mikudagur 15. juni 2005síða 14

Nr. 111 • mikudagur • 15. juni 2005 • 79. árgangur • www.sosialurin.fo Kyndil styrkir kvinnu- liðið Í Kyndli ætla tey, at kvinnuliðið hjá felagnum skal bíta meiri frá sær komandi kapping- arár, enn hvat liðið gjørdi í fjør HONDBÓLTUR Terji Nielsen terji@sosialurin.fo Kyndil endaði næstaft- ast í Sunset-kappingini farna kappingarár, og mangan løgdu tær grøn- klæddu rygg til lemj- andi ósigrar. Soleiðis skal ikki verða komandi kappingarár, og tí hevur liðið nú leitað sær styrk. Lina aftur í Havn Størsti styrkurin, ið Kyndil higartil hevur ognað sær undan kom- andi kappingarári, er ivaleyst sterki bakkurin Lina Andriulyte, ið farna kappingarár spældi í Søljuni, men sum áður eisini hevur spælt við Neistanum í Havn. Eingin ivi er um, at Lina er ein góður styrkur fyri eitthvørt lið í landinum, og við henni á liðnum hevur Kyndil økt munandi um skot- styrkina. Harafturat fer Jórun Ludvig aftur til barn- dómsfelagið, eftir at hon hevur verið í útlegd í bæði VÍF í Vestmanna og í Neistanum. Jórun er ógvuliga royndur spæl- ari, og tað er eingin loyna, at Kyndlamann- ingin annars er rættuliga ung, og tí kann tað hava stóran týdning at fáa ein so royndan spælara sum Jórun við á liðið. Sum skilst er tað ikki óhugsandi, at liðið fær fleiri styrkir, men enn er einki greitt hesum við- víkjandi. Venjari hjá Ky n d l a k v i n n u n u m verður eins og í fjør Geir Wardum. KÍ-Skála: Klaksvíkingar eru sperdir Manningin er so mik- ið lítil, at tað er neyð- ugt at hava unglingar og dreinir á beinkin- um, tá ið farið verður út á Skála, har teir manningarliga eru væl fyri UPPTAKT Jóannes Hansen Klaksvíkingar eru ikki væl fyri undan ferðini út á Skála í kvøld. Dysturin er í skipanini framskundaður frá vikuskiftinum, tí Skála stendur á gáttuni til fyrstu altjóða uppgávuna nakran- tíð. Teir skulu spæla í In- tertoto. Eitt er, at KÍ ikki hevur fingið stig burturúr tveim- um teimum seinastu roynd- unum, sum hava verið ímóti EB/Streymi og GÍ. Eitt annað er, at manning- arliga grundarlagið er lítið. Veteranarnir Allan Joensen og Eyðun Klakstein eru skaddir. Ein annar veteran- ur, Jan Andreassen, er leik- bannaður eftir reyða kortið ímóti GÍ. Á beinkinum ímóti GÍ vóru bara blaðungir spælar- ar. Tað kann væl vera, at onkur teirra fer at fáa møguleikan frá fyrsta bríksli í kvøld. Kanska verður tað Tórður Lervig. Ein møguleiki at fylla holið í miðverjuni eftir Jan Andreassen er at flyta Ova Nysted aftur. Síðani Odd- bjørn Joensen gjørdist venjari, hevur Ovi verður í álopinum, men tað hevur knípt við málskjótingini. Erling Fles hevði verið upplagdur avloysari í fremstu røð, men hann er ikki tøkur orsaka av lær- skaða, og Julian Samuel- sen, sum hevur roynst væl løturnar, hann hevur fingið á vøllinum, er heldur ikki tøkur. Á Skála iðra teir seg um, at tað ikki eydnaðist at fáa øll stigini í Fuglafirði. Fyrr í ár hava teir fingið øll stigini ímóti KÍ. Teir vunnu 2-0 í Klaksvík í fjórða um- farinum. Manningarliga er Skála so væl fyri, sum tað ber til. Sunnudagin helt rumenski Jenel Bárði Danielsen utt- anfyri teir fyrstu ellivu. Pauli G. Hansen var ikki við í Fuglafirði. Skaðin í lærkrikanum, sum hevur argað seinastu árini, tá ið nógv hevur verið á skránni, hevur vitjað aftur. Sunnu- dagin spældi Pauli tó allar 90 minuttirnar við 3. deild- arliðnum, sum vann 5-1 á heimavølli ímóti B68, og hann verður í hópinum í kvøld. Dysturin á Skála verður klokkan 19, og tað verður Páll Augustinussen, sum skal døma. Í fjórða umfarinum í ár vann Skála tryggan 2-0 sigur í Klaksvík Svimjifelagið FLOT bjóðar til svimjing um Skálafjørðin tann 3. juli 2005. Ætlanin er at svimja um sjálva gáttina til Skálafjørð- in, av Strondum yvir á Toftir. Nágreiniliga rutan er ikki avgjørd enn; men tað verður ein teinur á millum 600 og 1400 metrar, alt eftir hvar vit byrja og enda. TÍÐINDASKRIV Allir luttakarar mugu út- vega sær froskmannabúna at svimja í. Vátdrakt er best; men tað er eisini loyvt at nýta turrdrakt, um svimjarin tá eisini nýtir bjargingarvest. Svimjarin eigur at royna draktina hjá sær, áðrenn tiltakið. Ætlað sum heilsutiltak FLOT átekur sær at skaffa fylgibátar og aðrar umstøð- ur runt svimjingina; tvs. sovorðið sum flutningur av Toftum yvir til startin á Strondum, skiftiumstøður har og á Toftum, neyðhjálp, matur og drekka á Toftum, o.t. Tiltakið er ikki ætlað at verða ein kapping sum so, men heldur eitt heilsutiltak ella roysni til okkum øll at royna. Men tó so verða heiðursmerki givin trimum teimum bestu monnunum og kvinnunum. Og øll sum leggja frá landi, fáa eina T- shirt sum prógv um, at tey royndu teinin. Áhugaði kunnu lesa meira á heimasíðu okkara - http://flot.info - ella ringja til Rók í Jákupsstovu, á tlf 219754. Á heimasíðuni er m.a. ein stutt 'tónleika- video' frá seinastu Skála- fjarðarsvimjing Ingi skal venja Neistan Nú er greitt, at Ingi Olsen fer at halda fram sum venjari hjá besta kvinnu- liðnum hjá Neistanum. Ingi tók við venjarasess- inum eftir Flemming Raben seint í farna kapp- ingarári, og nú eru part- arnir komnir ásamt um at leingja samstarvið, so tað eisini er galdandi fyri hetta kappingarárið, ið liggur fyri framman. tn Svimja um Skálafjørðin