týsdagur 14. juni 2005síða 25

Nr. 110 - 14. juni 2005 25 Við góðum hugburði og stórum stríðsvilja megnaðu fuglfirðing- ar at halda tætt og harvið at vinna fyrsta stigið í meiri enn ein mánað, tá ið teir høvdu vitjan av Skála, sum ikki megnaði at spæla seg til upp- lagdar møguleikar ÍF-SKÁLA Jóannes Hansen Tá ið dómarin hevði bríksl- að fyri síðstu ferð, tóktist tað mest sum, at tað var heimaliðið ÍF, sum hevði vunnið eitt stig, og at tað vóru teir av Skála, sum høvdu mist tvey stig. Ferðin hevði ikki verið so galin, og hóast spælið størsta partin av tíðini ikki hevði verið nakað at reypa av, og málmøguleikarnir vóru fáir og smáir, so var spenningurin stórur og varðveittur alla tíðina. Hjá heimaliðnum var høvuðssetningurin at binda fyri í verjupartinum, sum hevur likið sum sáldi í meiri enn ein mánað. Mið- vøllurin var umskipaður soleiðis, at Eyðolvur R. Petersen var á sentralum plássi saman við Símuni Eliasen, meðan Høgni Zachariassen var fluttur í vinstru, og Gunnar Nielsen, sum avgjørt eigur størri dygdir í verjupartinum, enn hann eigur í framrættaða spælinum, var settur á beinkin. Áki Petersen var nýggjur á høgra vongverj- anum, og Rúni Elttør, sum fleiri ferðir hevur verið á miðvallarplássi í vinstru, var hesa ferð vongverji. Við nærlagni og tøttum markeringum eydnaðist tað ÍF at byrgja uppfyri, at gestirnir av Skála gjørdust vandamiklir í brotsteigin- um frammanfyri Allan Joensen, sum aftur hevði fingið uppgávuna at verja ÍF málið. Skálamøguleikar nir kundu væl og virðiliga telj- ast á aðrari hondini. Bestu ÍF royndina átti Sylla, sum mannaði álopið saman við Magna á Lakjuni, eftir skjótálop í vinstru. Fleiri vóru framvið at hjálpa honum, men Sylla, sum hevði runnið ikki serliga høgra vongverjan hjá Skála av, royndi sjálvur, og Vlada Filipovic bjargaði. Bara í løtum Skálamenn løgdu bragdlig- ari fyri enn teir á heima- liðnum. Bæði fyrstu løtuna í 1. hálvleiki og eisini eitt stutt skifti eftir steðgin megnaðu teir leingi at varðveita bóltin og at hava tol. Nenad og Pætur Dam Jacobsen vóru á sentralu miðvallarplássunum, og í borðunum bjóðaðu Bjarni Jørgensen og Hanus Thor- leifsson seg til. Onkra ferð- ina var um reppið, at tað gjørdist vandamikið, men tað var nær við og næstan. Í 2. hálvleiki var tvær ferðir um reppið, at Bogi Gregersen fekk sent ímóti málinum, eftir at innlegg vóru komin úr høgru, men Poul Ennigarð og Bartal Eliasen skákaðu fremsta skálamenninar væl. Í løtunum, tá ið tað gekk fyri seg eftir treytunum hjá skálamonnum, sást tað væl, at teir høvdu betri grund- spæl, enn heimamenninir høvdu tað. Teir fluttu seg fyri hvørjum øðrum, bjóð- aðu seg til og tordu at spæla á lítlum økjum, men tað var bara úti á vøllinum, og tað var ikki í longum løtum. Skálamenn megnaðu ikki at berja nærløgdu fuglfirð- ingarnar av sær, og hóast nærdystirnir vóru nógvir og tað var fátækt upp á møgu- leikar, so var tað spennandi og intenst inntil dómarin bríkslaði fyri síðstu ferð. Tá høvdu báðir partar