fríggjadagur 27. mai 2005síða 4

4 Nr. 98 - 27. mai 2005 Nýggi Smyril: Eru 14 dagar frammanfyri tíðarætlanina Arbeiðið upp á nýggja Smyril hevur gingið so væl í seinastuni, at byggingin er nú tvær vikur frammanfyri tíðarætlanina NÝGGI SMYRIL Áki Bertholdsen aki@sosialurin.fo Arbeiðið uppá nýggja Smyril hevur gingið væl í seinastuni.Tað hevur gingið so væl, at nú eru útlit til, at skipið kann latast føroying- um nakað fyri tíðarætlan- ina, sum er ásett. Kristian Davidsen, stjóri á Strandferðsluni, sigur, at arbeiðið hevur gingið so mikið væl, at Skipasmiðjan nú er 14 dagar frammanfyri tíðarætlanina. Skipasmiðjan hevur ann- ars boðað frá, at Smyril verður liðugur 15. oktober í ár. Men hon gjørdi sam- stundis eisini greitt, at hetta var avgjørt tað seinasta, sum báturin verður liðugur. Og sum tað gongur nú, bendir sostatt alt á, at nýggi Smyril eisini kann verða liðugur nakrar vikur áðrenn tað. Ikki minst hevur mann- ingin á Smyrli lagd dent á týdningin av at fáa skipið um summarið, ella so tíð- liga um heystið sum gjør- ligt, so at tey fáa vant seg við skipið, áðrenn vetrar- stormarnir fara at herja aft- ur og útlitini fyri tí eru altso batnað í seinastuni. Heilt annað lag Kristian Davidsen sigur eis- ini, at tað í allar mátar er komið heilt annað lag á byggiarbeiðið, síðani ovasti leiðarin á IZAR-samtakin- um, sum eigur Skipasmiðj- una, sum smíðar Smyril, sjálvur átók sær byggileiðsl- una. – Tað arbeiða nógv fólk umborð, ímillum 400 og 500 fólk og summastaðni verður arbeitt alt samdøg- urið. – Sostatt gongur arbeiðið so skjótt sum tað kann, sigur strandferðslustjórin. Hann sigur, at nú gongur tað eisini nógv lættari at rætta brek og mistøk, sum verða gjørd. – Tað, vit hava verið von við, er, at skipasmiðjan skuldi hava øll kærupunkt skrivliga, men so var aloft- ast neyðugt við áminning- um, áðrenn nakað hendi, so mannagongdin hevur verið tung og tvørlig, tá ið brek og mistøk skulu rættast. Kristian Davidsen sigur, at eisini í so máta er heilt annað lag á, tí nú er mang- an nóg mikið at gera vart við brek og mistøk munn- liga, so verður tað rættað. Fóru um ein marknaðstein Annars fór arbeiðið at byggja nýggja Smyril um ein týðandi marknaðstein týsdagin. Tað hendi, tá ið høvuðs- motorur nummar fýra varð settur ígongd fyrstu ferð. Ein slík løta verður mett at hava so stóran týdning í sambandi við skipasmíð, at eftirlitisfólkið skrivaði ná- greiniliga niður, hvat klokkan var, tá ið motor- urin fór ígongd. Og tað var akkurat klokk- an 18.36 føroyska tíð týs- kvøldið og menn vóru øgi- liga spentir at vita, hvussu tað fór at gangast. Men teir siga, at tað gekk alt av tí besta og motorurin gekk sum hann skuldi, sig- ur Kristian Davidsen. Annars eru ljósmotorarnir eisini royndir og eisini har riggaði alt sum tað skuldi. Petur Winter.JPG Petur Vinther, maskinstjóri, niðri í maskinrúminum á nýggja Smyrli Menn standa spentir og bíða týskvøldið, tá ið motorur nummar fýra marð settur ígongd fyrstu ferð. Men tað riggaði alt, sum tað skuldi Maskinrúmið á nýggja Smyrli er stórt. Her standa motur nummar try og nummar fýra Bjargingarbátar eru eisini hongdir upp Her er so ein mynd innan av matstovuni. Hetta er diskarnir inni, haðani fólk fáa sær mat. Nógv er innvavt í plast fyri at verja tað