týsdagur 21. juni 2005síða 30

30 Nr. 115 - 21. juni 2005 Við sigrinum á ÍF hevur VB nærum fingið samband upp um strikuna aftur. Men seinasta løtan gjørdist nakað nógv meira spennandi, enn vágbingar brýggjaðu seg um FÓTBÓLTUR Jákup Mørk Í 12 teimum fyrstu lands- kappingardystunum høvdu vágbingar bara skotið seks mál. Tað var kanska mest sjónligi trupulleikin hjá liðnum, sum nú á stóra føðingardagsárinum hevur havt tað óvanliga trupult í bestu deildini. Til tíðir hevur spælið verið hampuliga gott, men fátæka málskjótingin hevur sjálvandi gjørt tað trupult at vinna dystir. Og so hev- ur tað verið tann so væl- kendi luturin á einum botnliði, tá persónlig mis- tøk ferð eftir ferð hava kostað mál í hinum enda- num. Tí hevði VB knvín á barkanum undan uppgerð- ini móti ÍF. Ein uppgerð, sum skuldi vinnast fyri ein og hvønn prís, um hugsingur skuldi vera um at ota seg upp móti kritisku strikuni. Og sam- stundis kendu vágbingar tað helst so, at teir høvdu nakað at hevna, eftir at ÍF tvær ferðir í ár var farið úr Vági við teprum 1-0 sigri í viðførinum. Mest sum málveitsla Ofta verður tikið til, at eitt venjaraskifti kann geva spælarunum neyðugu luft- ina, sum skal til fyri at venda truplum støðum. Og í øllum førum tóktist Dragan Kovacevic púrasta sannfødur um sálarliga týdningin, sum broytingar kundu hava við sær. Við einum nakað umskipaðum liði sendi hann sínar spæl- arar á vøllin. Mortan úr Hørg var fluttur av bakkin- um inn í miðverjuna. Dan Djurhuus varð tikin aftur á miðvøllin, og á einsamalla álopssessinum varð Nenad Zivanovic settur, eftir at hann fyri tað mesta hevur stríðst á miðvøllinum. Og í øllum førum tóktist spælararnir eisini uppsettir. Teir vunnu flestu nærdyst- irnar, og fyri tað nógva varð eisini spælt beinleiðis, soleiðis at veruligir møgu- leikar spurdust burturúr. Men kortini mundu heimaáskðararnir kenna seg ikki heilt álvuligar við støðuna. Mál komu fram- vegis ikki, og tá Dan Djur- huus so eisini misnýtti brotsspark, kundu suffini nærum hoyrast um alla bygdina. Men spælararnir mistu ikki mótið. Teir hildu á við at trýsta, og tá VB so lok- sins kom ígongd, var tað ikki við mýkindum. Í 13. dystinum skoraðu vágbing- arnir trý mál, eftir at fyrstu 12 dystirnir bara góvu seks mál, so einki er at siga til, um lagið í skiftirúminum var batnað nakað eftir dystin. Og í øllum trimum førum var tað í vinstru, at uppspælið gekk fyri seg. Símun Samuelsen átti fyrsta málið, tá hann breyt ígjøgnum, áðrenn hann legði út frá til Milan Kuljic, sum langaði bóltin í kassan. Løtu seinni var tað Dan, sum var arkitekt- urin, tá hann nýtti somu uppskrift at spæla Milan leysan, og at enda vóru tað so Símun og Dan, sum tóku sær av uppleggi og málskjóting. Mundu mist alt Við 3-0 á talvuni og bara góðum korteri eftir at spæla, mundi eingin ivast í, at hart tiltrongdi sigurin nú var heima. Og ivaleyst hildu spælararnir hjá VB eisini sjálvir, at so var. Teir høvdu bara gloymt, at ÍF ikki hevði givið skarvin yvir, og tí gjørdist seiansta løtan nakað nógv meira spent, enn vágbingarnir høvdu ætlað. Teir minkaðu um munin, tá VB-verjan snorksvav, soleiðis at Sylla brádliga gjørdist púra leysur, og so satsaðu fuglfirðingar alt. Teir minkaðu niður í 2-3, tá Bartal stútaði frísparks- innlegg, sum í fyrstu at- løgu varð bjargað, men har Hanus Eliasen í eftirfylgja- ndi trunkaspælinum fekk sent í kassan. Fleiri mál komu ikki, men tað var ikki tí, at ein- gir møguleikar vóru. ÍF trýsti av øllum alvi, og fleiri ferðir dansaði bóltur- in í VB-brotsteiginum. Ikki minst tóktist tað merkja VB, tá Milan Kulic varð rikin av vølli fyri nýtslu av álboganum í loftdyst. Og í øllum førum vóru vág- bingarnir