mikudagur 8. juni 2005síða 13

Nr. 106 - 8. juni 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Dagurin 8. juni Medardus, deyður umleið ár 560. Biskupur í St. Quentin og Tourai í Fraklandi. Í Fraklandi er hann verndari hjá øllum teimum, sum hava víngarðar, og hjá øllum bryggjarum. Fríggjadagin verður ein kendur havnarmaður 70 ár. Kurt Hansen er dani, men hevur seinastu 35 árini búð í Føroyum. Kurt er føddur í Jægers- pris á Sælandi, men búði fleiri aðrastaðnis á Sælandi í sínum ungdómsárum. Eftir lokna skúlagongd gjørdist Kurt landbrugs- medhjælper á einum bóndagarði, men hann fór seinni í læru sum ekspedi- entur. Kurt bleiv útlærdur sum slíkur í handlinum hjá A. Nyholm í Ringsted, sum virkaði innan harraekviper- ing. Í 1966 byrjaði Kurt at ferðast til Føroya sum han- dilsmaður, og á eini av sín- um ferðum hagar hitti hann Kirsten, fødd Johannesen, úr Havn, sum seinni gjør- dist kona hansara. Um ársskiftið 1969/70 búsettist Kurt í Føroyum, samstundis sum hann fór í starv í Skálabúðini í Havn, har hann framvegis starv- ast. Árið eftir giftust hann og Kirsten, og á heysti 1971 fingu tey eldru dóttr- ina Ann. Á heysti 1972 kom so yngra dótturin Lis. Kirsten og Kurt eiga tvær ommu- og abbadøtur, ið eita Barba og Eyð. Tey flestu kenna óivað Kurt frá Skálabúðini, men hann hevur eisini verið sera virkin innan badminton í Føroyum, og somuleiðis hevur hann verið ógvuliga virkin í Havnar Klubba, har hann hevur sitið sum for- maður í drúgt tíðarskeið. Eisini hevur Kurt verið virkin innan Lions Club í Føroyum og Tórshavnar Ítróttarráð. Kurt kennir sera nógv fólk í Føroyum, og tað hevði tí glett hann, um fólk fríggjadagin høvdu lagt leiðina framvið klubbanum millum klokkan tíggju og trý, tá ið hann hevur opið hús í felagshølunum hjá Havnar Klubba. Í sambandi við stóra dag- in hjá Kurt koma eisini nógv av nærmastu skyld- fólkum hansara í Danmark á vitjan, og tey verða ikki færri enn 12 í tali. Góði babba, sonur og beiggi okkara Hallur Hammershaimb Jacobsen andaðist 2. juni 25 ára gamal. Kistan fer frá Landssjúkrahúskapellinum hósdagin 9. juni kl. 18.00 Jarðarferðin verður úr Hósvíkar kirkju fríggjadagin 10. juni kl. 14.00 Tóki,Torleif, Mai, Eirikur,Tórunn og Anna Maria v/familju Tey sum vilja minnast Hall við kransum ella blómum kunnu ístaðin lata eina peningagávu til sonin á konto nr. 1707665 í Føroya Banka. Kurt Hansen 70 ár Í dag, mikudagin 8. juni, verður Jytte Joensen í Hoyvík 50 ár. Hon hevur seinastu tjúgu árini arbeitt sum ljósmóðir á Lands- sjúkrahúsinum. Foreldrini hjá Jytte eru Paula og Dánial Olsen, og tey búgva á Suðuroyarvegi, har Jytte er uppvaksin. Hon eigur tveir yngri beiggjar - Óli á Deild, sum er blað- stjóri á Vinnuvitan, og Magni, sum arbeiðir hjá Føroya Tele. Eftir at Jytte hevði lokið studentsprógv í Hoydølum, fór hon til Danmarkar at lesa. Í fyrstu atløgu las hon franskt og týskt, men so saðlaði hon heilt um og fór at læra til ljósmóður. Hon leyk prógv á Ríkissjúkra- húsinum í 1982. Í tvey ár arbeiddi hon í Thisted, og í 1984 flutti familjan til Føroya. Síðani tá hevur Jytte ar- beitt á Landssjúkrahúsin- um. Fyrstu árini hevði hon eisini viðtalu aðra staðni. Eitt nú var hon á Sandi. Eitt skifti fyri ikki so nógvum árum síðani sat