mikudagur 15. juni 2005síða 19

Nr. 111 - 15. juni 2005 19 Nýggi nevndarfor- maðurin í Smyril Line er bjartskygdur um støðuna hjá felagnum. Thomas Magnussen roknar við, at í 2006 sæst veruliga úrslitið av teimum tiltøkum, sum leiðslan á Smyril Line hevur sett í verk seinastu mánaðirnar SMYRIL LINE Eyðun Klakstein eydun@sosialurin.fo Stór reyð tøl ræða ikki Thomas Magnussen. Maðurin, sum seinnu ár- ini serliga hevur verið í andglettinum í sambandi við lønarsamráðingar hjá tí almenna, hevur nú tikið við einari stórari uppgávu í føroyskum vinnulívi. Hann er blivin nevndar- formaður í Smyril Line, sum hevur verið í tungum sjógvi seinastu tvey árini. Fíggjarstøðan hjá Smyril Line hevur ikki verið góð, og tá ið Thomas Magnus- sen í farnu viku varð valdur í nevndina hjá felagnum, kundi leiðslan samstundis leggja ein roknskap fram, sum vísti eitt hall á 24 milliónir í 2004 – hallið er samanlagt 59 milliónir fyri seinastu tvey árini. – Nýggi stjórin og nýggja nevndin í Smyril Line kunnu ikki skapa nakað undur, men tað ber til at venda gongdini, hóast tað tekur tíð, sigur Thomas Magnussen. Juristur hjá tí almenna 42 ára gamli Thomas Magnussen tók í 1991 løg- frøðiligt embætisprógv frá Københavns Universitet. Hann hevði í lestrartíðini arbeitt í danska Fiskimála- ráðnum sum studentar- hjálp, og hann varð eina tíð knýttur at forlagnum Weil- bach & Co., sum ger »Fisk- eriårbogen«. Í 1991 fór Thomas Magnussen í starv hjá tí al- menna. Hann gjørdist full- trúði í fyrisitingini, og har arbeiddi hann fram til 1997. Í tvey ár var hann tó burtur frá, tí hann var fyri- bils settur stóri á Strand- faraskipum Landsins. Í 1997 gjørdist hann deildarstjóri á lønardeildini í Fíggjarmálaráðnum, og hann hevði ábyrgdina av øll- um lønarmálum hjá land- inum – millum annað sátt- málasamráðingar og ráð- geving um starvsfólkmál. Nú er Thomas Magnus- sen leiðari fyri Skeiðsdepil- in á Føroya Handilsskúla í Havn. Fyrimunir og vansar við útskifting Thomas Magnussen var á aðalfundinum hjá Smyril Line í farnu viku valdur í nevndina hjá felagnum, og løtu seinni komu boðini um, at hann varð nýggjur nevndarformaður, eftir at Klæmint Weihe hevði takkað fyri seg í nevndini. – Hetta er ein stór og spennandi uppgáva. Smyril Line er eitt sterkt felag við dugnaligari leiðslu og góð- um starvsfólkum, og eg eri vísur í, at tað ber til at venda gongdini hjá felagnum, sigur Thomas Magnussen. Tríggir av fýra nevndar- limum vóru skiftir út á aðalfundinum hjá Smyril Line hósdagin, og tað eru bæði fyrimunir og vansar við eini slíkari útskifting, heldur nevndarformaðurin. – Tað er kanska ein fyri- munur, at tað kemur ein frísk nevnd við nýggjum vinklum í felagnum, men nevndin missir tó eisini nakað við, at tríggir nevnd- arlimir fara í senn. Eg vil tó siga, at royndirnar liggja eftir í nevndini, tí Jónas Hallgrímsson hevur verið næstan frá byrjan, sigur Thomas Magnussen. Leiðslan í Smyril Line hevur longu tikið ítøkilig stig til at venda gongdini í felagnum, og nevndarfor- maðurin roknar við, at hetta fer at geva úrslit. – Í ferðavinnuni verður arbeitt við longum tíðarhori- sonti, og tí rokni eg við, at fulla effektin av teimum stigum, sum leiðslan hevur tikið, fæst í 2006, og tá rokni eg eisini við, at gongdin hjá felagnum er vend, sigur Thomas Magnssen Qeb?ftbbhiv?rpfkbppKbtpibqqbolcqebKloqe>qi^kqf`Obdflk KRRHëOBVHG>SŒHëQ∫OPE>SKëIBOTF@H ttt+_rpfkbpp^qi^kqf`+`lj 8ig]bYgg7h`Ubh]W Introducing the Business Atlantic–the biweekly newsletter of the North Atlantic region. • The only dedicated news service on the market to cover the North Atlantic as a region • International readership–regional and global perspectives, business intelligence and market insights www.businessatlantic.com Nýggi skiparin sær ljós fyri framman Navn: Thomas Magnussen Aldur: 42 ár Hjúnarstøða: Sambúgvandi, trý børn Útbúgving: Løgfrøðingur Starv: Leiðari á Skeiðsdeplinum Starvsroyndir: Deildarstjóri á Lønardeildini hjá Fíggjarmálaráðnum, stjóri á Strandafaraskipum Landsins, fulltrúði í fyrisitingini, v.m. FAKTA Nýggja nevndin Tríggir av fýra nevndar- limum í Smyril Line vóru skiftir út á aðalfundinum í farnu viku. Klæmint Weihe, nevndarformaður, Jens Kári Vilhelm og Morgan Goodlad tóku ikki við afturvali. Nýggja nevndin sær tí soleiðis út: Thomas Magnussen, formaður Sandy Cluness Edvard Heen Jónas Hallgrímsson Stjóri er Jan Walle Úrslitið hjá Smyril Line í 2004 var eitt hall á 24 milliónir krónur – Hetta er ein stór og spennandi uppgáva. Smyril Line er eitt sterkt felag við dugnaligari leiðslu og góðum starvsfólkum, og eg eri vísur í, at tað ber til at venda gongdini hjá felagnum, sigur Thomas Magnussen, nýggjur nevndarformaður í Smyril Line Mynd: Jens Kristian Vang