ikki nøgdir um tíðina, sum dómarin legði afturat eftir hetta. Hinvegin gav satsingin hjá ÍF eisini møguleikar til VB, men hóast teir fleiri ferðir vóru mest sum blankir ígjøgnum, so fingu teir ikki lukkað dystin. Men tá alt kom til alt, so mundu vágbingarnir ikki leggja stórt í hetta. Teir fingu tey trý stigini, ið undan dystinum vórðu mett. Einki er at siga til, um veteranurin hjá VB, Bjarni Johansen, var fegin, nú tað eydnaðist VB at fáa fulla úrtøku. - Hetta eru aðrir dagar. Vit skoraðu enntá trý mál, og tað er í øllum førum meira, enn vit hava gjørt í nøkrum dysti í ár, helt hann. - Eg haldi eisini, at vit vóru øðiliga tendraðir. Vit vildu vísa, at hesa ferð skuldu vit hava øll stigini, og sum heilt gekst tað eisini heilt væl. Vit komu eisini fram til onkrar møguleikar, men fyri steðgin tóktist tað kortini vera sama søgan um, at vit ikki skora. Og tit misnýttu eisini brotsspark, sum Dan Djurhuus brendi. Fóru nakrir tankar ikki ígongd hjá tykkum tá? - Jú. Tað gjørdu tað. Men tíbetur megnaðu vit allir - og ikki minst Dan - at koma væl aftur í dystin, helt Bjarni. - Móti endanum sovna vit kanska nakað, men tíbetur eydnaðist at halda tørn, soleiðis at stigini vórðu fingin til høldar. -jm VB-ÍF 3-2 (0-0): Bjargingarlína til VB Loksins eydnaðist vágbingum at fáa trý stig til høldar. Og nú eru tvey stig upp til næstu liðini Mynd: Áki Bertholdsen VB-ÍF 3-2 (0-0) 1-0: Milan Kuljic, 49. 2-0: Milan Kuljic, 74. 3-0: Dan Djurhuus, 77. 3-1: Sylla D. Amed, 80 3-2: Poul Ennigarð, 83. Dómari: Lassin Isaksen VB: Bjarni Johansen - Súni úr Hørg, Mortan úr Hørg, Anders Sørensen, Jákup Olsen - Dan Djurhuus, Pól N. Poulsen (Jón K. Poulsen, 77.), Milan Kulic, Edvard Ble, Símun Samuelsen- Nenad Zivanovic GK: Nenad Zivanovic, Poul N. Poulsen, Milan Kuljic RK: Milan Kuljic ÍF: Allan Joensen - Áki L. Petersen (Atli Petersen, 73.), Pól Ennigarð, Bartal Eliasen, Rúni Elttør - Hanus Eliasen, Eyðolvur Petersen, Símun Eliasen, Høgni Madsen- Sylla D. Amed, Magni á Lakjuni GK: Rúni Elttør, Eyðolvur Petersen FAKTA UM DYSTIN SVIMJING tíðindaskriv Oyggjaleikalandsliðið møtist í Havn til venjing komandi vikuskiftið Nú fer at nærkast at Oyggjaleikirnir verða, so síðstu fyrireikingar- nar eru farnar ígongd. Svimjararnir møtast fríggjakvøldið 24juni kl 20, og verða tríggjar venjingar. Svimjararnir ið skullu við til Hetland eru : Shaila millum Garðar- nar, Jutta Thomsen, Sára Ejdesgaard allar úr TS, Lisbeth L.Joensen og Andrass Thomsen úr HS, Beinir Danielsen úr Flot, Jákup Øssursson, Karina Petersen, Elspa Mørkøre, Kári Jóanesar- son á Høvdanum øll úr FS, Kristian Olsen , Nat- alia Reinhardt úr Ægir. Venjarar eru Petur Heðin á Fløtti og Søren Olsen. Oyl-landsliðið úttikið Aðrir dagar Magni á Lakjuni hjá ÍF helt eftir dystin sunnu- dagin, at tað nú álvara er farið at sansa at hjá teimum. Og hann ásann- aði eisini, at avrikið sunnudagin ikki var nóg gott. - Eg haldi, at vit vóru uppsettir, men tað rakti ikki ordiliga á rætta lagið. Og hinvegin var hetta klárt tað besta, sum VB hevur spælt móti okkum. Sjálvandi hava vit nakrar møguleikar móti endanum, men samanlagt var sigurin hjá teimum í lagi, helt Magni á Lakjuni eftir dystin Og eftir frálíku byrjanina er tað nú av á- vara um at gerast kritiskt hjá tykkum á stiga- talvuni? - Ja, tað er um at verða seinasta útkall, um vit skulu upp úr botninum. Og so kann tað gera tað sama, um tað er B36 ella onkur annar, sum kemur á vitjan komandi viku- skiftið. Tað skulu aðrir bollar á suppuna, og fyrst og fremst, so mugu vit koma fram til fleiri møguleikar. Stóri trupul- leikin er, at vit skapa ov lítið, og tað má og skal betrast, helt Magni á Lakjuni. -jm Seinasta útkall