hósdagur 9. juni 2005síða 12

12 Nr. 107 - 9. juni 2005 Eftirkomarar hjá Marin og Sámal Jákup Jacobsen í Skopun ætla næstkomandi vikuskifti at seta hvørjum øðrum stevnu í Skopun. Ætlanin er fyrst at hittast í Samljóð leygardagin 18. juni til morgunmat. Aftaná verður vitjað í gamla kirkjugarði, har blómur verða lagdar á gravirnar hjá Marini og Sámal Jákupi, sum vórðu borin í heim ávikavist í 1850 og í 1854. Seinnapartin verður hugnaløta við heitinum "Meg minnist" í Samljóð, har eisini ein kaffimuður verður drukkin, afturvið práti um gamlar dagar. Um kvøldið verður døg- urði við trimum rættum og aftaná verður dansur. Sunnudagin kl. 14 verður aftur farið í Samljóð til ábit. Tað eru fýra av eftirkom- arunum hjá Marini og Sám- al Jákupi Jacobsen sum skipa fyri, og taka tey eisini ímóti tilmeldingum til tiltakið. Hesi fýra eru Víg- dis Johannesen, Elisa Inge- brigtsen, Sámal Johannesen og Gudmund Jacobsen. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. 1975: Týsdagin í hesi vikuni vóru 30 ár liðin síðani núverandi Smyril kom fyrstu ferð á Tvøroyri. Smyril legði frá landi úr Keypmannahavn sjálvan grundlógardagin kl. 16 og kom á Tvøroyri leygar- kvøldið 7. juni 1975, beint tá útvarpið byrjaði kl. 18:30. Ætlanin var at sigla á Havnina, men útróðrar- verkfallið, sum tá var, forð- aði hesum. Tí varð ístaðin lagt at á Tvøroyri. Sum myndin vísir varð eisini roynt at forða Smyrli í at leggja til bryggju har. Men hesin báturin tók seg burtur frá, og tí kundi hetta flaggskip okkara tá, leggja at landi fyrstu ferð í før- oyskari havn. Kelda: Árið ið fór Hallur Jacobsen in memoriam føddur 20.9.1979 deyður 02.06.2005 Sigla vit í gjálvum. Hanga fløgg í hálvum, Hallur, hann er farin! Farin? Spyrt tú varin! Sólin lá um tindar, lýggir blástu vindar, borin alvi góður, frøddi faðir, móðir. - - - Liggur frost um tindar! Kaldir blása vindar! Troyttur møði rindar! Fátt kann feigum forða! Kalt kenst millum borða. Syrgja systkin, faðir, móðir. einkarsoni vart tú góður; gráta nú í sorgum. Komi aftur morgun! Loysi tey úr sorgum, beri troyst at borgum, hann, á øllum hevur ráð, hann, tit kunnu líta á! Farin Hallur, farið smílið! Tú í Harrans hondum hvíli. Hóri 05-06-05 Ættarstevna hjá Marin og Sámal Jákup Jacobsen Tær báðar – Vígdis Johannesen (vm.) og Elisa Ingebrigtsen – eru spentar uppá ættarstevnuna í Skopun Mynd: Niels Uni Dam Við Smyrli í 30 ár Mánadagin 6. juni hevði Kári Nielsen verið í starvi hjá SEV á Fossáverkinum í Vestmanna í 45 ár. Hann byrjaði 19 ára gamal sum vanligur arbeiðsmaður, men fór seinni at ganga á vakt Hann kennir hvønn krók á Fossáverkinum hjá SEV í Vestmanna, har hann hevur starvast í 45 ár. 6. juni 1960 fór Kári Nielsen, 19 ára gamal, til arbeiðis hjá SEV á Fossá- verkinum í Vestmanna, sum varð alment tikið í nýtslu seks ár frammanundan, 5. mai 1954. Arbeiðslívið hjá Kára byrjaði kortini, tá hann 15 ára gamal fór at vera ørindadrongur í handlinum hjá Niels Winther Olsen í Vestmanna, vanliga