hósdagur 19. mai 2005síða 30

30 Nr. 92 - 19. mai 2005 Fyrsta finalan verður í Göteborg FCK vann finalu- pláss, tí Rosenborg tapti, tá ið teir í Malmö høvdu møguleikan at taka finaluplássið frá FCK ROYALA LIGAN Jóannes Hansen Hóskvøldið í síðstu viku varð tað greitt, at FCK eigur annað finalupláss- ið í fyrstu norður- lendsku fótbóltskapp- ingini. Frammanundan var tað greitt, at IFK Göteborg skuldi eiga lut í finaluni. Tað gjørdist greitt, at FCK skuldi eiga hitt finaluplássið, tá ið Rosenborg ikki megnaði at fáa stig við til hús, tá ið teir vitjaðu í Malmö. Heimaliðið, Malmö FF, vann 4-2. Finalan verður 26. mai, og hon verður spæld á Nya Ullevi í Göteborg. Har rúmast væl fleiri áskoðarar, enn tað gera á Gamla Ullevi, sum er heimavøllurin hjá IFK. At finalan skal spælast í Göteborg kemst av, at IFK stóð seg betri í bólkaspælinum, enn FCK gjørdi. Í bólka- spælinum hittust IFK og FCK tvær ferðir, og FCK vann báðu ferðir- nar við 1-0. Fleiri altjóða finalur hava verið spældar á Nya Ullevi. Tann fyrsta og ivaleyst mest minnis- ríka var í 1992, tá ið Danmark í EM finaluni sigraði 2-0 á Týsklandi. Royala finalan er sein- asti møguleikin hjá FCK at vinna nakað skreyt í ár. Í Svøríki enda teir kappingarárið á heysti. Higartil í hes- um kappingarárinum eru seks umfør av- greidd, og IFK er á sjeynda plássinum. Andrew aftur á blettinum Tað tódnaði eitt vet í toppinum, men tað skal vilja heilt illa til, um Johan Byrial Han- sen og Horsens ikki eftir summarsteðgin verða partur av superliguni DANMARK 1./2. DEILD Jóannes Hansen Undan teimum báðum landsdystunum, sum standa fyri framman fyrst í juni, tykist Andrew av Fløtum rættuliga at hava fingið høvdið fyri seg í Fremad Amager. Tá ið teir í vikuskiftinum vóru í Vejle, var Andrew allar 90 minutt- irnar á vøllinum, og hann gjørdi beinanvegin um seg. Longu í fjórða minutti spældi hann liðfelaga púra leysan, men hesin kiksaði. Sjey minuttir seinni syrgdi Andrew við skoti úr stuttari fjarstøðu fyri, at Fremad Amager legði seg framum, men teir megnaðu ikki at halda tørn. Vejle vann 2-1, og teir fingu sigursmálið sjey minuttir undan dystar- enda. Jón Rói Jacobsen og lið- felagarnir í Frem vunnu 3-1 á heimavølli móti Nykøb- ing Falster Alliansuni. Gestirnir í Valby vóru frammanfyri í steðginum, men so setti Frem meiri ferð á, og fyrstu trettan minuttirnar í 2. hálvleiki skoraðu teir trý mál. Horsens er framvegis oddalið, og tað skal vilja heilt illa til, um teir ikki fara at flyta upp. Fimm um- før eru eftir at spæla, og Horsens er fimm stig frammanfyri Frem, sum er nummar trý og ovasta fel- agið undir uppflytingar strikuni. Hesa ferð vóru fleiri av lyklaspælarunum hjá Hors- ens skaddir. Uppgávan var stór, tí Horsens vitjaði SønderjyskE í Haderslev. SønderjyskE er næstfremst, og 1-0 sigurin á Horsens bar við sær, at teir fram- vegis eru besta boðið upp á fylgisneyta hjá Horsens upp í bestu deildina. Køge leggur saman við Frem trýst á SønderjyskE. Hesa ferð var um reppið, at Køge ikki fekk fult, men í tíðini, sum dómarin hevði lagt afturat, skoraðu teir sigursmálið í Næstved, sum tapti 2-1. Danskir fjølmiðlar vita at siga, at tað nú enn eina ferð verður gjørd roynd at leggja tey bæði stóru feløgini í Køge kommunu saman. Hitt felagið er Herfølge. Fleiri ferðir áður hevur samanlegging verið upp á tal, men tað hevur kiksað hvørja ferð. Í triði bestu deildini gekk einki serligt hjá Holsterbro og John Petersen. Teir taptu á útivølli 1-0 móti Næsby. Lyngby megnaði 1-1 á heimavølli móti Slagelse. Christian Lamhauge Holst var ikki í Lyngby hópinum. B68 staðfesti sítt pláss, eftir at teir á útivølli høvdu fingið meiri enn annað beinið í finaluna, meðan B71 á heima- vølli megnaði at vinna 3-0 og harvið at taka tað aftur, sum teir høvdu mist á Argjum FSK STEYPAKAPPINGIN