týsdagur 21. juni 2005síða 22

22 Nr. 115 - 21. juni 2005 Krúnprinsessan hugtikin av Dómkirkjuni Stutt fyri døgurða mánadagin vitjaði krúnprinsaparið Dómkirkjuna ella Havnar Kirkju, sum havnarfólk framvegis rópa hana. Mary Krúnprinsessa tóktist rættuliga hugtikin av gomlu krikjuni HOFF STUFF Terji Nielsen terji@sosialurin.fo Myndir: Jens Kristian Vang Tað var Bjarni Bech, dóm- próstur, ið tók ímóti í kirkj- uni saman við Jógvan á Lakjuni, landsstýrismanni í mentamálum. Bjarni Bech vísti krúnprinsaparinum runt í kirkjuni og greiddi frá søguni hjá kirkjuni. Krúnprinsessan spurdi nógv Fredrik Krúnprinsur hevur vitjað fleiri ferðir í Føroy- um áður, og hann kennir nógv til føroyska søgu og siðvenju. Tí hevði Bjarni Bech valt fyrst og fremst at greiða krúnprinsessuni frá søguni hjá Dómkirkjuni og annars um føroyska kirkju- søgu og kirkjusiðir. Mary Krúnprinsessa tóktist eisini rættuliga áhugað í søguni hjá kirkj- uni, og hon spurdi nógv um ymiskt. Bjarni Bech greiddi eitt nú frá um siðinum við olmussum, og somuleiðis greiddi hann frá um altartalvuna hjá kirkj- uni, og hvussu hon var end- að í Dómkirkjuni. Jóannes Eidesgaard, løg- maður, var við í fylginum, og sum tann søgukøni mað- ur hann er, skoytti hann eis- ini viðhvørt uppí, tá ið dómprósturin greiddi frá. Mary Krúnprinsessa var rættuliga hugtikin av Dómkirkjuni, og hon lurtaði gjølla, tá ið Bjarni Bech, dómpróstur, greiddi frá um søguna hjá kirkjuni og um føroyskar kirkjuvanar fyrr og nú. Mynd: Jens Kr. Vang Krúnpinsaparið á veg úr aftur Dómkirkjuni