hósdagur 2. juni 2005síða 39

Hóast ein er staddur millum høgar bylgjur, so ber væl til at finna sær eina unnustu á landi. Alnótin er eitt heppið amboð í so máta KÆRLEIKI Snorri Brend Skálaberg: – Ja, er tað ikki løgið at hugsa sær: Eg bleiv forlovaður umborð, hóast einki konufólk var við skip- inum! Tað var ein stórur dagur á sumri 2003, tá tann nýggi Skálaberg kom á fyrsta sinni til Klaksvík. Stór móttøka varð hildin í hes- um sambandi. Tá Skálaberg so legði frá landi aftur var Karl Jakob ein av manningini, og hevur hann verið har síðani. Hetta skipið er rættiliga væl útgjørt við allari út- gerð, sum hoyrir til eitt slíkt nútíðar fiskisfar. Og mann- ingin er heldur ikki við sviðusoð í so máta. Umframt eitt stórt fit- ness-rúm finnast eisini í hópatali av teldum umborð. Og ein av brúkarunum av hesum teldum var Karl Jakob. Beit á Karl Jakob dámdi væl at sita við teldurnar, og eitt stað har hann vitjaði av og á var Faroese_chat. Her hevði hann møgu- leika at chatta við gentur og dreingir í landi um øll verðsins viðurskifti, - eisini um kærleika. Einu ferðina hann so- leiðis sat og chattaði sat ein onnur genta í landi á Strondum og fekst við tað sama, sum eitt slag av dag- dvølju. Tey fingu "orðið" á hvørt annað, og byrjaðu at chatta meiri og meiri saman, og rættiliga nógv saman. Chatturin varð síðani av- loystur av teldubrøvum, persónsmyndum og tele- fonsamrøðum, og mín sann um ikki telduposturin bar ávøkstur: Tey avgjørdu at hittast, tá Karl Jakob kom í land næstu ferð. Hetta hendi so í januar mánaði í fjør. Henda dagin fór Karl Jakob yvir land og legði leiðina út á Strendur, har hann á fyrsta sinni sá unn- ustuna, Kristinu standa har og taka so hjartaliga ímóti honum. – Eg haldi bara, at tað hevur riggað væl, sigur Karl Jakob og hyggur yvir móti Kristinu. Tey brosa móti hvørjum øðrum. Eygu hansara fara tó skjótt frá Kristinu og niður í vøgguna, har lítla dótturin liggur í fasta svøvni við sama lag. Hann kann snøgt sagt ikki halda eyguni burtur frá henni. Vit skilja hann væl! Nr. 102 - 2. juni 2005 39 Olivur við Neyst í Leikalund Á Norðoyastevnu fer klaksvíkingurin Olivur við Neyst, at hava lista- framsýning í Leikalund. Olivur við Neyst er ein tann kendasti lista- málarin úr Klaksvík, og hevur málað eitt ótal av málningum av Klaksvík, har myndevnini sum oft- ast eru landsløg, skip og fólk til arbeiðis. Á Norðoyastevnu fer Oliv- ur at sýna fram olju- málningar, vatnlits- myndir og steinprent, og framsýningin verður hangandi allan juni mánaða. Ferniseringin verður hósdagin 2. juni kl. 16.00, har kaffi og okkurt afturvið verður at fáa. Olivur við Neyst er føddur og uppvaksin í Klaksvík. Hann er út- búgvin á listaakademi- num í Keypmannahavn hjá Richard Winther og Wilhelm Freddie í árun- um 1975-1979, og eftir tað fór hann á lista- námsliga linju hjá Helge Bertram. Umfamt at hann hevur havt ótelj- andi framsýningar, bæði í Føroyum og tað mesta av Skandinavia, hevur hann myndprýtt nógvar føroyskar bøkur og eisini verið við til at myndprýða Porkeris skúla. ave Friðarligt á vøllinum Á Norðoyastevnu er vanliga nógvur fótbóltur á skránni. Vanliga verð- ur spælt fríggjakvøld, allan leygardagin á tamb og sunnudag. Men í ár verður eitt sindur meira friðarligari á vøllinum. Orsøkin er, at Føroyar spæla A-landsdyst ímóti Sveis leygardagin, og tá ið landsdystur er á skránni, leggur FSF