týsdagur 24. mai 2005síða 19

Lokala stjørnan Veselin Topalov vann sannførandi sterku kappingina Mtel Masters í Sofia. Viswanathan Anand varð nummar tvey TALV Carl Eli Nolsøe Samuelsen Eitt øgiligt comeback. Frá at vera aftastur tá kappingin var komin í helvt, endaði Veselin Topalov eitt heilt stig fremstur tá avtornað varð. Eftir fimta umfar vóru Vladimir Kramnik og Michael Adams á fyrsta plássi við trimum stigum hvør. Viswanathan Anand og Ruslan Ponomariov høvdu 2,5 stig og í botnin- um vóru Judit Polgar og Topalov við tveimum stig- um. Hevði Topalov eina fan- tastiska seinnu helvt - har hann fekk 4,5 stig av fimm - hevði Kramnik ein kata- strofalan kappingarenda. Einans eitt stig av fimm møguligum fekk heims- meistarin skavað saman og hetta gav honum eitt heldur pínligt aftasta pláss. Ófati- ligt sum tað ljóðar, so end- aðu Kramnik og Adams báðir aftastir, hóast teir lógu á odda tá kappingin var hálvrunnin. Offurvilji Tá Topalov tapti ímóti Ponomariov í fimta umfari, væntaðu fá at hann fór at reisa seg somikið sterkt sum hann gjørdi. Ikki minst tí hann framanundan hevði lovað seg til at brúka ein- asta frídagin (eftir 5. um- far) til at skapa áhuga fyri telving í heimlandinum Bulgaria. Millum annað brúkti Topalov tað mesta av degnum uppá simultantelv- ing. Men sæð útfrá myndum frá hesum frídegi, tóktist tað sum Topalov veruliga hugnaði sær saman við við- haldsfólkum sínum. Rok- mikli frídagurin gav í øllum førum úrslit. Í sætta umfari niðurspældi hann Anand við vøkrum offrum og knappliga hevði Topalov samband við oddin. Í sjeynda umfari hevði hann svarta fólkið ímóti Adams. Í miðspælinum hevði Adams lítlan fyri- mun, men leikti síðani ein feil, og tað hevur ein ikki ráð til ímóti Topalov. Topa- lov telvaði hareftir við stór- ari megi og vann sannfør- andi endatalvið við sínum bispaparið ímóti róki. Eftir ein spennandi javn- leik í áttanda umfari ímóti Polgar, har Topalov enn einaferð offraði seg til aktivt spæl, var toppdystur á skránni móti Ponomariov. Ungi ukrainski telvarin hevði telvað sannførandi og lá uppiborið á deildum fyrsta plássi saman við Topalov undan seinastu tveimum umførunum. Men ímóti vælkoyrandi bulgar- anum hevði hann snøgt sagt ongan møguleika. Topalov fór í eitt snarligt kongaálop við at offra ein rók og ridd- ara longu í byrjanarspælin- um. Eftir 30 leikir varð Ponomariov skák mátaður. Talvið er í blaðnum. Kramnik fyri skotum Tá Anand leikti javnt í tíggjunda og seinasta um- fari ímóti Polgar, var tað nóg mikið við javnleiki hjá Topalov í talvinum ímóti einum í løtuni illa telvandi Kramnik. Kramnik hevði tó ætlað sær at gera ein vørr og fór í eitt kongaálop, sum tó varð snøgt steðgað av oddamanninum. Eftir eina spennandi støðu seint í miðspælinum, har Topalov hevði offrað ein kvalitet fyri væl betri støðu, bukkaði Kramnik ein riddara og gavst við brestin. Sigurin gav Topalov eitt trygt fyrsta pláss við 6,5 stigum. Anand varð næstir í røðini við 5,5 stigum. Eftir kappingina hevur Topalov yvirtikið plássið hjá Anand sum ratingsterkasti telvarin í heiminum, nú Kasparov er givin á hægsta stigi. Um- leið 2788 verður nýggja ratingtalið hjá Topalov, meðan Anand dettur niður á 2784. Nr. 95 - 24. mai 2005 19 Talvið hesa vikuna Topalov (2778) - Ponomariov (2695) Mtel Masters (9), 21.05.2005 1.d4 Rif6 2.c4 e6 3.Rif3 b6 Nimzoindiska byrjanin 4.g3 Ba6 5.b3 Bb4+ 6.Bd2 Be7 7.Ric3 0-0 8.Rc1 c6 9.e4 d5 10.e5 Ein teoretisk nýggjheit. Leikurin tykist logiskur og sterkur 10...Rie4 11.Bd3 Rixc3 12.Rxc3 c5 13.dxc5 bxc5 14.h4 Tendensiøsur leikur. Topalov fer eftir konginum 14...h6 Ponomari- ov svarar heldur bangin aftur við ivasum leikur, sum viknar um kongastøðuna 15.Bb1 f5 16.exf6 Bxf6 17.Fc2! d4 18.Rig5! Vakurt 18...hxg5 19.hxg5 dxc3 20.Bf4 Sera kalt telvað. Tað er hugsandi at svartur við røttum verjuspæli møguliga kann yvirliva, men í praktiskari telving er tað altíð torført at verja slíka veika kongastøðu, har øll síni fólk standa passivt á drotningasíðuni 20...Kf7 21.Fg6+ Ke7 22.gxf6+ Rxf6 23.Fxg7+ Rf7 24.Bg5+ Kd6 25.Fxf7! Fxg5 26.Rh7 Hóttur Fc7++ 26...Fe5+ 26...Fd8 verður svarað við Ff4+ og síðani Be4+ sum vinnur rókin og eisini talvið 27.Kf1 Kc6 28.Fe8+ Kb6 29.Fd8+ Kc6 Støðumynd eftir 29...Kc6 30.Be4+! Ponomariov gavst orsakav av: 30...Fxe4 31.Fc7 checkmate 1-0 Topalov í serflokki Endaliga støðan GM Topalov Bulg. 2778 6,5 GM Anand India 2785 5,5 GM Polgar Ung. 2732 5,0 GM Ponomariov Ukr. 2695 5,0 GM Kramnik Russ. 2753 4,0 GM Adams Eng. 2737 4,0