týsdagur 31. mai 2005síða 6

6 Nr. 101 - 1. juni 2005 Ein nýggjur ferða- fólkabátur og nýggj matstova og kunn- ingarstova vórðu víst fram á samkomu í Vestmanna fríggja- dagin FERÐAVINNA Edvard Joensen Vestmanna: Nýggja mat- stovu og kunningarstovu fyri tvær milliónir og nýggjan ferðafólkabát fyri fýra milliónir kundu vest- menningar sýna fram á samkomu fríggjadagin. Fjørukrógvin er heitið á bygninginum, sum Vest- manna Ferðavinnufelag hevur bygt á havnarlagnum, har skúrarnir hjá teimum, sum sigla Eystur undir Land, fyrr stóðu. Tað eru teir fýra Louis Kristensen, Gunnar Skúva- dal, Poul Erik Johannesen og Áki Johansen, sum í felag hava bygt hetta húsið. Umframt snotuliga mat- stovu við tilhoyrandi ný- mótans køki, er eisini kunningarstova við sølubúð í húsinum. Bygningurin kostar, sum hann stendur, einar tvær miliónir, sigur Gunnar Skúvadal. Men tá er bara niðara hæddin innrættað. Loftið er stórt og stendur óbrúkt at byrja við. Men har eru góðir møguleikar til at gera eitthvørt. Eitt nú at innrætta til gisting, sigur Gunnar Skúvadal, sum tó leggur afturat, at í fyrsta umfari verður einki gjørt har. Á vegginum í Fjøru- krónni er stórur málningur av Vestmannabjørgunum, sum Pauli Vang í Havn hevur málað. Og hann hev- ur eisini eina framsýnign hangandi í húsinum, nú latið verður upp. Samstundis sum Fjøru- krógvin varð sýnd fram, varð eisini nýggi túrbátur- in, Froyur, hjá felagnum Skúvadal, sýndur fram. Talan er um ein spildur- nýggjan bát, sum felagið hevur latið gera í Íslandi, sigur Gunnar Skúvadal, stjóri. Báturin, sum er gjørdur úr glastrevjum, er 13,4 metrar langur og 4,2 metrar breiður. Hann er innilok- aður, og hevur 43 sitipláss undir taki, sigur Gunnar Skúvadal. Ferðin, sum teir báðir motorarnir upp á 575 HK hvør kláraðu á roynd- artúrinum, var 28 míl, sigur hann. Ætlanin er at seta setur upp á taki eisini, so fólk kunnu sita úti, meðan siglt verður fram við land- inum. Froyur kostar góðar fýra milliónir krónur, sigur Gunnar Skúvadal. Hóast hesin báturin er væl størri enn teir báðir, Urðardrangur og Barbara, sum felagið frammanundan hevur, er eingin trupulleiki at fara við honum inn á barmar og gjáir undir bjørgunum. Umframt vanligu dagtúr- arnar, sum sigldir verða við ferðafólki, sum vil síggja seg um, verður nú pláss fyri einum dagligum fiskitúri við øðrum av eldru bátun- um, sigur Gunnar Skúva- dal. Tað verður tó ikki so, at báturin heilt verður tikin úr hinari siglingini, men fer eisini av og á at sigla við fólki fram við landi. Vestmenningar spenna seg út Froyur stendur í góðum fýra milliónum, nú hann liggur klárur í Vestmanna Mynd: Edvard Joensen Snotuligi bygningurin hjá Vestmanna Ferðavinnufelag , Fjørukrógvin Mynd: Edvard Joensen Louis Kristensen er stjóri og kokkur á Fjørukrónni Mynd: Edvard Joensen Gunnar Skúvadal er væl nøgdur við nýggja bátin hjá felagnum Skúvadal Mynd: Edvard Joensen Sóleyð Poulsen, leiðari á kunningarstovuni í Fjørukrónni, greiðir John Eysturoy, leiðari á kunningarstovuni hjá Ferðaráðnum, frá snotuliga húsinum Mynd: Edvard Joensen Tað er sum at sita í bussi inni í salongini umborð á Froyi Mynd: Edvard Joensen