týsdagur 21. juni 2005síða 32

32 Nr. 115 - 21. juni 2005 Michelin kundi ikki tryggja, at dekkini sum framleiðarin hevði framleitt til koyringina í Indianapolis fóru at halda í 60 umferðir, tí vildu Michelin koyr- ararnir ikki koyra, uttan so at breytin varð broytt. NIELS UNI DAM nielsuni@sosialurin.fo Allir bilarnir byrjaðu upp- hitingarumferðina til for- mel 1 koyringina í Indian- apolis, men einans 6 bilar fóru um byrjunarstrikuna eina umferð seinni. Formel 1 koyringin í USA hetta vikuskiftið gjørdist alt annað enn vanlig. Allir 14 bilar, sum koyrdu við Michelin dekkum, boy- kottaðu koyringina. Liðini mettu ikki, at tað var trygt koyra á breytini. Forsøgan til boykottið hendi fyri einum ári síðan í formel 1 koyringini í Indianapolis. Tá breyt Ralf Schumacher ryggin í einum óhappi, skaðin helt týskar- anum úr Formel 1 í tríggjar mánaðar. Fríggjadagin rendi hann á sama vegg, hesuferð varð hann tó ikki skaddur. Men Formel 1 koyring í USA kann hava fingið sín mønusting. Ors- økin til at yngri Schu- macher beiggin rendi á fríggjadagin, var ein punkt- ering í aftara vinstra dekki. Aftan á óhappið, boðaði Michelin frá, at dekkfram- leiðarin ikki kundi tryggja teimum 14 bilunum, sum brúktu Michelin, at dekkini fóru at halda til at koyra 60 umferðir á Indianapolis- breytini, um ferðin í svingi 13 ikki var lækkað. Michelin liðini kravdu at svingið har óhappið hendi varð umbygt, annars lut- tóku liðini ikki. Men fyri- skipararnir noktaðu at broyta breytina, hetta var ikki ein møguleiki søgdu teir. Teir vístu á at liðini kundu antin koyra spaku- ligari gjøgnum svingið, ella skifta dekk í koyringini, hetta gevur sjálvandi tíðars- revsing, men um liðini vildu gera hetta av trygdar- ávum, so var tað í lagi. Avleiðingin varð, at ein- ans bilarnir við Bridge- stone dekkum Ferrari, Jordan-Toyota og Minardi- Cosworth byrjaðu koyr- ingina. Michael Schu- macher var í fyrstu byrj- unarstøðu, Rubens Barri- chello á nummar tvey, Jordan-Toyota bilarnir við Narain Karthikeyan og Tiago Monteiro i aðru og triðju støðu og í Minardi- Cosworth Christijan Albers og Patrick Friesacher nummar fimm og seks. Koyringin var rættuliga ódramatisk, Michael Schu- macher byrjaði bestur og var fremstur, inntil hann rendi á eina fløsku, sum ein illur áskoðari hevði kastað á breytina. Hann punkt- eraði og noyddist í pit. Hetta gav Barrichello fyrsta pláss inntil næsta pit- stop, tá teir báðir Ferrari koyrararnir mundu koyrt hvønn annan av breytini, Barrichello endaði uttan- fyri breytina og misti fyrsta pláss. Hann megnaði tó at fáa bilin inn aftur á breytina og endaði 1,5 sekund aftan- fyri liðfelagan. Aftanfyri teir endaðu Jordan bilarnir eitt umfarð aftanfyri, og Minardi tvey umfør aftanfyri. Tiago Monteiro fekk triðja pláss og steyp. Áskoðararnir vóru í øðini, og umframt at kasta ting á breytina, rýmdu stórir partar av áskoðar- unum. Formel 1 hevur ikki havt tað lætt í USA. Nascar, Champcar og Indycar eru amerikanskar kappingar sum eiga størsta partin av armerikanska marknað- inum, og formel 1 hevur ikki veruliga vunnið heilt nógvar hyggjarar, og eingin ivi er um, at hetta sum