mikudagur 8. juni 2005síða 28

28 Nr. 106 - 8. juni 2005 Jarnbardur er fantastiskur Gongurólvur aftur í rætta lagnum Manningin á mest vinnandi bátinum seinastu árini vil ikki hoyra annað grett enn, at tær hava fokus á næsta róðrinum, sum tær fegnar vilja vinna NORÐOYASTEVNA 6-MANNAFØR KVINNUR Jóannes Hansen Úrslitini seinastu árini kundu boða frá, at kvinnur- nar umborð á Jarnbardi ætla at gerast tann mann- ingin, sum hevur vunnið flestar róðrar út í eitt. Men hetta er ikki nakað, sum tær hugsa um og tosa um. Tað undirstrika tær umborð á Jarnbardi staðiliga, tá ið tað verður spurt, hvussu leingi tær fara at tíma at kappast við seg sjálvar: - Vit eru spentar og so nervøsar undan hvørjum róðri, sum tað er neyðugt at vera, um nakað skal spyrj- ast burturúr. Hvør róður er spildurnýggj kapping, og vit eru fullgreiðar yvir, at um vit ikki taka uppgávuna í alstórum álvara, so fer tað ikki at bera til at vinna, sigur Jannie Dam Jacobsen, sum aftur í ár er stýrimaður umborð á Jarnbardi, og sum eisini er formaður í Róðrarfelagnum Knørri. Tær umborð á Jarnbardi hava nógvar kappróðrar- royndir. Manningin er næstan tann sama ár undan ári, men kortini fara onkrar av og aðrar koma umborð. At siga, at tær fara av, er kanska í so nógv at taka til, tí summar, sum koma um- borð, hava verið við áður. Í fjør vann Jarnbardur við kvinnum allar róðrarnar. Í fyrraárið vunnu tær tveir róðrar. Tá var báturin so at siga ikki mannaður. Fleiri rógvarar vóru niðri. Báturin luttók við skiftandi mann- ingum, men tá ið so at siga orduliga manningin var komin umborð, vunnu tær á Vestanstevnu og á Ólavsøku. Í 2001 var Páll Fangi suv- erenur og vann allar róðr- arnar, og í 2000 og í 1999 vann Jarbardur hvørja ferð. Jannie Dam Jacobsen mynstraði við Jarnbardi í 1996. Síðani hevur hon verið við alla tíðina. Tað hevur Eivy Olsen eisini verið. Tó helt hon frí í 1998. Súsanna Skylv Sør- ensen kom við í 1997. Hon hevur verið við síðani, tó burtursæð frá 2003. Sign- hild Petersen hevur, síðani hon kom umborð í 2000, verið við alla tíðina, og Rannvá Jacobsen hevur róð við síðani í 2002. Rannvá Eiriksdóttir er í ár komin umborð aftur. Hon var fyrstu ferð við í 1998. Síðani tá hevur hon verið burturfrá í 2002 og í 2004. Hildur Enni roynir seg í ár fyri fyrstu ferð sum partur av gullmanningini. Hon hevur áður róð við eitt nú Drekanum. Er tað nakar sum helst møguleiki fyri, at nakar annar bátur skal vinna í hesi kappingini enn tit? - Vit fara undir øllum umstøðum at gera okkara besta. So fæst at síggja, hvussu langt tað fer at bera. Riddarin var tvær báts- longdir aftanfyri okkum. Tað var tætt ímillum hann og teir báðar næstu bátar- nar, so tað kann gerast spennandi, heldur Jannie Dam Jacobsen. Tær umborð á Jarnbardi eru ikki komnar sovandi til úrslitini. Tær fóru undir venjingarnar stutt fyri jól. Umstøðurnar hjá teimum eru alt annað enn góðar. Neystið er avgjørt einki at reypa av. Knørrafelagið bíðar eftir svari frá býráðn- um upp á umsókn um at byggja við síðuna av Havnar Róðrarfelag. Í vetur vandu tær í leigað- um hølum í Saltsøluni, har tær saman við teimum um- borð á Vágbingi hava vant á fimm rógvimaskinum. - Vit brenna fyri kapp- róðrinum. Okkum dámar væl at venja, og sjálvandi er tað eyka hugaligt, tá ið tað gongst væl. Setningurin er hvørja ferð og alla tíðina at vinna næsta róðurin. Um vit detta í ta grøvina, at vit halda okkum hava vunnið framm- anundan, so er tað heilt víst, at vit fara at tapa. Tí mugu vit hava fokus á rætta staðn- um, og tað er í sær sjálvum stór avbjóðing, heldur Jannie Dam Jacobsen. Úrslit: 6-mannafør kvinnur 1 Jarnbardur 