hósdagur 2. juni 2005síða 46

Nr. 102 • hósdagur • 2. juni 2005 • 79. árgangur • www.sosialurin.fo Stephan Mølvig held- ur seg hava funnið fullkomuliga øðrvísi avbjóðingina, sum hann leitaði eftir, áðrenn hann møgu- liga aftur fer at stríðast fyri at vinna OL gullkrónu OL RÓGVARIN Í KLAKSVÍK Jóannes Hansen Í fjør var hann ein av mann- ingini á "guld fireren", sum livdi upp til donsku vónina og vann gullkrónur í Olympisku Leikunum í Athen. Nú er hann í Klaks- vík. Í summar situr hann í rúminum bakborðsmegin umborð á Nevinum Reyða. Men tað er væl hugsandi, at hann aftur næsta ár fer at stríðast fyri at sleppa upp í part, tá ið "guld fireren", sum danir framvegis halda seg eiga, fer til Bejing at kappast á OL í 2008. - Eg var lúgvaður av rógving, tá ið olympisku leikirnir í Athen vóru av, og vit høvdu rokkið málinum, sum vit høvdu sett okkum. Undan ársskiftinum dugdi eg ikki at ímynda mær, at eg aftur skuldi fáa hug at venja tvær ferðir um dagin. Men eg veit ikki. Nú má eg staðfesta, at hugurin at rógva og venja er tann sami, sum hann hevur verið, og tað kann væl vera, at eg næsta ár aftur fari at kappast á sama støði, sum eg frammanundan havi gjørt. Tað sigur 26 ára gamli Stephan Mølvig. Fyri einum mánað síðani varð kunngjørt, at hann er venj- ari hjá Klaksvíkar Róð- rarfelag, og at hann skal rógva við Nevinum Reyða í summar. Í fyrsta umfari var heimskendi danski rógvarin í Klaksvík í tríggjar dagar. Fríggjadagin kom hann aftur henda vegin. Hann var við á Strondum leygar- dagin. Eftir Norðoyastevnu fer hann aftur av landinum, tí hann skal til próvtøku. Hann lesur umhvørviskemi á lærda háskúlanum í Keypmannahavn, og hann verður liðugur við lesturin um tvey ár ella eitt sindur minni enn so. Glaður fyri avbjóðingina Tá ið tú aftur ætlar tær at kappast á hægsta støði. Iðrar tú teg so um, at tú hevur játtað teg at vera í Føroyum í summar? – Avgjørt ikki. Í vetur kendi eg tað soleiðis, at eg í eitt skifti trongdi til at fáast við okkurt heilt annað enn at rógva og kappast soleiðis, sum eg havi gjørt tað tólv tey seinastu árini. Hugskotið um at fara til Klaksvíkar fekk eg, tá ið eg í róðrarfelagnum í Bag- sværd møtti einum klaks- víkingi, og eg havi ikki eina løtu iðra meg um, at eg nú royni hetta, sigur Stephan Mølvig. Hvør er tín leiklutur? – Eg eri komin til eitt framúr róðrarfelag í Klaks- vík, sum iður í lívi. Tað kennist, at øll, sum eru partur av felagnum, taka uppgávuna og avbjóðingina í stórum álvara, og tað líkar mær væl. Eg legði venjing- arætlanir fyri limirnar, tá ið eg var her fyrr í vár, og nú eg eri afturkomin síggi eg, at ætlanirnar eru væl fylgd- ar. Hvussu venur tú tey øðrvísi, enn tey framman- undan hava gjørt? – Teknikkin hjá føroying- unum royni eg at læra meg sjálvan. Her verður róð nógv meiri við yvirkropp- inum og nógv minni við beinunum, enn vit gera í Danmark og í altjóða rógv- ing. Á so mongum øðrum økjum líkist rógvingin her tí, sum eg eri vanur við. Mínar ætlanir ganga eitt nú út upp á tempo rógving, og eg havi eisini víst teimum, at tað ber til at rógva og venja aðrar tíðir, enn tey higartil hava gjørt. Her hevur verið vanligt at halda frí frá venjingunum fríggja- kvøldið undan stevnude- gnum. Tað hava vit ongan- tíð gjørt, og eg havi skotið upp, at okkara manningar her í Klaksvík eisini skulu venja sjálvan kappingar- dagin. Ongantíð róð á sjónum áður Tá ið Stephan Mølvig verð- ur spurdur, hvussu hann undir fáu venjingunum, sum hann hevur verið við í, og í kappróðrinum á Strondum leygardagin upp- livdi kappróður á sjónum, so svarar hann soleiðis: – Eg havi ongantíð áður róð á sjónum. Allar kapp- ingar eru á vøtnum, og tá ið eitt sindur av illveðri er, so plaga vit at venja innandura og á maskinum. Soleiðis er tað yvirhøvur ikki her í Føroyum, og tað dámar mær væl. Her venja teir á sjónum, uttan mun til hvussu veðrið er, og eg haldi, at hetta er framúr spennandi. Tað setur serlig krøv til tekniska førleikan at rógva og annars at bera seg at í bátinum, og tað haldi eg vera fína avbjóð- ing. Hvussu roknar tú við, at tað fer at hilnast hjá tykk- um í summar? – Tað er torført at siga. Nevndin og felagið anda av sunnum felagslívi og stór- um áhuga fyri rógvingini og kappingunum, og tað rokni eg heilt víst við fer at síggjast aftur í úrslitunum. Um tað verður nú beinan- vegin, ella um tað verður seinni í summar ella kanska næsta ár. Tað skal standa sína roynd. Eg síggi hetta sum stóra og spennandi avbjóðing, og eg gleði meg ógvuliga nógv til kapp- róðurin á Norðoyastevnu. Sjálvandi kann venjingar- mongdin og venjingarstøð- an ikki sammetast. Men eg kenni tað soleiðis, at rógv- ararnir í Klaksvíkar Róð- rarfelag taka uppgávuna í eins stórum álvara, sum vit, ið kappaðust um OL gull- krónurnar, gjørdu. Tað veit eg, at tey eisini gera í øðrum feløgum, so tað er lagt upp til spennandi kapp- ing og stóra avbjóðing. 1.500 metrar 10-mannafør 8-mannafør 6-mananfør menn 1.000 metrar 6-mannafør kv. 5-mannafør g. 5-mannafør dr. Teinurin – Eg havi ongantíð áður róð á sjónum. Allar kappingar eru á vøtnum, og tá ið eitt sindur av illveðri er, so plaga vit at venja innandura og á maskinum. Soleiðis er tað yvirhøvur ikki her í Føroyum, og tað dámar mær væl, sigur Stephan Mølvig, OL vinnari umborð á Nevinum Reyða Mynd: Bárður Lydersen Navn: Stephan Mølvig Aldur: 26 ár Føddur: Odense Bústaður: Keypmannahavn Yrki:Lesur miljøkemi og er venjari hjá Klaksvíkar Róðrarfelag Størsti sigur: OL gull í Athen 2004 OL vinnarin situr í rúminum í bakborð FAKTA Á Norðoyastevnu verður róð bæði á 1500 metrum og 1000 metrum. Klaksvíkar Róðrarfelag mælti fyrr í ár til, at ein roynd varð gjørd bara at rógva á 1000 metrum í ár, men hetta uppskot vann ikki undirtøku. Tí verða teinarnir, sum róð verður á, hesir.