mikudagur 29. juni 2005síða 30

30 Nr. 121 - 29. juni 2005 ÍF-B36 0-2 (0-1): B36 stakk seg fram í oddin við arbeiðssigri Í spælbýtinum og být- inum av møguleikum var munurin lítil og eingin, men fuglfirð- ingar megnaðu ikki at fáa úrtøku, og tað kostaði nógv, at teir í verjupartinum gjørdu tvey stór mistøk ÍF-B36 Jóannes Hansen Tað var toppur ímóti botni. Eftir 2-0 sigurin í dýrdar- veðrinum og frammanfyri nógvum áskoðarum er B36 fremst í Formuladeildini. Eftir 2-0 tapið er ÍF aftast. Leygardagin skulu fugl- firðingar á stevnuni í Fuglafirði spæla á heima- vølli ímóti KÍ um Svarta Per! Á vøllinum sást ikki nógv til, at tað vóru toppur og botnur, sum telvaðust um stigini. Fuglfirðingar vóru nærlagdir, og í løtum høvdu teir gott tak á saman- spælinum fram eftir vøllin- um. Eyðolvur R. Petersen og Símun Eliasen vunnu nógvar nærdystir, Høgni Zachariassen var betri upp- lagdur, enn hann hevur verið leingi, og Magni á Lakjuni vísti ferð eftir ferð, at tað eru heilt fáir, sum eru so kringir við bóltinum, sum hann er tað. Eftir fyrsta korterið gjørdist B36 meiri bóltfør- andi, uttan at tað stóðust møguleikar burturúr. ÍF hevði fleiri álop, og tað var um reppið, at teir fingu mál. Møguleikarnar høvdu teir. Tann fyrsta fekk Sylla, men eftir innlegg frá Atla Petersen stútaði hann upp um, og tað gjørdi Bartal eisini, tá ið hann royndi seg eftir horna. Miðskeiðis í fyrra umfar- inum spældi Høgni Zach- ariassen hegnisliga inn um til Magna á Lakjuni í vinstru. Veteranurin kom væl inn í bortsteigin, men Jákup kom eitt sindur út úr málinum, og so fór flata skotroyndin hjá Magna við síðuna av handara stólp- anum. Í næsta álopinum fekk B36, sum ikki hevði verði serliga nær við, hóast Allan Mørkøre og Bergur Mid- jord arbeiddu nógv, fyrra málið. Tað átti ÍF verjan við rubb og stubb. Vandin - um nakar vandi hevði verið - tóktist vera av, tá ið Bartal Eliasen, sum kanska ætlaði at temja aftur til nýggja málverjan, misti bóltin til ágrýtna Berg Mid- jord. Hann tveitti seg fram. Tað gjørdi málverjin eisini, men bólturin trillaði fram- við honum, og hann rakk akkurát inn við handara stólpanum, áðrenn nakar bjargingarmaður rakk fram. 1-0 til oddaliðið ímóti óhepna botnliðnum, og kenslan var ikki langt burt- ur, at nú hevði B36 tak á tí. Punkteringin Tað hevði B36 eisini. Men á ongan hátt í tann mun, at nervin var burtur. B36 var væl skipað. Teir restaðu Inga Højsted og Mikkjal Thomassen, sum vóru leik- bannaðir, men breiddin er stór, og Klæmint Matras tuskaði og bakkaði upp fyri seg á sentrala miðvøllinum, har Fróði Benjaminsen fekk pláss at vera meiri eyðsýndur, enn hann nakr- antíð hevur verið, síðani hann fór at spæla við B36. Pól Thorsteinsson helt høvdið kalt í miðverjuni, har Herbert í Lon Jacobsen var skjótur og ansin, og í borðunum stóðu Santos og Kenneth Jacobsen seg væl. Veikasti liðurin tóktist vera Wellington á miðvallar- plássinum í vinstru, men hann fall ikki ígjøgnum, hann fekk nógva spælitíð, og stutt undan at hann varð skiftur út, var hann fleiri ferðir við í framrættaðum síðuspæli. Spenningurin fór burtur, tá ið tað restaði ein knappur hálvur tími. Long fram- legging í høgru tóktist ikki skula bera B36 møguleika við sær. ÍF málverjin var á veg fram, men hann steðg- aði, tá ið tað tóktist sum um, at Bartal Eliasen hevði tak á støðuni. Hann steðg- aði eisini á. Tað gjørdi All- an Mørkøre ikki. Á baklinj- uni fekk hann fatur á bólt- inum, sum hann smekkaði innfyri málið, og har tveitti Fróði Benjaminsen seg fram og hálvfluktaði upp undir nettakið. So var 2-0 og B36 hugsaði meiri um at halda tørn og varðveita bóltin, enn teir hugsaðu um at økja um leiðsluna. Fróði Benjaminsen fekk góðan