ongar ungdómsdystir. FSF heldur fast um prin- sippið, at øll skulu kunna fara til ein lands- dyst í Føroyum. Hetta merkir, at eingin ungdómsfótbóltur verð- ur um vikuskiftið. Eisini 1. deild hjá monnum liggur still, men leygar- kvøldið kl. 18.00 fara KÍ og HB at spæla steypa- dyst. Nógvir stevnuleikir Fleiri talvkappingar eru á skránni á Norðoya- stevnu, og kappingarnar eru bæði fyri børn og vaksin. Hóskvøldið verður kapping í snartalvi, og tá kappast børnini frá kl. 17.30 og tey vaksnu frá kl. 20.30. Kappingin verður í Skákinum, sum er felagshøli hjá Klaks- víkar Talvfelag við Akursmørk. Fríggjadagin verður aftur talvkapping kl. 19.00, og tá verður kappast á talvborðinum í Vágstúni ella í Skákin- um, um tað ikki viðrar at telva úti. Norðoyastevnuaftan kl. 19.00 fara bestu lið- ini hjá Klaksvíkar Talv- felag og Havnar Telv- ingarfelag at dystast í Skákinum. Arga og undirhalda Klaksvíkar Sjónleikar- felag fer aftur í ár at spæla Norðoyastevnu- teitið. Frumsýningin verður fríggjakvøldið kl. 20.00, og síðani verður eisini spælt hinar Norð- oyastevnudagarnar og dagarnar eftir Norðoya- stevnu. Í teitinum verða ymisk aktuell mál tikin upp, men meira tíðarleysir smáleikir eru eisini á skránni. Undirhaldandi er tað í øllum førum, og nógv fólk plaga at fara til teitið. List í skúla Norðoya Listafelag hev- ur sína árligu listafram- sýning á Norðoya- stevnu. Framsýningin verður í ár í skúlanum við Ósánna. Tað eru fyrst og fremst lokal listarfólk, sum sýna fram á hesari framsýn- ing, men onnur listar- fólk eru eisini við. Lista- framsýningin letur upp norðoyastevnuaftan kl. 17.00 og hevur eisini opið frá kl. 15.00 Norð- oyastevnudag. hava tey beint nú - dagin fyri at barnið kom í verðina – yvirtikið eini hús við Stoksoyrarvegin í Klaks- vík. – Vit sleppa tó ikki inn í tey beinanvegin, tí okkurt skal gerast við tey fyrst. Men um einar tveir til tríggjar mánaðir, so flyta vit inn í tey. – Tað verður ordiliga gott, sigur Karl Jakob. Í løtuni er helst óvist, um Karl Jakob sjálvur verðir við til innflytingina. Hann er fast við Skálaberg, men var heima henda túrin, nú hann skuldi gerast pápi á fyrsta sinni. Sleppur hann at vera heima allan túrin, so skal hann ikki avstað aftur fyrr- enn einaferð í juli, men verður tað bara til ein hálv- an túr, er ikki óhugsandi, at hann longu skal avstað um miðjan juni. Svav og svav Tá vit vitjaðu nýggju for- eldrini fríggjadagin - dagin eftir føðingina - stóð væl til. Fyri okkum sum umboð fyri tíðindatænastuna var bert eitt at kæra okkara neyð um: Lítla dótturin svav og svav alla tíðina undir vitjanini. Hóast nógv arbeiði og larm í samband við mynda- tøkuna, so eydnaðist okk- um ikki at fáa eitt einasta brá av vøkru barnaeygun- um á hesum fitta nýføðing- inum. Hon lat myndamann vera myndamann og tíðinda- mann vera tíðindamann. Eingin skuldi órógva hana í hennara væl uppiborna svøvni. Vit gera okkum til at fara víðari, - hesaferð til tann elsta borgaran í Klaksvík, tann skjótt 100 ára gamla Eliesar Sørensen. - Er hon ikki ótrúliga fitt?, sigur Karl Jakob brád- liga, beint sum vit eru kom- nir í jakkarnar og eru á veg út í gongina. Tað, eru tað ikki fleiri meiningar um! Chattaðu seg til kærleikan - Vit hava ikki avgjørt nakað navn enn til dóttrina. Men hon verður helst uppkallað eftir onkrum í familjuni, siga foreldrini bæði, Kristina og Karl Jakob Mynd: Bárður