leygardagur 11. juni 2005síða 44

44 Nr. 109 - 11. juni 2005 TINGHELLUKLUMMAN Thomas Arabo Innlendis flutningur. Vit kenna trupulleikan alt for væl. Útjaðarar eru økir, ið liggja relativt langt frá miðstaðarøkjum, har nógvar tænastur og nógv fólk finnast. Útjaðarin hevur oftast lítla búseting, og tí er regluligur ferðafólkaflutningur fíggjarliga tungur at reka. Tað er ikki av ongum, at stórt sæð allur ferðafólkaflutningur hjá okkum er beinleiðis ella óbeinleiðis rikin av tí almenna. Soleiðis hevur tað verið nú í næstan 30 ár sjóvegis og umleið 20 ár land og loftvegis. Uttanlanda samband. Flutningsuppgávan er í stóran mun at finna eina balansu ímill- um títtleika – frekvens-, komfort og prís. Sæð í Europeiskum høpi, so er Føroyar eitt útjaðaraøki við øllum teimum trupulleikum, hetta inniber. Frá gamlari tíð kann man siga, at ferðafólka- flutningurin var væl røktur. Vit høvdu Bergen Line, Eimskipa- felag Ìslands, Ríkisskip, DFDS og Skipafelagið. So kom kapp- ing við flogferðsluna, og í 1970, hugsi eg, at øll skipafeløgini vóru givin við verulkigari ferðafólkasigling millum lond. Í 1975 kom Smyril so inn við summarsigling, og í 1983 Norrøna. Smyril hevði so vetrarsigling til Skotlands nøkur ár í 90unum. Flogferðslan. Flogferðslan sum ferðafólka- amboð hevur haft eina tunga byrjan. Og tað er ikki ov nógv sagt, at her kom ikki ein nýtulig tænasta á økinum, fyrr enn Atlantsflog kom uppí leikin. Nakað av frágreiðingini er nokk eisini, at teknikkurin rundan um flogvøllin eisini batnaði. Ta tíðina, ið danir vóru einsamallir á rutuni, var ikki gott. Áðrenn teir fingu Boeing flogførini, var hvørki frekvensur ella kom- fortur góður. Hetta batnaði alt, tá ið føroyska flogfelagið kom. Atlantsflog At fáa felagið sett á stovn tyktist bæði at vera dýrt og trupult, men aftan á eitt bakkast fyrst í 90unum, har felagið í veruleikanum bleiv reorgani- serað fíggjarliga, fór at ganga framá, og tað hevur tað so gjørt til hendan dag. Nú fortjenar felagið pengar eisini á útlendskum marknað- um, men sjálvandi er hetta eis- ini grundað á ein góðan heima- marknað. Við øðrum orðum ein ynskistøða hjá einum virki, ið byrjar útflutningsvinnu. Vandi er tó í hvørjari vælferð Nú felagið gevur yvirskot, so eru røddir beinanvegin frammi um, at tað skal seljast. Tað má ikki henda. Tí selja vit lívlinj- una til útheimin, so eru vit settir 30 ár aftur í tíðina, og koma einaferð enn at verða settir uttan fyri ávirkan, og, sum Finnbogi Ísakson skrivaði sein- asta leygardag, um kapitalurin einsamallur kemur at ráða í verðini, so Gud náði okkum. Atlantsflog tjenar so mikið í dag, at teir kunnu saktans bjóða einum minnilutaparteigara inn og gjalda vinningsbýti, ella hvat við at leggja uttanlandaaktivi- tetirnar i eitt sjálvstøðugt felag? Verður felagið privatiserað, og flogvøllurin longdur, so kunnu vit vænta, at aðrir koma at millumlanda her og vit verða ein hjávinna hjá teirra stóru flogførum, og hálvtannað- hundrað fólk standa við ongari vinnu, og føroyingar verða settir útum alla ávirkan. Ferðafólkaflutningur til útjaðarar TÍÐINDASKRIV Mikudagin 15 juni 2005 verður P/F Atlantic Petroleum skrásett á Íslendska virðisbrævamarkn- aðinum (ICEX) og harvið á Virðisbrævamarknaði Føroya (VMF) Atlantic Petroleum verður fyrsta føroyska parta- felagið sum verður skrásett á einum virðisbrævamarknaði. Mikudagin 15. Juni 2005 fara umboð fyri P/F Atlantic Petrole- um og Íslendska Virðisbræva- marknaðin ICEX at undirskriva sáttmála um, at partabrøvini í Atlantic Petroleum kunnu keyp- ast og seljast á virðisbræva- marknaðinum. Hetta merkir, at teir umleið 3000 føroysku og útlendsku partabrævaeigarnir í Atlantic Petroleum nú smidligari kunnu keypa og selja síni partabrøv í felagnum, og ikki minst síggja hvat virði tey hava. Slóðbrótandi felag Atlantic Petroleum er slóðbrót- andi, nú tað verður skrásett á ICEX. Felagið er nevniliga fyrsta føroyska partafelagið, sum verður skrásett á einum keyps- skála, og fyrsta oljufelagið í kongaríkinum sum verður skrá- sett. Wilhelm Petersen, stjóri í felagnum, sigur "Hetta er ein verkætlan vit nú hava arbeitt við leingi. Nú komið er undir land, verður meiri orka løgd í at náa øðrum settum málum, og verður