Jóannes Hansen Tað vera tey bæði árstals- feløgini, B68 og B71, sum fara at dystast í fyrstu final- uni í FSF steypakappingini, sum er roknað til tey, sum tíðliga missa lívið í kapp- ingini um Løgmanssteypið, men sum ikki er heilt so- leiðis nú, tá ið B68 fram- vegis er partur í báðum steypakappingunum. Toftamenn høvdu vunnið 4-0 á útivølli móti LÍF. Tí var tað bara avgreiðslu spurningur, tá ið LÍF mánadagin var á Svanga- skarði. B68 vann 3-0. Jóh- an Petur Poulsen skoraði í 11. minutti, og hann økti til 2-0 í 53. minutti, meðan veteranurin Øssur Hansen, sum er vinstri vongverji hjá B68, staðfesti 3-0 sigurin, tá ið tað restaðu ellivu min- uttir. AB hevði 1-0 í viðfør- inum frá fyrru hálvfinaluni, tá ið teir fóru um Skopunar- fjørð. Og í 1. hálvleiki høvdu spælararnir hjá Jó- annesi Jakobsen møguleik- ar at økja um leiðsluna. Súni Fríði Barbá fekk besta møguleikan, men ungi B71 málverjin, Símun Rógvi Hansen, bjargaði, tá ið Súni Fríði royndi seg við brots- sparki, sum málverjin hevði verið orsøk til. Eftir steðgin var B71 omaná, og teir skoraðu trý mál. Clayton Soares, sum er sannur fongur á Sandi, og sum í 2. hálvleiki var miðvallari, meðan hann í 1. hálvleiki hevði verið í álop- inum, skoraði fyrst tvey mál. Í 68. minutti sendi hann fríspark upp um stóra manngarðin frammanfyri René Tórgarð og í kassan, og í 70. minutti heilfluktaði hann sera hegnisliga dygst undir tvørtræið. Tummas Pauli Olsen staðfesti 3-0 B71 sigurin og harvið fin- aluplássið, tá ið tað restaðu fimm minuttir. Finalan millum B68 og B71 verður leygardagin 2. juli. KR var undir støðug- um trýsti, men kort- ini megnaðu teir at vinna á útivølli, tá ið teir skoraðu sigurs- málið móti Fylkiri í 94. minutti ÍSLAND Jóannes Hansen Um Hvítusunnuna fór bólt- urin á rull í bestu íslendsku deildini. Fýra uppgerðir vóru 2. dag, og týskvøldið var grannastríð í Reykjavík, har Fylkir í Árbænum tók ímóti KR. Har varð søga skrivað á tann hátt, at KR fyri fyrstu ferð nakrantíð hevði føroy- ing á liðnum í landskapp- ingardysti. Rógvi Jacobsen hevði vunnið sær pláss millum teir fyrstu ellivu, og hann var í álopsplássi alla tíðina. Fylkir, sum í fjør endaði á fjórða plássi, legði bragd- liga fyri. Í 5. minutti fingu teir brotsspark, sum varð umsett til mál. Í 17. minutti svaraði KR aftur. Eftir hornaspark vóru teir í Fylkiri so óhepnir, at teir stútaðu bóltin í egið mál. Fylkir hevði stóra leik- liga yvirvág, men KR mál- verjin var sannur brandur, og so bendi alt bendi á, at tað skuldi endað javnt. Men tá ið klokkan var farin fýra minuttir út um tey trý kort- erini í 2. hálvleiki, eydnað- ist tað KR at skjóta sigurs- málið. Stuldur, mettu íslendsku miðlarnir, at talan hevði verið um. Mett varð, at Fylkir hevði havt sigurin so rudduliga uppibornan. Hjá KR hevur annars gingið væl higartil í ár. Fyrsti landskappingardyst- urin var 12. KR sigurin á rað hjá KR, sum hevur spælt í steypakappingum og øðrum kappingum. Eitt nú vunnu teir í síðsta fyri- reikingardystinum til landskappingina 1-0 í síðstu viku. Talan var um minnisdyst, og einasti mál- skjúttin ta ferðina var Rógvi Jacobsen. Meistararnir av Hafna- firði, FH, løgdu sannfør- andi fyri. Teir vóru í Kefla- vík, har teir vunnu 3-0. ÍA av Akranesi hevði vitjan av þrótti úr Reykjavík og ÍA vann 1-0. Valur vann 3-1 á Grindavík, og í Reykjavík vant Fram burturúr ÍBV úr Vestmannaoyggjunum. Úrslitið gjørdist 3-0. Í næstbestu deildini vann Breiðablik, sum Hans Fróði Hansen spælir við, 2-1 á Haukar úr Kópavági. Hans Fróði hevur spælt flestu ferðirnar í fyrireikingunum til nýggja kappingarárið, men hesa ferð var hann ikki í hópinum hjá Breiðablik. Andrew av Fløtum spældi allar 90 minuttirnar og skoraði, tá Fremad Amager vitjaði hjá Vejle um vikuskiftið Árstalsfeløgini í finaluni Rógvi og teir stjólu sigurin