fríggjadagur 17. juni 2005síða 5

Nr. 113 - 17. juni 2005 5 Planet.fo flúgvandi byrjan Nýggja ungdómssíðan hjá Føroya Tele og Sosialinum hevur fingið sera góða byrjan, síðani hon varð løgd á netið fyri einari góðari viku síðani. Síðan er úrslitið av einum samstarvi millum Føroya Tele og Sosialin. Og tað var vorðið sum byrjan, tí hesar fyrstu dagarnar hava umleið 2000 fólk dagliga vitja Planet.fo. Tað eru 10 ferð so nógv fólk, sum vitjaðu gomlu Planet- síðuna. Ein táttur á síðuni er eitt kjak, og har hevur eisini stórur áhugi verið fyri at sleppa uppí. Fleiri enn 700 fólk hava skrásett seg í kjakinum, sum gongur lívliga um tónleik, sms-boð og onnur evni. ek Guðrun hevur úr at gera Guðrun Sólja Jacobsen hevur úr at gera í Danmark í summar. Hon hevur longu havt nógvar fram- førslur til summartiltøk kring Danmark, og fleiri spennandi uppgávur bíða fyri framman. Leygarkvøldið skal Guðrun syngja í Åbenrå, og í næstu viku í Ålborg. Síðani koma framførslur á Nibe Festivalinum og til Sommerrock-tiltøk í Struer, Herning, Svend- borg, Høng, Kolding og Aabenraa. Harafturat skal hon eisini syngja í Brønd- erslev og Nykøbing Mors. Guðrun Sólja Jacobsen kom av álvara fram aftur í Danmark, tá ið seinasta kappingin um at gerast Stjørna í eitt kvøld var hildin á DR, og tá ið hon gav nýggja fløgu út fyrr í ár. ek Songrøddin flytir Fyrireikararnir av Ár- sins Songrødd hava gjørt av, at finalan í kappingin skal flytast. Orsøkin er, at finalan upprunaliga skuldi verða Jóansøkuviku- skiftið, men tá er ein ør- grynna av tónleikatil- tøkum kring landið. Fyrireikarnir siga, at dekan ov nógv kapping var um áskoðararnar, og at tey tí valdu at flyta finaluna fyri at geva Føroya størstu sang- kapping røttu karmar- nar. Finalan verður í Mentanarhúsinum í Fuglafirði tann 16. juli ístaðin. nud – Tá ið tú hitar upp fyri ein annan bólk, mást tú gera tær greitt, at fólkini eru í grundini ikki komin at lurta eftir tær, sigur Lena Anderssen, sum gleðir seg til fram- førsluna leygarkvøld- ið, tá ið hon skal hita upp fyri Roxy Music á konsert í Horsens TÓNLEIKUR Eyðun Klakstein eydun@sosialurin.fo Leygardagin skulu Lena Anderssen og Niclas Jo- hannessen royna nakað, sum tit ikki hava roynt áður. Tey skulu nevniliga hita upp fyri kenda enska bólkin Roxy Music, sum hevur konsert í Horsens. – Tá ið tú hitar upp fyri ein annan bólk, mást tú gera tær greitt, at fólkini eru í grundini ikki komin at lurta eftir tær, men í hesum føri eftir Roxy Music. Tí verður tað ein spennandi avbjóðing hjá okkum at fáa fólkini við, meðan vit spæla, sigur Lena Anders- sen. Tað var út ímóti 8.000 fólk til staðar, tá ið Roxy Music hevur konsert í Lunden í Horsens. Spæla einsamøll Lena Anderssen sleppur at spæla í ein góðan hálvan tíma, og hon fer at syngja sangir av seinastu fløguni hjá sær og aðrar sangir, sum hon og Niclas hava skrivað. Lena og Niclas hava ikki nakran bólk afturat sær til framførsluna leygardagin, og tað vera tí bara tey bæði á pallinum til framførsluna. – Hetta verður spenn- andi. Tað er stuttligt, tí at tað verður nógv fólk og lurtað, og eisini tí at vit spæla saman við einum so kendum bólki, sigur Lena Anderssen. Konsertin verður í Lund- en í Horsens leygarkvøldið kl. 