroyar. Polar Princess fer at skjóta seismikk á einum stóru øki, sum Statoil søkti um og fekk tillutað leiti- loyvi. Rúni Hansen, stjori í Statoil, sigur, at endamálið við hesum kanningunum er at fáa eina betri fatan av jarðfrøðini í undirgrundini. Hini bæði skipini, sum koma til Føroya í næstum, fara at gera aðrar kanning- ar. Tað eina skal taka nakrar kjarnuroyndir av havbotn- inum, til tess at kanna, um kolvetni er likið upp úr undirgrundini og triðja skipið skal standa fyri kanningum, ið hava til endamáls at greina meira, hvussu tjúkt basaltið er á økinum. Hini bæði skipini, sum eisini hoyra til felagið Fugro, eru Polarsyssel og Aurelia. Polarsyssel kemur seinast í mai og Aurelia seinni í juni. Tað er Thor í Hósvík, sum umboðar skip- ini í Føroyum. Thor hevur eisini fleiri hjálparskip í arbeiði í seismikkvinnuni og oljuvinnuni ymsa staðni kring heimin. Statoil er tað útlendska oljufelagið, sum fekk tillut- að flestu loyvini í 2. útbjóð- ing fyrr í ár. Felagið stendur einsamalt fyri nøkur av loyvunum og er so eisini saman við øðrum oljufe- løgum. Statoil startskot til seismikk Gunnbjørn Mortensen hjá Thor, sum er umboð fyri Fugro Polar Princess fer nú at skjóta Seismikk fyri Statoil á føroyska landgrunninum