týsdagur 24. mai 2005síða 23

Nr. 95 - 24. mai 2005 23 Tað var um reppið, at »einki samband er við fartelefonina« tónin kom til Gøtu, men við sigrinum á VB fekk GÍ tikið seg somikið nógv upp, at níggjunda plássið nú bara er eitt stig burturi FÓTBÓLTUR Jákup Mørk Annað vikuskiftið á rað skuldi GÍ til Suðuroyar, og trýstið á spælarunum var ikki minni hesaferð. Við bara fýra stigum fyri fyrsta triðingin av kappingini sá tilveran alt annað enn bjørt út, og við dysti móti lið- num, sum undan uppgerð- ini var næstaftast, var krav- ið hjá gøtumonnunum heilt einfalt. Ein sigur og einki annað kundi góðtakast. GÍ slapp væl Og tað eydnaðist eisini at fáa sigurin. Við einum hart arbeiðandi miðvølli, sum hesaferð innihelt bæði Sámal Joensen og Súna Olsen eydnaðist fyri tað nógva gøtumonnunum at halda spælinum uppi á VB- hálvuni. Hetta var kansak eisini sambært spæliætlanini hjá VB, ið fyri tað nógva hevði vónir um kontrafótbólt, men tað gjørdist tó sjáldan talan um nakað upplagt høvi til hetta. Gøtumennnir høvdu bæði tol og disciplin í sínum spæli, soleiðis at óneyðugir møguleikar ikki vórðu givnir fyri einki, og tað eydnaðist teimum eisini at koma á odda fyri steðgin, tá Sámal Joensen kom at standa væl fyri eftir inn- legg. Kanska skuldi ein hildið, at hetta fór at noyða VB longur fram á vøllin, men tað hendi tó ikki. Heldur royndu teir at halda fast í grundspælinum, har bundið varð fyri í verjuni, men leiðsluni í bakhondini hevði GÍ ikki tann stóra tørvin á at trýsta alt ov nógv. Og tá teir so eisini øktu um leiðsluna, gjørdist mest sum leyst og liðugt. Hesaferð byrjaði Sámal sjálvur álopið, og umvegis Súna Olsen varð bólturin sendir til ein púra leysan Krzystof Popczynski, sum ikki sveik álitið á gamla heimavølli sínum. Og tá Súni so eftir nærum obliga- toriska frísparksmálið økti til 3-0, var leyst og liðugt. Tá royndi VB annars at tveita nakað av fólki fram, men trý mál kundu teir ongantíð taka innaftur. Kreppan flutt suðureftir Fyrstu nógvu umførini hev- ur krepputosið í føroyska fótbóltsheiminum fyri tað nógva snúð seg um GÍ og KÍ, men hetta tykist nú vera flutt. Seinastu fimm dystir- nar hevur VB bara fingið eitt stig, og tað sæst eisini aftur á talvuni. Har er VB nú bert eitt stig framman fyri GÍ, men skal metast eftir dystinum sunnudagin, so er tað bara ein spurning- ur um tíð, áðrenn hetta eisini er broytt. Skifta heimavøllin Lagið var í toppi hjá gøtu- monnum, tá vit eftir dystin í Vági fingu orðið á teir. Sigurin var eitt krav undan dystinum, og sum Sámal Joensen tók til, so vildi eitt tap verið katastrofalt fyri liðið. - Tú kanst ætla, at hetta hjálpti upp á lagið. Høvdu vit tapt, so vóru sjey stig upp bara fyri at fáa kontakt við hini liðini, og tað vildi verið ein skandala. Nú er talan so bara um eitt stig, og tað kunnu vit taka inn- aftur, helt hann. Komandi umfarið hava gøtumenn heimavøll móti ÍF. Ein dystur, har GÍ al- oftast stendur seg væl, og sjálvur tykist Sámal eisini vóna, at tann dysturin kann geva stig av sær. - Tað plagar jú at ganga væl hjá okkum móti ÍF. Ikki minst í Gøtu, men nú veit eg ikki, um dysturin verður har. Fólk eru í øllum førum farin at tosa um, at vit kanska skuldu flutt heimavøllin til Vágs. Tað tykist so vera einasta stað- ið, har vit fáa nøkur stig, helt hann skemtandi. -jm Dawid fekk ikki loyvi at spæla Seinastu vikurnar hevur tað verið pólverski Marcel Dawid, sum hevur vart GÍ- málið, men hann var ikki millum stólparnar sunnu- dagin. Ístaðin var tað Meinhardt Joensen, sum spældi sín fyrsta dyst á besta GÍ- liðnum. Hann breyt annars armin stutt eftir, at hann hevði gjørt sáttmála við GÍ, og tí gjørdist neyðugt við øðrum loysnum á málverja- spurninginum. Her endaði alt við, at Dawid varð læntur frá VB/Sumba, men leigusátt- málin innihelt eisini nakrar klausular. Millum annað, at Dawid ikki skuldi verja málið, tá VB var mótstøðu- liðið, og hetta var so or- søkin til, at málverjin hjá GÍ hesaferð æt Meinhardt Joensen. -jm …ein kommuna í menning Byggifrøðingur VB-GÍ 0-3 (0-1): 0-1: Sámal Joensen 0-2: Krzystof Popczynski 0-3: Súni Olsen Dómari: Eiler Rasmussen VB: Bjarni Johansen – Mortan úr Hørg, Anders Sørensen, Súni úr Hørg, Kári í Lágabø – Poul N. Poulsen (Nenad Zivanovic, 56.), Edvard Ble, Milan Kuljic, Símun Samuelsen – Dan Djurhuus,Mikael í Lágabø (Jón Krosslá Poulsen,46.) GK: Edvard Ble, Jón K. Poulsen GÍ: Meinhardt Joensen – Jónreid Dalheim, Robert Rzeczycki, Kaj Ennigarð (Atli Gregersen, 48.), Hanus Jacobsen – Símun Louis Jacobsen, Sam Jacobsen, Súni Olsen, Sámal Joensen (Magni Jarnskor, 71.), Áslakur R. Petersen (Poul Arni Jacobsen, 79.) – Krzystof Popzynski GK: Robert Rzeczycki Fakta um dystin VB-GÍ 0-3 (0-1): GÍ fekk samband Væl mannaði GÍ-miðvøllurin fekk í longum løtum lætt spæl móti VB, sum bíðaði og bíðaði eftir kontra-møguleik- anum, sum ongantíð kom Mynd: Áki Bertholdsen