mikudagur 29. juni 2005síða 9

Nr. 121 - 29. juni 2005 9 – Fundir, sum teir, vit høvdu í Suðuroy mánadagin, hava sera stóran týdning, sigur Edmund Joensen, løgtingsformaður SAMSTARVSFUNDUR Áki Bertholdsen aki@sosialurin.fo – Hetta er ein berandi táttur í samstarvinum ímillum Føroya og Danmark. So stóran týdning heldur Edmund Joensen, løgtings- formaður, at fundurin, sum var í Suðuroy mánadagin ímillum formansskapin í danska fólkatinginum og formanskapin í Føroya Løgtingi, hevur. Fundur er ímillum for- mansskapirnar báðar eina- ferð um árið, annaðhvørt ár í Føroyum og annaðhvørt ár í Danmark. – Hetta eru fundir, sum vit fáa sera nógv burturúr, tí á hesum fundum kunna vit hvønn annan um tað, sum er farið fram í farna árið og um tað, sum fer fram í løtuni og um tær ætlanir vit hava í næstu framtíð. – Sostatt fáa vit kunnað hvønn annan um alt, sum rørir seg á politiska økinum í Danmark og í Føroyum, sigur Ednumd Joensen. Hann sigur, at hetta er sera týdningarmikið fyri samstarvið í ríkisfelags- skapinum, ikki minst tí at allir teir stóru flokkarnir eru umboðaðir í formans- skapinum. – Saman við árliga ríkis- fundinum og fundunum ímillum uttanlandsnevnd- ina hjá Løgtingium og Føroyanevndina hjá løg- tinginum, eru hesir fund- irnir berandi fyri forstáilsi ímillum Føroyar og Dan- mark. – Sostatt er tað eitt sera umfatandi samstarv, sum hevur tikið seg upp ímillum partarnar í ríkisfelagsskap- inum, leggur hann afturat. Skilja hvønn annan betur Hann sigur at á fundinum kunnaðir formansskapurin í Løgtinginum donsku starvsfelagarnir um fíggjar- ligu og vinnuligu støðuna í Føroyum og um tær lógir, sum eru samtyktar og sum hava við ríkisfelagsskapin at gera. Hinvegin kunnaði danski formansskapurin føroy- ingar um broytingarnar í kommunuskipanini í Danmark. – Hetta eru ikki politiskar viðgerðir, men einans ein kunning um tað, sum farið er og um tær ætlanir, sum eru frammi. Edmund Joensen sigur, at endamálið við hesum fund- inum er sostatt, at partarnir skulu skilja hvønn annan betur. Løgtingsformaðurin sig- ur, at í hesum sambandi hevur tað ein serligan týdn- ing ferðalagið ferðast runt í landinum og sær býir og bygdir, vegir og tunlar, vinnulív og mentan og heilsar upp á bý- og bygda- ráð, tí tað gevur teimum serligar fortreytir fyri at skilja tað, sum fer fram og eru nógv betri førir fyri at taka støðu til tey mál, sum eru frammi og sum hava við ríkisfelagsskapin at gera. Formanskapurin hjá danska fólkatinginum kom til Føroyar fríggjakvøldið og leygarmorgunin var so farið til Suðuroyar, har donsku gestirnir fingu jóansøkuna við. À jóan- søku vóru tey í kirkju. Tað hevur uttan iva havt serlig- an týdning fyri formann fólkatingsins, Christian Mejdahl, ið er prestasonur á Tvøroyri, her hann búði tey fyrstu árini av lívi sínum. Tey hugdu eisini eftir kappróðuri og vóru í listaskálanum Oynni og á Fornminnissavninum. Í Vági sluppu tey eisini ein túr við Johonnu. Mána- dagin var so samstarvs- fundurin og tá vóru tey eisini rundferð í allari Suðuroy. Í gjáramorgunin fóru tey aftur til Havnar, har tey vóru í lands- stýrinum, í Listaskálanum, á rækjuvirkinum á Oyri og á Oilwind, áðrenn tey fóru aftur til Danmarkar í gjár- kvøldið. Hergeir Nielsen fer nú fer at arbeiða fyri at tryggja, at andstøð- an fær størri rætt at koma til orðanna í løgtinginum SAMSTARV Áki Bertholdsen aki@sosialurin.fo - Hergeir Nielsen, fyrsti næstformaður í Føroya Løgtingi, fer nú at kanna eftir, hvussu tað kann tryggjast, at andstøðan fær størri rætt at koma til orð- anna í Føroya Løgtingi. Tað er eitt, hann hevur fingið burturúr vitjanini hjá formansskapinum í danska fólkatinginum í Føroyum hesar seinastu dagarnar. Hergeir Nielsen segði í Sosialinum í gjár, at nú formansskapurin í fólka- tinginum er í Føroyum, ætlaði hann sær at taka tað upp, sum fór fram í løg- tinginum, tá ið yvirtøku- lógirnar og uttanríkis- politisku heimildarlógirnar vóru til viðgerðar. Tá skuldsetti andstøðan samgonguna fyri at skrumbla málini ígjøgnum uttan at geva teimum ta ná- greiniligu viðgerð, sum slík mál máttu fáa. Andstøðan fýltist eisini á, at hon ikki slapp at kalla teir serfrøð- ingar í uttanlandsnevndina, sum hon helt, kundi geva eitt íkast í royndunum at lýsa málið til fulnar. Hergeir Nielsen segði, at hann ætlaði at spyrja for- mansskapin í danska fólka- tinginum, um slíkt kundi komið fyri í Danmark. Arbeiðir víðari Málið fekk eisini umrøðu á fundinum, sum var ímillum formansskapin í løgtingin- um og formansskapin í fólkatinginum í Suðuroy mánadagin og har fekk hann greitt frá síni ónøgd. Men Hann fekk ikki spurt donsku starvsfelag- arnar um slíkt kundi komið fyri í danska fólkatingin- um, tí tíðin rann undan. Men hann hevur fingið at vita, at fólkatingið hevur ymsar skipanir sum tryggja, at mál fáa eina slíka viðgerð, at allir partar eru nøgdir. Tær reglur eru ikki í Føroyum og nú tað er frammi um at endurskoða tingskipanina, ætlar fyrsti næstformaður at kanna eftir, hvussu hesar skipanir virka og um tær eiga at verða settar í okkara ting- skipan. Stóran týdning fyri samstarvið ímillum Føroyar og Danmark Fer at arbeiða fyri at tryggja at allir partar verða nøgdir Danska-føroyska ferðalagið á vegnum í Sandvík, har tey vóru og hugdu eftir gomlu, friðaðu bóndahúsununum í bygdini. Tað er berandi fyri forstáilsi ímillum Føroyar og Danmark, sigur Edmund Joensen Hergeir Nielsen ætlar nú at kanna eftir um reglur í fólkatinginum eisini eiga at galdfa á Føroya Løgtingi. Her eru Christian Mejdahl, vm, Hergeir Nielsen og Eva Mejdahl á vegnum í Sandvík seinnapartin mánadagin