20.00 – Eg eri onkuntíð spurdur, um eg fór at sleppa at skjóta sein- asta skotið, og eg havi svarað, at tað var ikki tað týdningarmesta, bara tað bleiv skotið, sigur Jógvan við Keldu, sum um eina góða viku skjýtur seinasta skotið í Norðoyatunlinum SEINASTA SKOT Eyðun Klakstein eydun@sosialurin.fo Landsstýrismaðurin og fyrrverandi borgarstjórin í Klaksvík, Jógvan við Keldu, skal trýsta á knøttin, tá ið seinasta skotið verður latið av í Norðoyatunlinum næsta leygardag. Jógvan við Keldu var borgarstjóri í Klaksvík, tá ið hugskotið um undir- sjóvartunnilin av fyrstan tíð kom, og tað var borgar- stjórin sjálvur, sum setti hol á kjakið, sum vardi í eini 15 ár, áðrenn tað gjørdist veruleiki. – Eg eri onkuntíð spurd- ur, um eg fór at sleppa at skjóta seinasta skotið, og eg havi svarað, at tað var ikki tað týdningarmesta, bara tað bleiv skotið. Men tá ið tað er sagt, eri eg sjálvandi fegin um, at eg havi fingið heiðurin at skjóta seinasta skotið, sigur Jógvan við Keldu. Áheitan um tunnil Jógvan við Keldu, sum nú landsstýrismaður við inn- lendismálum, var í 16 ár borgarstjóri í Klaksvík, og tað var miðskeiðis í áttatiár- unum, at hugskotið um fasta sambandið um Leir- víksfjørð kom fram alment. – Í 1986 handaði eg landsverkfrøðinginum eina áheitan um at fara undir at gera undirsjóvartunnil um Leirvíksfjørð, men tað gingu nógv ár, áðrenn hetta gjørdist veruleiki, sigur Jógvan við Keldu. Seint í nítiárunum var aftur kjak um, hvørt tað var ráðiligt at gera ein undir- sjóvartunnil til Norðoyggj- ar, og fleiri búskaparfrøð- ingar mæltu frá hesum. Politiski viljin var tó við at venda, og nøkur ár seinni samtykti løgtingið Norð- oyatunnilin. Næsta leygardag verður undirsjóvartunnilin skotin ígjøgnum, og tað verður gjørt við hátíðarhaldi í Klaksvík. Kolveting í samferðsluni Jógvan við Keldu væntar sær nógv av nýggja sam- bandinum um Leirvíks- fjørð. – Undirsjóvartunnilin verður ein kollvelting í samferðsluni og fer at hava veldugan týdning fyri økið rundan um. Klaksvík, Fuglafjørður, Leirvík, Gøta og Skálafjørðurin eru eitt sterkt øki bæði vinnuliga og mentanarliga, og eg rokni við, at undisjóvar- tunnilin fer at verða ein miðdepil hesum øki í fram- tíðini, sigur Jógvan við Keldu. Ætlanin er, at koyrandi verður um Leirvíksfjørð seinast 1. august í 2006, men møguleiki er fyri, at tunnilin letur upp áðrenn tað, um arbeiðið gongur væl. Lena hitar upp fyri enskan stjørnubólk Jógvan fegin um at sleppa at skjóta Arbeiðið at gera Norðoyatunnilin byrjaði í september mánaði 2003. Í desember mánaði sama ár var fyrsta skotið latið av í Leirvík, og nakrar mánaðir seinni skutu teir í Klaksvík. Norðoyatunnilin kostar umleið 355 milliónir krónur at gera. Landið rindar 235 milliónir, og restin skal fíggjast nýtslugjaldi. Norðoyatunnilin verður 6,3 kilometrar til longdar, og æltanin er, at tunnilin letur upp seinasta 1. august 2006. FAKTA – Undirsjóvartunnilin verður ein kollvelting í samferðsluni og fer at hava veldugan týdning fyri økið rundan um. Klaksvík, Fuglafjørður, Leirvík, Gøta og Skálafjørðurin eru eitt sterkt øki bæði vinnuliga og mentanarliga, og eg rokni við, at undisjóvartunnilin fer at verða ein miðdepil hesum øki í framtíðini, sigur Jógvan við Keldu