nevnd- ur Niels hjá John. Eftir at hava verið ørindadrongur í 13 mánaðir fór Kári at sigla við fyrsta Bliki hjá Skipa- felagnum, har hann var í umleið trý ár, til hann fór á Fossáverkið. Hansara fyrsti arbeiðs- gevari, Niels Winther Ol- sen, sum var systkinabarn gamla SEV-stjóran, Hjal- grím Winther, vísti SEV- stjóranum á Kára, tá hann leitaði eftir arbeiðsmanni til lutfalsliga nýggja Fossá- verkið. Kári byrjaði sum vanlig- ur arbeiðsmaður og gjørdi alt fyrifallandi arbeiði á verkinum og rundan um verkið. Nógv varð og verð- ur framvegis gjørt burturúr at halda verkið reint. Tá ið Kári byrjaði vóru tveir maskinmeistarar í føstum starvi á Fossáverk- inum. Tað vóru verkmeist- arin, Gustav Poul Kaiser og Jógvan Petersen. Teir gingu á vakt og ansaðu turbin- unum. Kári fekk áhuga fyri teirra arbeiði, og teir lærdu hann at seta turbinurnar í gongd. Hann lærdi sum frá leið meira og meira, og seinni var hann frítíðarav- loysari fyri hinar. Maskinmenninir búðu nærhendis Fossáverkinum, so fyrstu árini vóru ongar náttarvaktir, men tá SEV avgjørdi at hava fólk á verkinum um náttina eisini, eftir at elnetið var meira útbygt, fekk Kári fastar vaktir á verkinum. Fossáverkið hevur altíð havt ein stóran leiklut í før- oyska elkervinum. Verkið samskipar framleiðsluna á meginøkinum og gevur t.d. hinum verkunum boð um, nær og hvussu nógv tey skulu framleiða fyri at nøkta streymtørvin. Kári hevur verið á vakt manga illveðursnáttina, tá alt slóknaði, og neyðugt varð at senda menn á fjøll- ini. Men seinastu 20 árini er nógv broytt, og streym- slitini eru munandi færri í dag, tí elnetið er tryggari. T.d. er stórur partur av netinum kaðallagdur. Kári hevur eisini verið á vakt á Fossáverkinum, tá onnur hava havt frí. Hann hevur hesi 45 árini mangan hildið jólaftan, páskadagar og hvítusunnudagar á verk- inum. Í sínum starvi á Fossá- verkinum hevur Kári sæð nógvar broytingar fara fram í føroysku ravmagnssøguni. Hini verkini í Vestmanna, Heygaverkið og Mýruverk- ið, vórðu bygd í sekstiárun- um. 60 kV linjan varð løgd úr Vestmanna til Havnar og Skálabotn í 1961. Sunds- verkið varð bygt í sjeyti- árunum, og í áttatiárunum varð farið undir vatnorkuna í Eysturoynni. SEV verður 60 ár næsta ár, og Kári Nielsen hevur verið við tríggjar fjórðingar av tíðini, Elfelagið hevur á baki. 45 ár á Fossáverkinum Andlát og jarðarferðir Hans David Jacobsen, í Syðrugøtu, vanliga nevndur Hans David á Skansa, andaðist týsdagin, 7. juni á Umlættingarheiminum í Syðrugøtu, 93 ára gamal. Jarðarferðin verður kunngjørd seinni. Damgarð Petersen, Klaksvík, fer til gravar úr Christianskirkjuni fríggjadagin, 10. juni klokkan 14. Tey, ið vilja minnast Damgarð, kunnu lata ein peningagávu á konto í Føroya Banka. Jarðarferðin hjá Annu Elisabeth Jacobsen, Tórshavn verður úr Vesturkirkjuni fríggjadagin, 10. juni klokkan 13. Henrietta Frederikka Skeel Kirke (Jetta), fødd Vang, Kaldbak fer til gravar úr Nazaret í Kaldbak fríggjadagin, 10. juni kl. 14