mikudagur 8. juni 2005síða 6

6 Nr. 106 - 8. juni 2005 - Í somu stund, sum Hans legði hondina á bringuna á mær, føldi eg, hvussu pínan fjar- aði burtur, sigur ein ung kvinna, sum var ein av teimum mongu, sum kendi seg grødda eftir grøðingarmøtið við Hans Berntsen mánakvøldið GRØÐINGARMØTI Anna V. Ellingsgaard anna@sosialurin.fo Myndir: Bárður Lydersen Søgurnar um, hvussu nógv menniskju grøðingar- og prædikumaðurin Hans Berntsen og kona hansara Inge hava grøtt, tykjast ongan enda at hava. Sein- astu 20 árini hava tey bæði ferðast kring heimin og biðið fyri sjúkum, sum eftir øllum at døma eru vorðin fullkomiliga frísk aftur. Nú hevur trúarrørslan Aqua Vitae enn einaferð fingið Berntsen hjúnini til Føroyar at halda møti kring landið. Vit vóru við á møtinum í Getsemane í Klaksvík mánakvøldið. Lang bíðirøð Eftir eina lovsangsløtu byrjaði Hans Berntsen møtið við at tosa um, hvat fór at verða avgerðandi fyri, hvussu kvøldið fór at eydnast. Treytin fyri, at Guds lekjandi hond kann náa tann sjúka, er, at tú letur teg upp fyri honum. Hinvegin hevur Gud ongar favorittar, og tí skuldu øll kenna seg vælkomin at leita sær frelsu og grøðing hjá Gudi gjøgnum seg, segði grøðingar- og prædikumað- urin. Síðani greiddi Hans frá eini nærum endaleysari røð av dømum um álvarsliga sjúk fólk, sum vórðu grødd á hansara møtum. Krabba- meinsknyklar í bróstinum og bruni í tjúkktarminum eru horvin sum døgg fyri sól, eftir at Hans bert eina ferð hevur lagt sína hond á sjúka staðið á kroppinum. Fólk, sum nærum hava verið kryplað av gikt, hava fingið fullan rørsluførleika aftur, og ikki færri enn 10 børn á intensivari deild á einum barnasjúkrahúsið í Ukraina vórðu útskrivað, eftir at Hans hevði biðið fyri teimum. Nú var túrurin so komin til tey, sum vóru møtt á grøðingarmøtinum í Getse- mane í Klaksvík. Og tey hildu seg ikki aftur. Eftir bert lítlari løtu rakk bíði- røðin frammanfyri Hans og Inge heilt út til dyrnar í salinum. Ein tann fyrsti, sum slapp framat var ein ungur drongur, sum leið av ovurviðkvæmi og finnum á hondunum. Hans streyk hondina eftir finnunum og byrjaði at biðja - Góði Gud, eg biði teg fáa sjúkuna hjá hesum unga drongi at hvørva, bað Hans, og so var túrurin komin til tann næsta. Og soleiðis hildu fólk á at seta seg í stólin frammanfyri grøð- ingarmanninum í meir enn ein tíma. Hans og healarar Ein av teimum, sum bað Hans biðja fyri sær, var ein ung kvinna, sum leingi hevði havt eina afturvend- andi pínu fyri bringuna. Aftaná spurdu vit hana, hvussu hon nú kendi seg. - Eg føldi, at pínan byrj- aði at fjarða burtur, beinan- veg hann legði hondina á bringuna á mær. Eg trúgvi veruliga, at tað ber til at fremja undur uppá hendan mátan. Við hoyra um so nógv ótrúlig dømi og fleiri, sum sjálvi eru vorðin grødd, hava persónliga greitt mær frá tí. So jú, eg trúgvi veruliga, at hetta ber til, sigur kvinnan. Hon leggur tó afturat, at fyri hana er tað ongin ivi um, at tað er Jesus, sum grøðir ígjøgnum Hans, tí onki menniskja kann taka sær æruna av tí, tá slík undur henda. - Tað kann bara Jesus, sigur kvinna avgjørd á mál- inum. Fyri 20 árum síðani høvdu fólk uttan iva hildið alt hetta við grøðing vera nakað mystiskt nakað, sigur Hans. Men soleiðis er ikki longur. Í síni leitan eftir eini andligari síðu av lívin- um eru fólk samstundis vorðin nógv meir opin fyri alternativum grøðingar- hættum. Sambært Hans kann hansara máti at ar- beiða uppá als ikki saman- berast við healarar av yms- um slagi, sum ikki byggja sítt virksemið á Guds orð. Seinnu árini tykist tað tó, sum at alsamt fleiri av hesum healararnum venda sær til fólk, sum Hans, í vón um frelsu, so tey kunnu byrja at arbeiða í tráð við Guds orð. Serliga hevur kona Hans í dag eitt fínt samstarv við alternativar healarar, sum fyrr vóru vantrúgvandi. Ung samkoma Hetta er fyrstu ferð, at trúarrørslan Getsemane í Klaksvík hevur vitjan av Hans og Inge Berntsen. Samkoman er tann yngsta í Klaksvík, og byrjaði í smáum í 1998, har tey hildu bønarmøti heima hjá hvørjumøðrum. Seinnu árini er rørslan tó vaksin nakað, so hon í dag telur eini 50 limir, og hava tey nú eisini fingið egin høli at halda møti í. André Matras er pastor í samkomuni og tað er hann, sum tekur avgerðir í sam- ráð við limirnar og hevur evstu ábyrgdina av virk- seminum á møtunum. Spurdur um, á hvønn hátt hendan rørslan víkir frá kristiligum samkomum í Klaksvík annars, sigur André, at hetta er einasta rørsla í býnum, sum prakti- serar náðigávur, millum annað grøðing og tungu- talu, og samstundis er óheft av kirkjuni. Eitt av eyð- kennunum við samkomuni er, at ein sera stórur partur av limunum eru ungdómar. Hesi standa oftast fyri sanginum og tónleikinum á møtunum. Samkoman skip- ar nevniliga eisini fyri frálæru í tónleiki umframt regluliga sunnudagsskúlan og bønarmøtini, sum eru fleiri ferðir um vikuna. Stóðu í røð at verða grødd Fleiri kendu seg fullkomiliga grødd, eftir at grøðingarprædikanturin Hans Berntsen hevði biðið fyru teimum á møtinum í Getsemane í Klaksvík mánakvøldi Luttakarnir á møtinum fylgdu neyvt við í tí, sum hendi millum Hans og tann, sum biðið varð fyri Inge Berntsen biður fyri, at bróstmøðin hjá lítla barninum skal hvørva Hans togar í beinini hjá tí sjúka, so tey gerast líka long fyri á tann hátt at fáa ryggpínuna burtur