05:05.04 2 Riddarin 05:10.01 3 Lómur 05:11.20 4 Páll Fangi 05:13.23 5 Sølmundur 05:20.18 6 Gongurólvur 05:28.22 Eftir fleiri ár í skugg- anum tykist nýggj og stinn manning at skula bjóða av í FM kappingini, sum teir í HR í fjør vunnu bronsu í NORÐOYASTEVNA 6-MANNAFØR MENN Jóannes Hansen Í fjør vóru marginalirnir ikki við monnunum um- borð á Gongurólvi. Í tveim- um teimum fyrstu kapping- unum vóru teir næst- fremstir. Onkra ferðina kiksaði tað heilt hjá teim- um, men tá ið alt var sam- antalt høvdu teir vunnið bronsukrónurnar. Undan hesum kappingar- árinum hevur í Havnar Róðrarfelag verið roknað við monnunum umborð á Gongurólvi. Tað hevur eisini verið tosað um, at ungu menninir, sum eru 18- 24 ára gamlir, skuldu taka sær av Havnarbátinum. Hetta varð nevnt sum møguleiki, tá ið tað ikki vóru serlig útlit fyri, at tað skuldi eydnast at manna 10-mannafarið. Men teir umborð á Gongurólvi eru framvegis har, sum tað hevur verið roknað við, at teir skulu gera nógv um seg, og í fyrstu royndini livdu teir avgjørt upp til tað, sum tað hevur verið roknað við, at teir skuldu gera. FM vinnarin í fjør, Sundabáturin, var roknaður sum favorittur undan Norð- oyastevnuni. Tað varð Sundabáturin, tí hann á bygdarstevnuni á Strondum vann ógvuliga sannførandi. Í Klaksvík var talan um stórt vónbrot hjá Sundabát- inum, sum endaði á fjórða plássinum. Starturin hjá Sundabátinum var einki serligur, og hann kom seg ongantíð. Men munurin var ikki serliga stórur. Frá Stráluni á sætta plássinum og fram til Jarnbard, sum hevur heilt nýggja mann- ing, og sum endaði næst- fremst, var ein stór hálv bátslongd. Men Gongurólvur var so nógv fremstur. Hann var út ímóti tveimum bátslongd- um frammanfyri Jarnbard. - Starturin hjá okkum var heilt góður. Jarnbardur lá eysturi undir Kósalandin- um, og vit vóru mitt úti á. Stýrimaðurin segði heilt skjótt, at vit vóru fremstir, og tað gav sinniliga yvir- skotið, sum er so týdning- armikið, og sum ber eyka orku við sær. Vit vóru ikki á Strondum, tí vit hildu, at tað var í so stutt undan FM kappingini. Sjálvandi fylgdu vit við, hvussu tað gekk á Strondum, og tí høvdu vit roknað við kapping frá Sundabátinum og Jarnbardi, sum var nummar tvey á Strondum. Tað er Sigtór Lützen, sum greiðir frá. Hann er bátsformaður umborð á Gongurólvi. 6-mannafarið hjá Havnar Róðrarfelag við monnum hevur ikki vunnið FM síðani í 1996. Avrikið í Klaksvík kundi bent á, at tað fer at eydnast í ár, sum teir høvdu vónað fór at eydnast í fjør, men sum ikki gjørdist til meiri enn nær við og næstan. Manningin er væl fyri. Teir eru fimm við aftur í ár, sum eisini vóru við í fjør. Umframt bátsformannin Sigtór Lützen eru teir Sig- fríð á Plógv Hansen, Jóan Pauli Lamhauge, Bergur Lützen og Símun Petersen. Nýggju menninir eru Steingrím Mikkelsen, sum ongantíð hevur róð áður, og so róðursmaðurin Jón Holm. Hann hevur verið róðursmaður seinastu tíggju árini ella so. Hóast tað í fjør ikki gekk heilt, sum teir høvdu vónað umborð á Gongurólvi, so hava fleiri teirra áður roynt at vinna FM. Í 2002 vóru tríggir teirra við Sílinum, sum vann FM. Úrslit, 6-mannafør menn 1 Gongurólvur 07:24.03 2 Jarnbardur 07:29.04 3 Sølmundur 07:29.14 4 Sundabáturin 07:30.14 5 Páll Fangi 07:31.02 6 Strálan 07:31.17 7 Víkingur 07:34.06 8 Lómur 07:37.14 9 Stjørnan 07:41.22 10 Hósvíkingur 07:43.03 11 Fuglfirðingur 07:54.21 12 Kollfriðingur 07:54.23 Jarnbardur er framveigs í serflokki í føroyskum kvinnuróðri. Tann veruleikin varð aftur undirstrikaður á norðoyastevna Mynd: Bár ður Har var eingin sum helst ivi, tá Gongurólvur fór strúkandi fyrstur um málið Mynd: Bárður