fríggjadagur 27. mai 2005síða 14

14 Nr. 98 - 27. mai 2005 Næstu vikurnar verður gjørt eitt átak fyri at fáa fleiri fólk at nýta trygdarbelti. Umframt at tað verður lýst í fjølmiðl- unum, verða hesaferð eisini plakatir settar við vegirnar við áminning um at spenna beltið Tíðindaskriv RFF Átakið verður gjørt í samstarvi við Landsverk, kommunur kring landið og ikki minst politiið, sum næstu tvær vikurnar fer at gera serligt burtur úr at steðga bilum. Fyri at kanna, hvussu stendur til við trygdarbelt- inum, hevur Ferðslutrygd gjørt teljingar kring landið. Sum talvan sýnir, má sig- ast, at úrslitið er misjavnt. Teljingin vísir, at vit nýta trygdarbelti minni enn fólk í grannalondum okkara. Serliga skakandi er, at so fá børn sita í trygdarbelti. Nakrar staðfestingar: • Trygdarbelti verður mest nýtt í høvuðsstaðarøkinum • Trygdarbelti verður minst nýtt í Klaksvík og á Tvøroyri, har minni enn triðingurin av bilførarunum eru íbundnir. • Í Klaksvík er bara fimta hvørt barn í trygdarbelti • Í Klaksvík er einki vaksið ferðafólk aftan í trygdarbelti • Bilførarar í arbeiðsbilum brúka trygdarbeltið minni enn teir í persónbilum, undantikið í Miðvági, sum hevur øðrvísi mynstur enn hini støðini. • Í mun til hini økini uttanfyri høvuðsstaðin, er nýtslan av trygdarbelti hjá børnum í Miðvági stór. Um teljingarnar Talt varð týsdagin 17. mai á hesum støðum: Tórshavn, Runavík, Miðvágur, Tvør- oyri, Klaksvík og við lands- vegin á Hvítanesi í Suður- streymoy. Talt varð tvær ferðir ein tíma: frá kl. 7.45 til 8.45 og frá kl. 15 til kl. 16. Í talvuni omanfyri, eru tølini, sum eru gjørdar um morgunin og seinnapartin løgd saman. Tað eru annars nakað fleiri ið nýta trygdarbelti um morgunin, enn um kvøldið. At enda kann verða nevnt, at við tað, at teljing á landsvegi bert var í einum staði, nevniliga í høvuðsstaðar- økinum norðan fyri rund- koyringina á Hvítanesi, er ikki møguligt í hesum um- fari at síggja, um atburð- urin á landsvegi aðrastaðni í landinum er øðrvísi. Tá ið átakið er liðugt fyrst í juni, verður nýtslan av trygdarbelti aftur kann- að. Trygdarbelti mest nýtt í høvuðsstaðarøkinum Fram við vegunum kring landið eru hesar plakatir at síggja Mynd: Jens Kristian Vang Nýtslan av trygdarbelti Bilf. í persónbilum Vaksin aftan Børn Bilf. í arbeiðsbilum Landsvegur Hvítanes 74% 54% 67% 56% Tórshavn 73% 47% 67% 52% Runavík 65% *) 39% 35% *) Onki vaksið ferðafólk varð skrásett í bilunum Miðvágur 57% 45% 61% 69% Tvøroyri 30% 17% 31% 20% Klaksvík 28% 0% **) 19% 15% **) Av 31 taldum fólkum sat eingin í belti Miðal alt landið 55% 33% 47% 41%