týsdagur 31. mai 2005síða 15

Nr. 101 • mikudagur • 1. juni 2005 • 79. árgangur • www.sosialurin.fo Tvær føroyskar fyri- tøkur sleppa nú at royna seg í grøn- lendskari námsvinnu. Tær eru Sofus M. Jacobsen og KJ-Elráð, sum eru valdar út at taka sær av menning- ini av einum heilt nýggjum námsbýi í Grønlandi FØROYSK VINNA Í ÚTLANDINUM Jan Müller jan@sosialurin.fo Grønlendska Heimastýrið hevur givið kanadisku og svensku fyritøkunum CRAW og Minelco útvinn- ingarloyvi til námsvinnu í Fiskifjørðinum, 90 fjórð- ingar norðan fyri Nuuk. Talan er um at útvinna olivin, ið er málmur, sum verður brúktur til stálfram- leiðslu. Í tí sambandinum hevur ein útbjóðing verið millum 5 norðurlenskar byggifyri- tøkur um at byggja eina námsbygd til 50 mans. Har skulu vera íbúðir, royndar- starvstova, verkstaður, veg- ir og kai, orkuverk, tele- samskifti, vatnveiting, kloakkskipan, oljugoymsla, tyrlupallur og brennistøð o.a. Sjálv uppgávan var gjørd eftir sama leisti, sum tá Føroya Tele bygningurin var lagdur til rættis og bygdur. Tvs. sum Partn- ering. Hetta var ein av or- søkunum til,, at MT Høj- gaard hevur valt samstarv við føroysku ráðgevarafyri- tøkurnar Sofus M Jakobsen og KJ-Elráð. MT Højgaard úr Dan- mark vann hesa útbjóðing í kapping við aðrar norður- lendskar byggifyritøkur, og við í tilboðnum var ráðgev- ingin til námsbygdina og allar teknisku veitingarnar. Tað er hesa ráðgevingina, sum føroysku fyritøkurnar Sofus M. Jakobsen og KJ- Elráð skulu standa fyri. Samlaða verkætlanin í hesum umfarinum er uppá umleið 150 mill. Kr. Tað, sum føroysku ráðgevararnir skulu standa fyri er at byggja námdsbygdina sam- an við teimum teknisku veitingunum, og er hetta mett at kosta uml. 40-50 mill. Kr. Byrja longu í summar Nú er so skipaður ein pro- jektbólkur við donskum, svenskum og føroyskum verkfrøðingum, sum skal skipa verkætlanina. Fyrsti parturin skal gerast í summar. Har skal fyribils kai og vegir gerast. Framm- anundan er einki uttan ber hella, so alt skal gerast heilt frá byrjan. Hesin bólkurin fer komandi hálva árið at hava eitt sera tætt sam- arbeiði og verða arbeiðs- fundir í Kiruna, Keyp- mannahavn, Tórshavn og Nuuk. Í fyrsta umfari kemur verkætlanin at taka 2 ár tvs. at byggja bygdina við øll- um veitingunum, umframt tað skal MT Højgaard standa fyri brotinum, har ætlanin er at fáa 120.000 tons av Olivine út í ár og 500.000 tons út næsta ár. Tá ið henda tíðin er farin skulu metingar gerast av rakstrin- um av brotinum. Tá verður ein langtíðar avtala gjørd millum svensku Minelco og MT Højgaard um at reka námið í 5 ár í senn. Ætl- anin er at kunna bróta 1-2 mill. tons árliga. Tá arbeiðið er komið í gongd fara umleið 36 fólk at verða knýtt at virksem- inum, og tá verður eisini møguligt hjá føroyingum at fáa lut í arbeiðinum sum starvsfólk hjá MT´Høj- gaard Føroyar. Ætlanin er at arbeiða í 2 mánaðir og halda frí í ein. Tað áhugaverda í hesum landnámi er, at fyri uml. 50 árum síðani tóku føroying- ar land uttast á Fiskifjørð- inum, har menn vóru til út- róður um sumrarnar. At danska fyritøkan hev- ur valt Sofus M. Jacobsen til at vera við í uppgávuni kemst m.a. av, at fyritøkan var við til at byggja nýggja Føroya Tele og tí at fyritøk- an hevði føroying í arbeiði, sum hevur drúgvar royndir at arbeiða í Grønlandi. Føroyingar professionellir Jóannes Niclassen, ættaður úr Miðvági og og projekt- leiðari hjá MT Højgaard í Danmark við ábyrgd av øllum aljóða virksemi sigur við Sosialin, at samstarvið við Sofus M. Jakobsen við Føroya Telebygninginum hevur víst, at fyritøkan var sera professionell, og at fyritøkan ikki hevur hildið seg aftur at súgva til sín vitan. Eisini vísti føroyska fyritøkan, at hennara fíggj- arligu metingar við FT byggingini hildu. Og tað vóru stórt sæð eingi mistøk gjørd av teimum. Hann sigur eisini, at SMJ hevur víst seg at vera ein fyritøka, sum man hevur álit á og sum kann gera sítt arbeiði til fulnar og til tíðina. – Tað mest avger- andi fyri okkum, tá vit skulu velja út samstarvs- fyritøkur, er, at hesar fyritøkur alla tíðina fáa sær nýggja vitan og royndir. Hetta er eisisni einasti mátin, sum kann tryggja eini fyritøku at vera við á altjóða pallinum í harðari kapping frá øðrum dugna- ligum fólkum í bransjuni. Sera spennandi Árni Jakobsen, stjóri hjá Sofus M. Jakobsen sigur, at teir eru sera nøgdir við at hava fingið hesa spennandi uppgávuna, sum er tann fyrsta av sínum slag í útlandinum. – Tað er áhugavert at vera við til at byggja nakað frá botni av og so eisini í útlandinum. Um tvær vikur verður farið á eina kanningarferð til Grønlands, har umstøð- urnar skulu kannast á stað- num. Árni Jakobsen sigur, at tað er eisini ein stór avbjóðing fyri tvær før- oyskar fyritøkur at arbeiða saman við fleiri útlendsk- um fyritøkum úr Kanada, Svøríki og Danmark. Talan verður um, at einir 5 verkfrøðingar frá teimum báðum føroysku fyritøk- unum koma at arbeiða nógv við hesi verkætlan til tíðir. – Eydnast hetta væl so kann tað vera ein lopfjøl fyri øðrum arbeiði í fram- tíðini eisini sigur ein fegin Árni Jakobsen. Føroyskir ráðgevar við í stórari grønlendskari námsverkætlan Projektbókurin savnaður á høvuðsdeildini hjá MT Højgaard í Danmark Jóannes Niclassen, projektleiðari hjá MT Højgaard og Árni Jakobsen, stjóri í Sofus M Jakobsen, sum báðir hava týðandi leiklut í at fáa fyritøkunum spennandi arbeiðsuppgávur í Grønlandi Mynd Jensk Vang Her í Fiski- fjørðinum, har føroyingar gjørdu land- nám fyri 50 árum síðani, verða nú aftur føroyingar til arbeiðis, hesaferð til at projektera eina stóra námsbygd