møguleika, tá ið hann gjørdist leysur í vinstru, men Tórður Thomsen var óræddur, tá ið hann tveitti seg fram og blokeraði. Styrkir og veikleikar Oddaliðið vann. B36 er á toppinum, og tað boðar frá, at talan er um støðug avrik og stóra úrtøku. ÍF tapti. Teir eru botnlið, og tað boðar frá minni støð- ugum avrikum og minni úr- tøku. Soleiðis var tað eisini hesa ferð. Munurin í av- rikunum úti á vøllinum var ikki so stórur. ÍF hevði góð- an hugburð, og teir spældu í løtum hampuliga væl. Teir vóru óhepnir at missa inn- skifta Hanus Eliasen, sum fekk løst í armin, og Sylla søplaði tveir stórar møgu- leikar - ein stutt undan hvíldini og ein stutt undan dystarenda. Í verjupartinum gjørdu teir tvey ógvuslig mistøk, sum kostaðu tvey mál og harvið í hvussu so er eitt stig. B36 hevur ein fínan mál- verja. Tað varð enn eina ferð staðfest. Jákup Mikkelsen vísti meistarliga bjarging við nærru stólparótina, tá ið støðan framvegis var 1-0, og hann var heppin, tá ið hann fram ímóti dystarenda var farin úr málinum, og Sylla úr stuttari fjarstøðu ikki megnaði at stýra bóltinum í málið. ÍF málverjin hevði í løt- um trupulleikar við út- spørkunum. Tað hevði B36 málverjin als ikki. Tað var framúr so væl og neyvt hann megnaði at senda langt og í høvdið á Klæm- inti Matras og Fróða Benja- minsen, sum dugdu væl at snitta víðari. Munirnir vóru ikki so stórir millum toppin og botnin. Men í avgerandi støðum og í avgerandi løt- um var munur á, og tað var tann munurin, sum bar B36 oddasessin, og sum bar við sær, at ÍF framvegis er botnlið - í hvussu so er inntil leygardagin! Fróði Benjaminsen var hesaferð sentralur á B36-miðvøllinum, har hann átti lut í nógvum av tí, sum gekk fyri seg niðan eftir vøllinum. Og ikki minst var hann sera sterkur í luftdystunum við ÍF-miðvøllin Mynd: Álvur Haraldsen ÍF-B36 0-2 (0-1) 0-1: Bogi Midjord 26 0-2: Fróði Benjaminsen 62. Dómari: Dagfinn Olsen ÍF: Tórður Thomsen - Fritleif í Lambanum, Poul Ennigarð, Bartal Eliasen, Rúni Elttør - Atli Peter- sen (Hanus Eliasen, 46./Áki Petersen, 64.), Eyðolv- ur R. Petersen, Símun Eliasen, Høgni Zachariassen - Sylla Ahmed, Magni á Lakjuni Gult kort: Bartal Eliasen, Rúni Elttør B36: Jákup Mikkelsen - Kenneth Jacobsen, Herbert í Lon Jacobsen, Pól Thorsteinsson, Alex Santos - Eyðun Højgaard (Niels Joensen, 57.), Klæmint Matras, Fróði Benjaminsen, Wellington (Bogi Her- mansen, 83.) - Allan Mørkøre, Bogi Midjord FAKTA UM DYSTIN Formula-deildin vunnin tapt mál- dystir v - j - t mál mál munur stig 1 B36 14 8 - 5 - 1 20 6 14 29 2 HB 14 9 - 1 - 4 35 16 19 28 3 Skála 14 7 - 5 - 2 29 16 13 26 4 NSÍ 14 5 - 6 - 3 21 17 4 21 5 EB/Streymur 14 4 - 6 - 4 15 22 -7 18 6 KÍ 14 4 - 2 - 8 21 26 -5 14 7 GÍ 14 4 - 2 - 8 18 24 -6 14 8 TB 14 3 - 5 - 6 13 21 -8 14 9 VB 14 4 - 2 - 8 15 24 -9 14 10 ÍF 14 3 - 4 - 7 16 31 -15 13 Tí er GÍ fremri Skipanin við innanhýsis uppgerðum sleppur veruliga at standa sína roynd í hesum døgum, har ikki færri enn fýra lið eru ájøvn í stigum. Kappingarreglurnar siga, at stendur tað á jøvnum í stigum, telja stig í innanhýsis uppgerðum fyrst, áðrenn mett verður um málmunin. Tað er eisini galdandi, tá fleiri lið standa á jøvnum, og tí skal serstøk stigatalva gerast, at har gjørt verður upp, hvussu tey fýra liðini hava staðið seg í innanhýsis dystunum. Ein slík talva gevur hetta úrslit: Felag/móti GÍ KÍ TB VB íalt GÍ i/a 3 0 6 9 KÍ 3 i/a 4 1 8 TB 3 1 i/a 3 7 VB 0 4 0 i/a 4 Tað merkir við øðrum orðum, at GÍ í løtuni er er á sætta plássinum. KÍ er nummar sjey, TB nummar átta og VB er á níggjunda plássinum. Eisini hóast VB hevur staðið seg betri enn KÍ teirra millum og hóast TB er betri enn GÍ, um tað bert verður roknað við dystum teirra millum. -jm