fríggjadagur 24. juni 2005síða 13

Nr. 118 - 24. juni 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Jógvan Joensen í Klaksvík, vanliga nevndur Jógvan hjá bedingsmeistarinum, andaðist á Lands- sjúkrahúsinum týs- dagin 21. juni, 69 ára gamal. Gunna Mikkelsen í Vestmanna andaðist 21. juni 79 ára gomul. Kistan fer úr kapell- inum á Landssjúkra- húsinum fríggjadagin klokkan 16. Jarðar- ferðin verður úr Vest- manna kirkju leygar- dagin klokkan 14. Tey, ið vilja minnast Gunnu, kunnu lata Vestmanna kirkju eina gávu. Kelda: Útvarp Føroya Andlát og jarðarferðir Sólin, ljósið og tann grøni liturin bera boð um, at summarið er komið. Gleðin er stór, tí okkara pisur eru floygdar, tilreiðar at flúgva út í tann heim, sum vit á Handilsskúlanum hava fyrireikað tær til. Tó eru stór skør í gleðini, tí Klæ- mint er ikki longur millum okkara. Klæmint eigur sín stóra lut í, at pisurnar nú megna at flúgva sjálvar. Klæmint lærdi tær alt um heims- speki, føroyskt mál og mentan, hesar lærugreinar, sum hava so stóran týdning at hava við sær, um ein skal fóta sær í einum heimi í stórari broyting. Klæmint hevði eisini ásannað, at tað hjá lærara er neyðugt at fylgja við í menningini. Hóast hann hevði holla útbúgving í føroyskum, týsk- um og heimsspeki, var hann farin undir at lesa Human Resource Management á Robert Gordon University. Hann hevði stóran áhuga fyri samfelagsviðurskiftum. Politiskt ynskti hann einar sjálvstøðugar Føroyar. Har, hann var, stríddist hann fyri tí, hann helt vera rætt. Hann var heilur í øllum tí, sum hann fekst við, og tordi at tala at, tá hann helt tað vera neyðugt. Tað bera hansara arbeiði sum býráðs- limur og stýrislimur hjá SEV boð um. Klæmint hevði sítt lívsstarv á Handilsskúlanum, byrjaði sum tímalærari í 1986 og fekk fast starv í 1989. Umframt at undirvísa, legði hann eisini stóra orku í fakfelags- arbeiði og sat nógv ár í lærararáði Handilsskúlans og upp aftur fleiri ár í yrkisfelagnum. Klæmint vildi hava skipað viðurskifti, og hann eigur ein stóran lut í, at handils- skúlalærarar hava fingið skipað lønar- og pensjónsviðurskifti. Sum starvsfelagi var Klæmint altíð góður í ráðum. Hann hevði eina óvanliga breiða vitan um ymisk faklig øki. Hann tók eisini altíð lut í tiltøkum, næmingar ella starvsfólk skipaðu fyri. Altíð var hann tilreiðar at vera við á hugna- løtum og halda onkra skemtingar- sama røðu. Millum næmingar var Klæmint eisini sera væl lýddur. Næmingun- um dámdu eisini sera væl Klæmint sum lærara. Hansara styrki var, at hann altíð lurtaði eftir og virdi teirra hugsan. Hann var sera rætt- vísur mótvegis næmingunum. Klæmint var sonur Árna Olsen, yvirlækna, sum var ættaður úr Kunoy, og Elisabeth f. Clementsen ættað úr Húsavík. Teir vóru fýra brøður Jóan Eyðfinnur, Klæmint, Bjarni og Sjúrður. Klæminti dámdi ógvuliga væl at vitja á bygd. Hann tosaði ofta um, hvussu "deiligt og avstressandi" tað var at ferðast í Húsavík, har familjan hevur summarhús. Har kundi hann taka sær av løttum sam- an við familjuni. Klæmint og konan, Ragnhild Skarhamar, eiga døturnar Elisa- beth, Anniku og Sunnvá. Klæmint hevði stóra umsorgan fyri familjuni og gleddist um, at tey í fjør skuldu halda jól í nýggjum húsum. Tó vildi lagnan tað øðrvísi. Vit drýpa høvur, sakna ein góðan starvsfelaga, og tankar okkara leita til