týsdagur 24. mai 2005síða 27

Nr. 95 - 24. mai 2005 27 Kimi Räikkönen sannførdi í Monako Finski McLaren/Mer- cedes koyrarin Kimi Räikkönen vann sannførandi í Monako. Hann varð ongantíð veruliga hóttur. Men hetta merkir ikki, at koyr- ingin varð keðilig FORMEL 1 Niels Uni Dam nielsuni@sosialurin.fo Monako plagar vanliga at verða tann koyringin, har fæðst bilar koma á mál. Einaferð í 90’unum komu einans fimm bilar á mál. Sunnudagin komu 14 av teimum 18 bilunum á mál, hetta hóast eina hendinga- ríka koyring við saman- stoytum, trygdarbili og fram um alt tættari koyring og flottum yvirhálingum. Kimi Räikkönen var næstan ongantíð at síggja á sjónvarpsskíggjanum, hann koyrdi sína egnu koyring, meðan nógvu hendingarnar aftanfyri hann kravdu øll myndatólini. Tá 25 umferðir vóru koyrdar, snaraði Minardi bilurin hjá Christijan Al- bers runt, og strandaði mitt á koyribreytini. Neyðars David Coulthard varð fyrsti maður á staðnum. Hann fekk akkurát bremsa og snarað rundanum bilin. Michael Schumacher, sum var beint í hølunum á hon- um, kláraði ikki at bremsa nóg nógv, men rendi beint upp í afturpartin á bilinum hjá Coulthard. Coulthard koyrdi beint í pit, har hann noyddist at gevast við oyði- lagdum bili. Michael Schu- macher fór eisini í pit við einum brotnum framvongi, gronin á bilinum varð skift og hóast trygdarbilur var komin á breytina, sendi hetta Schumacher á trett- anda pláss eina umferð aftan fyri Kimi Räikkönen. Nógvir koyrarar valdu at fara í pit, meðan trygdar- bilurin var á breytini, men ikki Räikkönen, hann valdi at verða verðandi úti á breytini. Í Renault garag- uni, fekk onkur reyð oyru. Báðir bilarnir komu inn í senn, og Fisichella misti nógv pláss, tá hann stóð og bíðaði, meðan liðfelagin fekk bensin. Hetta var sum heild ein skelkandi dagur hjá Rena- ult. At Räikkönen er kvik- ur, sóu teir í Spania. Tað man neyvan skelka, men bæði Alonso og Fisichella líktust mest koyrandi sjik- anum. Øll hini liðini undantikið Minardi og Jordan tyktust skjótari enn Renault bilarnir, og feltið savnaðist aftanfyri teir. Spenningurin, um hvar meistaraheitið endar, er enn stórur. Serliga var stuttligt at síggja, hvussu væl Willi- ams BMW bilarnir kláraðu seg. Vanliga verður sagt, at í Monako ber ikki til at yvirhála, men Williams koyrararnir Heidfeld og Webber vístu við framúr yvirhálingum yvir Alonso, at tað ber til. Teir lógu stór- an part av koyringini aftan- fyri Alonso, og spurning- urin er, um teir kundu havt avbjóða Räikkönen. Tí sjálvt um McLaren bilurin hjá Räikkönen vann sann- førandi, vóru Renault propparnir ein av orsøk- unum til hetta. Trulli breyt sær bilin, tá hann royndi at sleppa fram- við Fisichella. Men Toyota vóru sera skjótir, hetta vísti Ralf Schumacher eisini. Hann byrjaði næstseinastur, og koyrdi seg upp á sætta pláss. Einasti maður, sum byrjaði aftanfyri Ralf, var gamli liðfelagin Juan Pablo Montoya, hann megnaði at koyra sín McLaren upp á fimta pláss. Ferrari vóru aftur í dag óhepnir, Michael Schu- macher við sínum óhappi, og Barrichello tá motorurin hjá honum steðgaði í pittin- um, hetta tók nógva tíð. Harumframt varð hann revsaður fyri at koyra ov skjótt í pittinum. Men alíkavæl vórðu Ferrari bil- arnir bara ávíkavist 0,8 og 1,1 sekund aftanfyri Alonso á fjórða plássi. Michael Schumacher vísti eitt sindur av villskapi, tá hann kroysti seg framvið Barrichello og upp á sjeynda pláss á síðstu um- ferðini, og hann mundi sloppið framvið lítlabeiggj- anum Ralf Schumacher, tá teir fóru um málstrikuna. Pínligastu løtuna á degn- um átti Jaques Villeneuve. Hann royndi at yvirhála lið- felagan Massa og megnaði at koyra báðar Sauber bil- arnar av breytini. Hetta kostaði Sauber stig í dag, tí hóast báðir koyrdu víðari, var dysturin um stigini tapt- ur. Koyringin var tann mest spennandi koyringin, sum hevur verið í Monako í nógv ár. Støður, Formel 1 Koyrarar Navn Land Merki Stig Fernando Alonso Spania Renault 49 Kimi Raikkonen Finnland McLaren 27 Jarno Trulli Italia Toyota 26 Mark Webber Australia BMW-Williams 18 Nick Heidfeld Týskland BMW-Williams 17 Ralf Schumacher Týskland Toyota 17 Juan Pablo Montoya Kolumbia McLaren-Mercedes 14 Giancarlo Fisichella Italia Renault 14 Michael Schumacher Týskland Ferrari 12 David Coulthard Stórabretland Red Bull 10 Rubens Barrichello Brasil Ferrari 9 Alexander Wurz Eysturríki McLaren-Mercedes 6 Jacques Villeneuve Kanada Sauber-Petronas 5 Pedro de la Rosa Spania McLaren 4 Christian Klein Eysturríki Red Bull 3 Felipe Massa Brasil Sauber-Petronas 2 Vitantonia Liuzzi Italia Red Bull 1 Bilar Merki stig Renault 63 McLaren 51 Toyota 43 BMW-Williams 35 Ferrari 21 Red Bull 14 Sauber-Petronas 7 Kimi Räikkönen var í serflokki á truplu breytini í Monako, og nú er av álvara spenningur komin aftur í formel 1 kappingina Mynd: Reuters Úrslitið í Monako Nr. Koyrari Land Bilslag Tíð 1 Kimi Räikkönen Finnland McLaren-Mercedes 2 Nick Heidfeld Týskland Williams-BMW + 13,8 sekund 3 Mark Webber Avstralia Williams-BMW + 18,4 sekund 4 Fernando Alonso Spania Renault 36,4 sekund 5 Juan Pablo Montoya Kolumbia McLaren-Mercedes 36,6 sekund 6 Ralf Schumacher Týskland Toyota 37,1 sekund 7 Michael Schumacher Týskland Ferrari 37,2 sekund 8 Rubens Barrichello Brasilia Ferrari 37,5 sekund 9 Felipe Massa Brasilia Sauber-Petronas 1 umferð 10 Jarno Trulli Italia Toyota 1 umferð 11 Jacques Villeneuve Kanada Sauber-Petronas 1 umferð 12 Giancarlo Fisichella Italia Renault 1 umferð 13 Tiago Monteiro Portugal Jordan-Toyota 3 umferðir 14 Christijan Albers Holland Minardi-Cosworth 5 umferðir 15 Vitantonio Liuzzi Italia Red Bull Racing (kom ikki á mál) 16 Patrick Friesacher Eysturríkið Minardi-Cosworth (kom ikki á mál) 17 David Coulthard Skotland Red Bull Racing (kom ikki á mál) 18 Narain Karthikeyan India Jordan-Toyota (kom ikki á mál)