spent bogan eitt vet. Gunn- ar Nielsen var síðstu tíggju minuttirnar á ÍF miðvøllin- um, og Sveinur Justinussen var bragdligur, eftir at hann var settur í Skála álopið. Men tað spurdust ikki upp- lagdir møguleikar burturúr, og so var tað heilt upplagt, at tað endaði málleyst. Tórður málverji í Fuglafirði Eykamálverjin hjá NSÍ fær nú høvi til at sleppa úr skugganum á Jens Martini og harvið at vísa síni evni á hægsta støði ÍF MÁLVERJI Jóannes Hansen ÍF hevur fingið nýggjan málverja. Talan er um Tórður Thomsen, sum hevur verið eykamál- verji í Runavík, og sum trý tey seinastu árini hevur vant saman við og undir vegleiðing av Jens Martini Knudsen. ÍF hevur seinastu tíð- ina arbeitt við at fáa ein málverja afturat. Tá ið teir taptu í Gøtu, var Ják- up Helgi Egholm mill- um stólparnar. Sambært snøggu ÍF leikskránni, so ber tað av arbeiðs- ávum hvørki Jákupi Helga ella Emil Tofta- gaard, sum eisini hevur verið ÍF málverji, til at venja so ofta, sum tað verður mett rímuligt, at teir, sum eru við í kapp- ingini um besta plássið, eiga at gera. ÍF hevur nú leigað Tórð Thomsen úr NSÍ. Avtalan er galdandi fyri tað, sum er eftir av hes- um kappingarárinum. Tórður Thomsen hevur tvær tær seinastu vikur- nar vant í Fuglafirði, og avtalan varð undirskriv- að fríggjadagin. Soleiðis sum vit hava skilt tað, so var tað upp á tal, at hann skuldi vera við í hóp- inum ímóti Skála, men nýggi málverjin var sjúkur sunnudagin. At Tórður Thomsen verður roknaður at hava góð evni millum stólpar- nar fingust góðar ábend- ingar um, tá ið landsliðs- venjarin hevði hann við á venjingarlegu í Spania. Í steypakappingini, har ÍF bíðar eftir hálv- finalunum, og í fyrstu umførunum í landskapp- ingini var Jonn Thomsen ein av sera stúttu ÍF verjuspælarunum. Nú hevur hann ikki verið við nakrar ferðir. Tað kemst av, at hann í lands- kappingardystinum ímóti HB í Havnini tann 11. mai var skaddur í knænum. Sambært ÍF leik- skránni skal Jonn Thom- sen leggjast undir skurð í hesi vikuni. Tað verður roknað við, at tað er meniskinum, at tað er galið við. Um tað er so- leiðis, so verður tað hild- ið at vera møguleiki fyri, at Jonn aftur fer at verða førur fyri at venja og spæla heilt skjótt. ÍF-Skála 0-0: ÍF setti propp í ÍF-Skála 0-0 Dómari: Jens Petur Brattalíð ÍF: Allan Joensen - Áki Petersen, Bartal Eliasen, Poul Ennigarð, Rúni Elttør - Hanus Eliasen (Gunnar Nielsen, 71.), Eyðolvur R. Petersen, Símun Eliasen, Høgni Zachariassen - Sylla Amed Davy (Atli Petersen, 86.), Magni á Lakjuni Gult kort: einki Skála: Vlada Filipovic - Jenel G. Gergonaro, Rúni Rasmussen, Milic Curcic, Iulian Florescu - Bjarni Jørgensen (Arnhold Berg, 86.), Nenad Stankovic, Pætur Dam Jacobsen, Hanus Thorleifsson - Bogi Gregersen (Sveinur Justinussen, 80.), Jónhard Frederiksberg Gult kort: Iulian Florescu, Nenad Stankovic Fakta um dystin Fuglfirðingar stríddust manniliga fyri at fáa skútuna rættaða upp, og hesaferð eydnaðist at halda mótstøðuni frá at skora mynd: Álvur Haraldsen