týsdagur 31. mai 2005síða 17

Nr. 100 - 31. mai 2005 17 Roykfrí matstova á Hotel Føroyum Glasstovan á Hotel Føroyum hevur verið roykfrí síðan á nýggj- árinum. Hetta tiltakið hevur ikki minkað um umsetningin, sig- ur sølustjórin á hotellinum HEILSUMÁL Edvard Joensen Sum tann fyrsta matstovan í landinum gjørdist Glas- stovan á Hotel Føroyum roykfrí á nýggjárinum. Hendan royndin hevur verið góð, sigur Birna Jac- obsen, sølustjóri á Hotel Føroyum. Í hvussu er hevur hon ikki ávirkað umsetn- ingin hjá matstovuni neg- ativt, sigur hon, Heldur hinvegin. Tað ger so, at tey hava gjørt av at hava matstovuna roykfría permanent, og at døma eftir eini kanning, tey hava gjørt millum við- skiftafólkið, er hetta ein røtt avgerð, vísir hon á. Kanningin, sum Gallup hevur gjørt fyri hotellið, vísir, at stórur meiriluti av teimum spurdu, bæði roykj- arum og ikki roykjarum, halda, at Glasstovan eigur at vera roykfrí. Ikki færri enn 84 prosent av samlaðu luttakarunum í kanningini, eru fyri hesum. Bæði millum roykjarar og ikki roykjarar er meiri- luti av teimum, sum vilja hava matstovuna roykfría. Ikki færri enn 63 av roykj- arunum halda tað vera í lagi við roykfríari matstovu. Ikki óvæntað eru heili 91 prosent av ikki roykjarun- um fyri hesum tiltakinum. Eisini hava tey í kanningini spurt, hvat fólk halda um, at hotellið, alt sum tað er, skal vera royk- frítt. Har er býtið helvt um helt av teimum, sum vóru við í kanningini. 50 prosent prosent til hvønn partin. Ávirkan uttaneftir Tað er í samband við royk- fría dagin týsdagin 31. mei, at hesi tølini verða kunn- gjørd nú, sigur Birna Jacobsen. Men sjálvt tiltakið hjá Hotel Føroyum er ávirkað av gongdini á hesum øk- inum uttanlands. Har gerst tað alt meira vanligt í alt fleiri londum, at slík støð sum matstovur og gisting- arhús yvirhøvur gerast roykfrí. Nevnd verða lond sum Írland, Italia, Malta og Noreg, sum undangongu- lond. Eisini í Svøríki kemur roykiforboð í gildi á mat- stovum og almennum støð- um frá 1. juni í ár. Belgia fer eisini at seta eitt roykiforboð á matstov- um í gildi frá 2007. Tó verður hetta forboð heldur meira avmarkað enn í ørðum ES londum. Verja starvsfólkið Umframt at koma við- skiftafólkinum, sum ikki roykir, til góðar, er átakið eisini gjørt fyri at verja starvsfólkið, sum dagliga ferðast í matstovuni, sigur Birna Jacobsen. Kanningar hjá danska »Arbejdsmiljøinstituttet« vísa, at í Danmark doyggja fimm til tíggju tænarar árliga av passivari royking. Hóast matstovan á hotell- inum er roykfrí, eins og fundarhøli eisini eru tað, er tað kortini ikki fullkomið roykibann. Tað privatar veitslur verða hildnar, er tað verturin, sum ger av, um roykjast kann ella ikki, sigur Birna Jacobsen, sølu- stjóri á Hotel Føroyum. Og í barrini í móttøkuhøllini, á Vaglinum og í einstøkum gistingarrúmum á hotell- inum ber eisini til at roykja, sigur hon. Kanningin, sum Gallup hevur gjørt fyri Hotel Før- oyar, vísir eisini, at í mun til 2003 minkaði samlaða talið av roykjarum í 2004 við seks prosentum. Glasstovan á Hotel Føroyum gjørdist á nýggjárinum tann fyrsta roykfría matstovan í landinum, sigur Birna Jacobsen, sølustjóri Mynd: Jens Kristian Vang Leygardagin verður gongulagskapping fyri íslandsross við flúgvarabedingina Nirði við Vatn í Vág- um. Eisini onnur til- tøk verða á skránni hendan dagin RÍÐING Edvard Joensen Vágar: So fáa Vágar sín egna festival. Tó ikki ein tónleikafestival, uttan ein rossafestival, sum hildin verður á ríðibreytini Niðri við Vatn um vikuskiftið. Umframt kappríðingar verða eisini onnur tiltak sum eitt nú ponyríðing fyri børn, hoppiborg, søla av kaffi, pylsum cowboyhatt- um og tílíkum. Um kvøldið verður fel- agsbál og sangur. Jóhann Mortensen fer at halda midnáttarrøðu, og aftan á verður dansur, har Vága- Jam fara at spæla. Kappríðingar vera sjálv- andi eisini á eini slíkari stevnu. Bæði gonguglags- kapping fyri íslandsross og kappríðing, har tað ræður um at vera fyrstur á mál. Vága Ríðingarfelag, sum skipar fyri tiltakinum, sig- ur, at umframt tær vanligu kappingarnar, verður eisini kapping fyri old boys. Gongulagskappingin byrjar leygarmorgunin klokkan 10.00. Klokkan 17.00 seinnapartin verður kappríðing, og tá byrja eisini hini tiltøkini, sum vera í samband við stevn- una. Sjálv finalan í gongu- lagskappingini verður hild- in sunnudagin klokkan 15.00, boðar Vága Ríðing- arfelag frá. Rossafestivalur í Vágum Gongulagskapping verður á ríðibreytini hjá Vága Ríðíngarfelag Niðri við Vatn um vikuskiftið Savnsmynd