týsdagur 24. mai 2005síða 22

Eitt føroyskt kvinnu- landslið í skerdari útgávu var greitt við undirlutan móti eini ungari íslendskari manning. LANDSDYSTIR Terji Nielsen terji@sosialurin.fo Føroyski landsliðshópurin til dystirnar móti Íslandi um vikuskiftið var nógv broyttur í mun til tað liðið, sum stóð seg so væl í Italia fyri góðum ári síðani. Tey bæði avgjørdu oddaliðini í føroyskum kvinnuhond- bólti nógvu seinnu árini, VB og Stjørnan, høvdu eingi umboð á liðnum, sum leikti móti Íslandi, og tí má staðfestast, at talan var um eitt skert føroyskt lið. Tempoið ov høgt fyri føroysku kvinnurnar Størsti trupulleikin hjá teimum føroysku kvinnun- um í dystunum báðum móti íslendingum, var høga ferðin á íslendska spælin- um. Føroysku kvinnurnar høvdu ógvuliga trupult við at fylgja við íslendsku leikarunum, og serliga tungt var tað hjá okkara leikarum at skifta nóg skjótt úr álopi í verju. Hetta kostaði mangan dýrt, tí ofta gingu tað bert fá sekund frá tí, at Føroyar høvdu mist bóltin í álopin- um, til hann lá í meskunum aftan fyri annaðhvørt Tommu Petersen ella Guðrun í Lágabø. Eisini á kropsliga øki- num vóru okkara spælarar ikki eins væl fyri sum íslendsku kvinnurnar. Ser- liga var tað bakketan hjá Íslandi, sum var vælvaksin og sterk, og tað var tungt hjá føroysku verjuni at verja fyri, tá ið stóru ís- lendsku bakkarnir royndu at bróta ígjøgnum. Tað sást eisini væl, at føroysku spælararnir ikki hava verið í dysti í drúgva tíð, tí neyvleikin og flyting- arnar vóru ikki á tí støði, sum tær helst høvdu verið, um dystirnir høvdu verið, meðan heimliga kappingin var í hæddini. Framtíðina fyri sær Sum áðurnevnt var ís- lendska liðið rættuliga ungt, men tað var tað føroyska so sanniliga eisini. Tí kann sigast, at føroyska liðið hevur framtíðina fyri sær, og at talan er um nógvar evnaríkar spælarar, er einki at taka seg aftur í. Eitt nú er unga Rebekka Justinussen úr StÍF fram- vegis unglingaspælari, men hon smæddist tó ikki burtur úr í dystinum móti Íslandi. Tá ið liðið verður styrkt við nøkrum profilum úr ávíkavíst VB og Stjørnuni, er breiddin góð, og við miðvísari venjing og fleiri felagsvenjingum skal okk- urt gott óivað spyrjast burt- ur úr. Hvar liggur feilurin? Stóri spurningurin og stóra samrøðuevnið í sambandi við dystirnar hjá kvinnu- landsliðnum, var tó, hví eingir spælarar úr VB og Stjørnuni vóru við. Sum nevnt í blaðnum í vikuskiftinum var ein stór- ur partur av liðnum hjá Stjørnuni uttanlands, men tó ikki allar. Sosialurin hevur tó fingið uppspurt, at venjarin hjá Stjørnuni og fyrrverandi landsliðsvenj- arin, Rógvi Nielsen, hevði meldað avboð vegna alt liðið hjá Stjørnuni til dyst- irnar móti Íslandi, hóast onkur spælari ikki var vitandi um tað. Somuleiðis hevði Rógvi sagt við fyrr- verandi starvsfelagan á landsliðnum, Flemming Raben, at leikararnir úr VB ikki høvdu sýnt landslið- num áhuga, men tað kendu VB-spælararnir sjálvar einki til. Tær hava ongantíð fingið nakra áheitan ella fyrispurning frá lands- liðsvenjaranum ella HSF. Flemming Raben hevur tikið orðini hjá Rógva fyri gott, og tí kann hann ikki lastast fyri, at VB og Stjør- nan einki umboð høvdu í hópinum til dystirnar móti Íslandi. Danski venjarin hevur snøgt sagt fingi blóð- skeiv boð frá fyrrverandi starvsfelaganum, sum hev- ur meldað avboð fyri leik- arar, sum ikki vóru vitandi um hetta. Hetta ber ikki til, og tað má fáa avleiðingar innanhýsis í hondbóltssam- bandinum, at spælarar, sum eru áhugaðir í at spæla á landsliðnum, og sum iva- leyst kunnu gerast grund- stuðlar á liðnum, ikki sleppa framat. Bara tí Rógvi Nielsen sigur við Flemming Raben, at tær ikki hava hug at spæla á landsliðnum. Vit royndu bæði í viku- skiftinum og mánadagin at fáa fatur á Rógva Nielsen, men til fánýtis. 