tykkara, ið eftir sita. Má Harrin styrkja tykkum í sorgini. Starvsfólkið á Føroya Handilsskúla í Havn Minningarorð um starvsfelaga okkara Klæmint Olsen føddur 14. januar 1952 deyður 20. desember 2004 Dagurin 24. juni. Jóansøka. Føðingardagur Jóhannes Doyparans. Minningardagurin hjá halgimennum var vanliga deyðadagur teirra, men hjá Johannes Doyparanum er tað føðingardagurin, ið verður hildin, av tí at hann var heilagur longu í móðurlívi. Eftir bíbilskari frásøgn var Jóhannes Doyparin 6 mánaðir eldri enn Jesus, og tessvegna høvdu kirkjuligu myndugleikarnir gjørt av at halda føðingardagin hjá Jóhannesi áttanda dagin fyri 1. juli, og tað er júst 6 mánaðir fyri føðingardag frelsarans tann 24. desember. Føðingardagarnir verða verða báðir hvør í sínum lagi hildnir um sólstøður. Um øll Norðurlond verða hildnar summarveitslur um jóansøku. Jóansøkustevna, sum hon verður hildin nú á døgum, varð hildin á fyrsta sinni í 1925 á Tvøroyri. Tøkk Øllum tykkum, sum á ymiskan hátt mintust meg á mínum 80-sins tjúgindaføðingardegi, takki eg so hjartaliga. Lukka fatti tykkum og Harrin signi tykkum. Blíðar heilsanir Eliesar (Essa) Arge Fríggjadagin 10. juni var opið hús í Varðagøtu í Havn, í samband við at hjúnini Solveig og Haakon Joensen fyltu 80 og 85 ár ávikavist tann 9. og 12. juni. Solveig og Haakon eiga nógva familju og vinir, og har kom nógv fólk á gátt tann dagin. Haakon er sumbingur, foreldrini vóru Paulina, ættað úr Nes-Vági, og Hans Petur Joensen úr Sumba. Haakon fór sum ungur til Danmarkar á Niels Brock handilsskúlan. Síðan ar- beiddi hann sum bókhald- ari hjá oljufelagnum Dansk Esso í Keypmannahavn. Solveig er ættað av Við- areiði, foreldrini vóru Sára, f. Joensen, ættað av Skæl- ingi, og Olaf Joensen av Viðareiði. Tá Solveig var 7 ára gomul doyði mamman, og hon flutti til Klaksvíkar at búgva hjá pápabeiggj- anum Alexanderi Enniberg og konuni Sofíu. Sum ung fór Solveig til Íslands, har hon í tvey ár arbeiddi á matstovu. Eftir tað fór hon til Keypmanna- havnar. Har møttust hon og Haakon, og tey giftust í 1949. Síðan fyrst í 50-unum hava tey búð í Havn. Haak- on fekk starv sum skriv- stovumaður hjá oljufelag- num Esso á Viðarnesi. Í 1954 fluttu tey í nýggj hús í Dalagøtu - undir Varða. Miðskeiðis í 70-unum segði Haakon starvið hjá Esso upp og stovnaði sítt egna bókhaldsvirki "H.F. Joensen Bókhald", sum hevði roknskap og bókhald hjá nógvum ymiskum fyri- tøkum kring landið. Haak- on arbeiddi til fyri umleið 5 árum síðan, tá hann legði frá sær. Dótturin Sigrun tók tá við rakstrinum av bók- haldsvirkinum. Frítíðarítrivið hjá Haakon hevur verið trøðin í Havn- ardali, har hann hevur velt upp úr nýggjum og hevur seyð. Hesin áhugi stavar frá ungdómsárunum í Sumba. Meðan foreldrini livdu, var hann hvørt summar í heim- bygdini, har hann hoyggj- aði og fekst við seyðin. Heimið hjá Solveig og Haakon hevur altíð verið merkt av stórum gesta- blídni og góðum saman- haldi í familjuni og við grannalagið. Har er hugna- ligt, og duga tey bæði eisini væl at syngja og kvøða. Haakon hevur sítt fasta pláss í Havnar kirkju, har hann kemur hvønn sunnu- dag. Solveig og Haakon eiga trý børn: Sigrun, Marjun og Hans Petur. Marjun býr í Onglandi, meðan hini bæði búgva í Havn. Ommu- og abbabørnini eru 8 í tali. Solveig og Haakon Joensen 80 og 85 ár