týsdagur 24. mai 2005síða 28

28 Nr. 95 - 24. mai 2005 Arsenal fór avstað við FA-Cup steypinum fyri nøsini á Man- chester United, sum annars átti finalu- dystin við húð og hár. Arsenal-leikararnir megnaðu tó at halda høvdið kalt undir brotssparkskappingin i, har Paul Scholes gjørdist synda- bukkurin FA-CUP Stefan í Skorini Arsenal gjørdist fyrsta fel- agið 133 ára longu søguni hjá FA-Cup, ið vinnur steypið eftir brotssparks- kapping. Hetta hendi leygardagin, tá arvafígg- indarnir United og Arsenal brustu saman á Millenium Stadium í Cardiff. Eftir vanliga leiktíð og umdyst hevði hvørki av lið- unum fingið bóltin í kass- an, og tí skuldi dysturin av- gerast frá ellivu-metra blettinum. Allir Arsenal leikararnir skoraðu, men Paul Scholes var tann ein- asti hjá United, sum ikki skoraði. Jens Lehmann tveitti seg til røttu síðuna, bjargaði og avgjørdi harvið óbeinleiðis FA-Cup final- una 2005. Rán Yvirskriftin til greinina sipar til, at Arsenal als ikki hevði uppiborið hendan sigurin, men at teir rændu sigurin fyri nøsini á United, sum stýrdi dystinum frá byrjan til enda. Trupulleikin hjá United var bara, at teir ikki skor- aðu, og so mátti dysturin avgerast uppá brotsspark, og har var Arsenal stinnari. Um hugt verður eftir hag- tølunum fyri dystin, síggja vit eisini eina greiða mynd av gongdini. Sambært Opt- asportsdata hevði United tólv royndir, harav átta raktu innanfyri málramm- una. Arsenal hevði hinvegin fýra royndir, og bert ein teirra rakti málið. Álopið hjá United hevði so at siga einki at bjóða uppá, og Roy Carrol í mál- inum hjá United var at kalla arbeiðsleysur stórar partar av dystinum. Í fyrra hálvleiki fekk Rio Ferdinand kúluna innum málstrikuna, men hetta var av røttum kolldømt fyri rangstøðu. Eftir steðgin brast bólt- urin tvær ferðir á træverkið aftanfyri Jens Lehmann í Arsenal-málinum. Fyrru ferð var tað Wayne Rooney, sum royndi seg úr spískum. Lehmann væntaði eitt inn- legg úr høgru og tók tí eitt fet út úr málinum, men hann fekk í evstu løtu jústa bóltin á stongina. Ein sera frek roynd frá Rooney, sum tó ikki gav úrslit. Seinnu ferð var tað Nis- telrooy, ið var sera nær við at leggja United á odda. Eftir hornaspark setti hann høvdið á bóltin, men sviin Frederik Ljungberg stóð á strikuni og sendi bóltin við høvdinum umvegis tvør- træið út aftur í spælið. Beiskur biti av svølgja Undan finaluni høvdu bæði Sir Alex Ferguson og Ars- ene Wenger úttalað seg um mótpartin. Og sum vant tá hesir báðir skulu geva sína meining til kennar, spældi tað ikki stillisliga av. Tí mundi tað vera ein beiskur biti hjá Ferguson, tá tapið gjørdist veruleiki. Hann rósti sínum leikarum eftir dystin fyri eitt gott av- rik, og hann metti, at hans- ara menn høvdu uppiborið sigurin við tí álopsfótbólti, sum United vísti. Trupul- leikin var bara, at kanónin hjá Nistelrooy, Rooney og Ronaldo ikki var innstillað hendan dagin, og tað mátti United eisini kenna sviðan av. Ferguson langaði eftir dystin út eftir Arsenal, og kallaði avrikið hjá mót- støðuliðnum "keðiligt". Eisini vildi hann vera við, at Vieira skuldi fingið reyða kortið móti endanum av dystinum, men at franski miðvallarin eftir øllum at døma var "immunur" yvir- fyri kortum dómarans. Tað vóru ikki mong, ið mettu, at Arsenal hevði uppiborði sigurin, men Ashley Cole, vinstri bakkur hjá Arsenal, hevði eina aðra meting av dystinum. Hann var ikki í iva um, at hansara lið hevði uppiborið at standa ovast á sigurspallin- um eftir dystin. Cole vísti á, at Arsenal arbeiddi hart gjøgnum allan dystin, og at teir ongantíð góvu skarvin yvir, hóast United legði hart trýst á Arsenal-verjuna. Men spurningurin er, um ikki Cole skal siga júst hatta eftir ein slíkan dyst. Málturkur hjá United Júst hesin dysturin var eis- ini sera symptomatiskur fyri kappingarárið hjá Uni- ted. Liðið endaði á triðja plássið aftanfyri bæði Ars- enal og Chelsea. Hetta merkir, at United skal spæla kvalifikatión til Champions League. Tað hevur sostatt ikki gingið eftir vild hjá United, og nú glapp FA-Cup final- an eisini teimum av hond- um. Hyggja vit eftir hagtølun- um, eru tað fimtan ár síð- ani, at United skoraði so fá mál í landskappingini sum í ár. Bert 58 mál megnaðu United-leikararnir at skjóta í Premier League. Hetta bendir á, at liðið hevur trupulleikar í álopinum, og tað var eisini eyðsýnt leygardagin. Hóast gott álopsspæl vildi bólturin ikki inn, og tað kostaði sigurin at enda. At álopsspælið ikki rigg- aði hjá Arsenal sunnudagin var kanska ikki so løgið. Toppskjúttin í Onglandi í ár, Thierry Henry, sat nevniliga uttanfyri við skaða, og fekk tí ikki sett sín dám á dystin. Um hann var við, hevði Arsenal helst ikki spælt við einum so verjukendum útgangsstøði. Bergkamp formáddi sær nevnliga ikki stórvegis móti verjuni hjá United, og tað var sjáldan, at vit sóu nakað til álopsdygdirnar hjá Reyes, Pires og Ljungberg. Besti maður hjá Arsenal var ikki óvæntað málverjin Jens Lehmann, sum fleiri ferðir bjargaði Arsenal und- an undirgangi. Framtíð hansara er tó framvegis iva- som, tá hann ikki hevur verið nóg stabilur gjøgnum kappingarárið. So møgu- liga var hetta síðsti dystur hjá týska málverjanum, men hann endaði við einum braki og kann vera errin av sínum seinasta avriki fyri felagið. Rán á alljósum degi Arsenal-spælararnir høvdu sjálvandi alla orsøk at fegnast, men tað mundu vera tey flestu, sum ásannaðu, at sigurin var alt annað enn uppiborin Mynd: Reuters