skrásetingin eitt nýtt amboð ið skal nýtast í hesum sambandi. Skrásetingin fer m.a. at gera tað smidligari at økja um virksemi felagsins við tað, at atgongd til váðafúsan kapital gerst lættari." Atlantic Petroleum er samstundis fyrsta ikki-íslendska felagið, sum verður skrásett á ICEX, so eisini í hesum sambandi slóðar Atlantic Petroleum fyri. Hví skrásetast á einum virðisbrævamarknaði Ætlanin var frá byrjan, at felagið einaferð í framtíðini skuldi skrásetast á einum virðisbrævamarknaði. Eftir at samstarvsavtalan millum VMF og ICEX varð undirskrivað, metti leiðslan í Atlantic Petroleum, at tíðin var búgvin at skráseta Atlantic Petroleum á marknaðinum. Felagið sær fleiri fyrimunir við at vera skrásett á einum virðisbrævamarknaði. Atlantic Petroleum luttekur í dag í fleiri leiti- og útbyggingar loyvum í føroyskum og bretskum øki, og stórar ætlanir liggja fyri framman. Hetta krevur kapital, og møguleikin at fáa til vega váðafúsan kapital umvegis ein virðisbrævamarknað er munandi betur, samanborið við eitt ikki skrásett felag. Orsøkin er, at karmarnir á einum virðisbræva- marknaði eru fastir og væl skipaðir, og virkar marknaðurin sum ein sýnisgluggi fyri eitt felag sum Atlantic Petroleum. Harafturat verður felagið eisini sjónligari fyri áhugaðar íleggj- arar. Økt krøv til felagið um kunning Nógv orka hevur verið løgd í at gera Atlantic Petroleum búgvið at verða skrásett á marknaðinum. Sera strong krøv verða sett til tað kunning, ið verður latin frá ein- um skrásettum felagi. Í høvuðsheitum snúgva kunn- ingarkrøvini seg um, at allir íleggjarar skula hava eins treytir, og at tað skal vera fult gjøgnum- skygni á marknaðinum. Hesi krøv skulu virka til frama fyri, at allir íleggjarar kunnu kenna seg tryggar við at gera íløgur í Atlantic Petroleum. At allir íleggjarar skulu hava eins treytir merkir, at týðandi vitan um felagið skal fráboðast øllum íleggjarum samstundis, og at persónar sum hava meira vitan um felagið (innanvitan) ikki mugu misnýta hesa innanvitan. Hetta krav, umframt onnur, hevur Atlantic Petroleum tikið til sín, og stórur dentur verður lagdur á at fylgja hesum. Tískil verða allar fráboðanir frá felagnum í framtíðini fyrst sendar til virðis- brævamarknaðin, sum síðani kunngerð hesar, umvegis teirra kunngerðarskipan. Hetta verður gjørt áðrenn onnur fáa vitanina. Talan kann verða um fráboðanir um fíggjarligu gongdina hjá felagnum, ætlanir og vónir um framtíðina, og annars vitan av einhvørjum slag, sum kann roknast við at hava týdning fyri prísin á partabrøvunum. Omanfyri nevnda merkir eisini, at áherðsla er løgd á tagnarskylduna hjá persónum, ið eru knýtt at Atlantic Petroleum. Hvussu kunnu íleggjarar fylgja við felagum og partabrøvunum Allar fráboðanir frá felagnum verða kunngjørdar á heimasíðuni hjá ICEX (www.icex.is) umframt á føroysku heimasíðuni hjá Virðisbrævamarknaði Føroya (www.vmf.fo) eins og tað leyp- andi er møguligt at fylgja við prísgongdini á partabrøvunum. Møguleiki er eisini at kunna seg um felagið á heimasíðuni www.petroleum.fo har øll tíðindaskriv frá felagnum v.m. verða almannakunngjørd eftir at ICEX hevur kunngjørt tey. Eisini kanst tú fylgja prísgongdini á heimasíðuni. Í sambandi við, at felagið verður skrásett, er gjørt eitt sokallað prospekt sum gjølla lýsir felagið. Prospektið er tøkt á heimasíðuni www.petroleum.fo. leygardagin 11. juni Keyp og søla av partabrøvum fer fram við at venda sær til Kaupthing Virðirbrævameklara- felag og føroysku peninga- stovnarnar. Um Atlantic Petroelum P/F Atlantic Petroleum hevur heimstað í Tórshavn. Partapen- ingurin er í løtuni áleið 74 million krónur. Meginparturin av teimum 3000 partaeigarunum er føroyskar fyritøkur og privat- persónar. Aktiv felagsins høvdu 31. mars 2005 eitt virði uppá 111 milliónir krónur. Atlantic Petroleum luttekur í leiti- og útbyggingar loyvum í Føroyum og Bretlandi. Atlantic Petroleum verður skrásett á VMF og ICEX "…skrásetingin ferð at geva okkum øktar møguleikar at menna felagið soleiðis, at vit kunna fylgja løgdu ætlan felagsins um at verða eitt virkið oljufelag sum luttekur í leiting, útbygging og framleiðslu av olju og gassi geva eitt gott avkast til íleggjarnar." Wilhelm Petersen, stjóri