22 Nr. 95 - 24. mai 2005 Venjarin hjá før- oyska kvinnulands- liðnum, Flemming Raben, heldur tað verða umráðandi, at størri dentur verður lagdur á fysiska venjing inn- an hondbóltin í Føroyum LANDSLIÐSPRÁT Terji Nielsen terji@sosialurin.fo Flemming Raben var fegin um dystirnar móti sterku íslendsku mann- ingini, tí at dystirnir vóru eitt gott høvi hjá honum at síggja nakrar nýggjar spælarar royna seg í landsliðshøpi. Men landsliðsvenjarin heldur, at dystirnir móti Íslandi prógvaðu, at vit eiga at leggja størri dent á kropsliga venjing her heima, tí at okkara spæl- arar standa ikki mót- støðuleikarunum mát á kropsliga økinum. Ungt lið Sjálvur helt Flemming Raben, at tað var ógvu- liga sjónligt í dystunum móti ungu íslendsku manningini, at føroyska kappingin er liðug fyri umleið einum mánað síðani. - Eg haldi, at tað sæst ógvuliga týðuligani, at okkara spælarar mangla taðnn seinasta neyvleik- an í hesum báðum dyst- unum, og tað kemur sjálvsagt av, at teir ikki hava roynt seg í dysti í ein mánað. Hinvegin haldi eg, at í seinna hálvleiki av dystinum í Havn sunnudagin eru okkara spælarar væl við, og tá spæla tær fyri so vítt upp við íslendska liðið, segði Flemming Raben. Føroyski landsliðs- venjarin viðgekk tó, at íslendska landsliðið var væl sterkari, enn hann hevði væntað, og hann hevði ikki væntað, at mótstøðan fór at verða so sterk. Flemming Rab- en sigur, at eftir hansara tykki er íslendskur kvinnuhondbóltur kom- in rættuliga langt. Í sambandi við dystir- nar móti íslendingum hava føroysku kvinnur- nar eisini verið saman uttan fyri vøllin, og tað heldur Flemming Raben hevur sera stóran týdn- ing. Miðvís venjing Føroyska kvinnulands- liðið arbeiðir í løtuni fram ímóti enn eini Challenge Trophy Cup kapping, sum væntandi verður einaferð komandi vár. Flemming Raben, sum hevur tikið við landsliðsvenjarasessin- um eftir Rógva Nielsen, sigur, at nú verður løgd ein miðvís venjingar- skrá, sum teir leikarar, ið eru áhugaðir í at verða við í landsliðshøpi, skulu fylgja. Hondbóltssambandið fer at koma við einum útspæli til, hvussu teir føroysku spælararnir hvør í sínum lagi kunnu arbeiða við kropsligari venjing, tí tað er serliga á hesum øki, at vit eru eftirbátar, heldur Flemming Raben. Eisini heldur Flemm- ing Raben, at tað er av stórum týdningi fyri føroyskan hondbólt, at okkurt verður gjørt fyri, at spælararnir eru virk- nir i eitt longri tíðar- skeið, enn teir eru í løt- uni. Sum nú er, liggur hondbólturin í Føroyum stillur alt ov leingi, og tað ber ikki til, um vit ætla at verða við í al- tjóða hondbólti, heldur Flemming Raben. Flemming Raben, landsliðsvenjari: - Noyðast at arbeiða við tí kropsliga 21.05.05 Føroyar-Ísland 14-31 22.05.05 Føroyar-Ísland 14-26 Skert føroyskt lið tapti greitt Unga Rebekka Justinussen úr StÍF h.m. stóð seg væl í dystunum móti íslendsku kvinnunum um vikuskiftið. Mynd: Álvur Haraldsen Flemming Raben, lands- liðsvenjari, heldur tað verða umráðandi, at okkurt verður gjørt fyri at føroyskir hondbólt- spælarar eru í gongd ein størri part av árinum.