hendi sunnudagin fer at skaða umdømið hjá Formel 1 illa. Tað var annars Jarno Trulli, sum hevði fingið skjótastu umferðina í tíðar- koyringini leygardagin, og sostatt fyri fyrstu ferð hevði givið Toyota fyrstu byrj- unarstøðu. Við Kimi Raikkonen í aðru støðu, Jenson Button triðju og Giancarlo Fisichella í fjórðu. Michael Schu- macher megnaði bert fimtu skjótastu tíðina, tvey pláss frammanfyri Rubens Barri- chello. Við sigrinum flutti Michael Schumacher seg upp á triðja pláss í kapp- ingini um heimsmeistara- heitið. Eisini fingu bæði Minardi og Jordan fyrstu stigini í ár, og nú liggur BAR-Honda einsamalt á seinasta plássi við ongum stigum. Michael Schumacher segði at hóast umstøðurnar vóru undarligar so var hetta ein sigur, og at hann og Rubens Barrichello høvdu givinð hvørjum øðrum kapping. Michael Schu- macher segði, at Bridge- stone hevði latið dekk, sum vóru munandi skjótari ligið eftir heima, tí man ikki metti, at tey hildu eina heila koyring á Indianapolis breytini, tí breytin fer so illa við dekkunum. Í millum reglurnar lá ein beinleiðis kritikkur av Michelin, sum høvdu tikið skjót, men ov veik dekk við. Tað er sjálvandi alla æru vert, at Michelin boða koyrarunum frá, tá dekk- framleiðarin hevur gjørt eitt mistak, og at koyrarnir tí sleppa undan vandanum, sum er í at koyra við ov ringum dekkum. Men tað sagt, so vóru Michelin noyd til at siga frá, tí annars kundu tey vænta eina drápsákæru um illa gekst. Tað er alt ov vánaligt, at Michelin kemur við dekk- um, sum ikki eru trygg. Dekkframleiðarin hevur gjørt dekk til hesa breyt í fleiri ár, og eigur ikki at seta koyrarar, framleiðarar, áskoðarar og sponsorar í hesa støðu. Ov vánaligt Michelin! Ferrari bilarnir við Bridgestone dekkum koyra í byrjunarstøðu, meðan Michelin liðini koyra í pit. Mynd: Reuters Støður, Formel 1 KOYRARAR Navn Land Merki Stig Fernando Alonso Spania Renault 59 Kimi Raikkonen Finnland McLaren 37 Michael Schumacher Týskland Ferrari 34 Rubens Barrichello Brasil Ferrari 29 Jarno Trulli Italia Toyota 27 Nick Heidfeld Týskland BMW-Williams 25 Mark Webber Australia BMW-Williams 22 Ralf Schumacher Týskland Toyota 20 David Coulthard Stórabretland Red Bull 17 Giancarlo Fisichella Italia Renault 17 Juan Pablo Montoya Kolumbia McLaren-Mercedes 16 Felipe Massa Brasil Sauber-Petronas 7 Tiago Monteiro Portugal Jordan 6 Alexander Wurz Eysturríki McLaren-Mercedes 6 Narain Karthikeyan India Jordan 5 Jacques Villeneuve Kanada Sauber-Petronas 5 Pedro de la Rosa Spania McLaren 4 Christijan Albers Holland Minardi 4 Christian Klein Eysturríki Red Bull 4 Patrick Friesacher Eysturríki Minardi 3 Vitantonia Liuzzi Italia Red Bull 1 BILAR Merki stig Renault 76 Ferrari 63 McLaren 63 BMW-Williams 47 Toyota 47 Red Bull 22 Sauber-Petronas 12 Jordan 11 Minardi 7 Úrslit, Indianapolis 1 Michael Schumacher Týskland Ferrari 1.29.43.181 10 2 Rubens Barrichello Brasilia Ferrari +1,5 sekund 8 3 Tiago Monteiro Portugal Jordan-Toyota +1 umfar 6 4 Narain Karthikeyan India Jordan-Toyota +1 umfar 5 5 Christijan Albers Holland Minardi-Cosworth +2 umfør 4 6 Patrick Friesacher Eysturríki Minardi-Cosworth +2 umfør 3