hon í starv- inum sum leiðandi ljós- móð-ir. Jytte hevur listarligar gávur. Tað liggur sera væl fyri hjá henni at yrkja, og hon hevur til mangt høvi sett dám á við beinraknum og væl frambornum yrk- ingum. Ofta yrkir hon á donskum. Tað liggur eisini væl fyri hjá henni at mála, men tað er mest til húsbrúk. Nógv tann mesta partin av frítíðini nýtir Jytte í Havnar Sjónleikarafelag. Longu í sjeyti árunum stóð hon á palli. Hon hevur um- sett leikrit, og hon hevur eisini leikstjórnað. Tvey tey seinastu árini hevur hon verið formaður í Havnar Sjónleikarafelag, og hon situr framvegis í tí sessin- um. Jytte er gift við Jákupi Paula Joensen. Hann er ætt- aður úr Hósvík og arbeiðir sum leiðari á umhvørvis- deildini á Heilsufrøðiligu Starvstovuni. Tey eiga tvær døtrar – Teresa sum er fødd í 1986 og Karina, sum er fødd í 1990. Andlát & jarðarferðir Karin Strøm, Trongisvágur, andaðist mánadagin á Suður- oyar Ellis- og Røktar- heimi, 97 ára gomul. Jarðarferðin verður kunngjørd seinni. Jetta Kirke, Kaldbak andaðist mánadagin á Landssjúkrahúsinum, 62 ára gomul. Farið verður úr Landssjúkra- húskapellinum hós- dagin klokkan 16. Jarðarferðin verður úr Nazaret í Kaldbak fríggjadagin klokkan 14. Jóannes Andreassen á Oyri andaðist á Landssjúkrahúsinm 6. juni, 80 ára gamal. Jarðarferðin verður kunngjørd seinni. Anna Elisabeth Jacobsen, Tórshavn, vanliga nevnd Anna, andaðist mánadagin 6. juni, 81 ára gomul. Jarðarferðin verður kunngjørd seinni. Jarðarferðin hjá Poulinu Jacobsen, á Varpinum, Klaksvík verður úr Christianskirkjuni í dag klokkan 13.30. Jytte Joensen 50 ár Í dag, mikudagin 8. juni, verður Jens Christian Guttesen í Havn 50 ár. Jens Christian er havnarmaður, og hann hevur alla sína tíð fingist við sang og tónleik. Foreldrini hjá Jens Christiani vóru Pavla og Jens Guttesen, sum bæði vóru ættaði úr Havnini. Jens Christian eigur tríggj- ar systrar, sum eru eldri enn hann: Jóna, Katrin og Gun- rið. Jóna og Gunrið búgva í Havnini og Katrin býr á Eiði. Tíðliga í tíðini fór Jens Christian til Danmarkar at nema sær kunnleika í cello- spæli. Seinni var hann í Noregi, og nú hevur hann í fleiri enn tjúgu ár verið lær- ari í musikkskúlanum. Um- framt at hava undirvíst í Havnini hevur hann ferðast eitt nú í Eysturoynna og til Klaksvíkar at undirvísa. Síðani Føroya Symfoni- orkestur varð sett á stovn, hevur Jens Christian verið tí hollur stuðul. Jens Christian hevur frá tí hann var blaðungur sungið í sangkórinum í Ebenezer, har pápi hansara í mong ár var leiðari. Í fleiri enn tjúgu ár hevur Jens Christian havt ábyrgdina av kórinum. Hann hevur eisini í øll árini, síðani dupult- kvartettin sá dagsins ljós, verið ein av stuðlunum har. Dupult kvartettin hevur við sínum framúr góða sangi verið til gleði og troyst og uppmuntran so nógva staðni. Jens Christian giftist í 1983 við Kristinu, fødd Joensen og ættað úr Klaks- vík. Tey búðu í Havnini, men longu í 1990 doyði Kristina av sjúku. Í 1995 giftist Jens Christian við Maluni, fødd Gaard og ættað úr Havnini. Tey eiga trý børn – Annika fødd í 1995, Pavla fødd í 1998 og Jens, sum er fødd- ur í 1999. Tey búgva í Grønulíð, har tað bæði inni og úti sæst væl til sera góðu handverkaraevnini hjá Jens Christiani. Jens Christian Guttesen 50 ár