leygardagur 2. juli 2005síða 19

Toftamenn settu sand- oyingar so ruddiliga upp á pláss, tá ið finalan í kappingini um FSF-steypið var leikt á ovara vølli í Gundadali hóskvøld- ið. B68 vann ein greið- an 5-1 sigur, men um B71 tók av møguleik- unum í byrjanini av dystinum, hevði søgan kanska verið ein onnur STEYPAFINALA Terji Nielsen terji@sosialurin.fo Stásiliga FSF-steypið, sum liðini uttan fyri Formula- deildina kappast um, skal næsta árið standa í steypa- skápinum í B68-húsinum á Svangaskarði. Hetta gjørdist greitt, tá ið toftamenn smur- du B71 av í finaluni um FSF-steypið hóskvøldið. At leikandi venjarin hjá B68, landsliðsleikarin Juli- an Johnsson, ikki var við á liðnum hjá toftamonnum, tí at hann fekk drúgva skurð- viðgerð í Danmark allan hósdagin, sást ikki aftur á vøllinum, tí B68 var greitt við yvirlutan eftir eina held- ur trilvandi byrjan upp á dystin. B71 hevði sínar møguleikar Tað var annars B71, sum byrjaði dystin best, og sandoyingar høvdu fleiri gyltar møguleikar at leggja seg á odda. Serliga var tað vandamikli brasiliumaður- in Clayton Soares, ið lá framvið, men hann hevði tíverri fyri B71 alt ov ofta hug til at velja truplaru loysnina, tá ið málmøgu- leikar stungu seg upp. Og sum so ofta, tá ið eitt lið ikki tekur av sínum møguleikum, verður tað revsað í hinum endanum. B68 fótaði sær so líðandi, og tá ið fyrri hálvleikur var gott og væl hálvrunnin, tóku toftamenn leiðsluna. Eitt innlegg úr høgra borði endar í handaru síðu av brotsteiginum hjá B71, og har stendur veteranurin Øssur Hansen. Hann leggur bóltin til sítt víðagitna vinstrabein og meddar til. Bólturin rakar í ein verju- leikara hjá B71 og snýtir unga Símun Rógva Hansen í málinum hjá sandoying- um, og so er 1-0 til B68. Stutt fyri hálvleik var um reppið, at B71 javnaði, tá ið Clayton Soares gjørdist leysur nakað úti í vinstru síðu av brotsteiginum hjá B68. Brasiliumaðurin skýt- ur hart og flatt eftir jørð, men Albert í B68-málinum var knappur og kemur væl niður og heldur skotinum. Ístaðin er tað enn einaferð B68, sum revsar mistøkini hjá B71, tá ið farið var út um vanligu leiktíðina í fyrra hálvleiki. Ein langur bóltur verður sendur inn um verj- una hjá B71, og Jóan Petur Poulsen gerst leysur. Jóan Petur sær, at Símun Rógvi Hansen er komin dekan ov langt út, og hann lyftir bólt- in upp um unga málverjan og í netið til 2-0. John dugir enn Í seinna hálvleiki royndi B71 at trýsta fyri at koma upp á javnt, men tað gekk striltið hjá teimum at koma til teir stóru málmøguleik- arnar. Alt ov ofta dúvaði álopsspælið hjá sandoying- um upp á einmansavrik, og verjan hjá B68 tóktist at hava tamarhald á støðuni allatíðina. Dysturin fekk í veruleik- anum sína avgerð, tá ið smáir tíggju minuttur vóru farnir av seinna hálvleiki. Tá var Jóan Petur Poulsen aftur upp á spæl í brotsteig- inum hjá B71. Hóast hann var staddur heilt afturi við baklinjuna í høgru síðu, so eydnaðist tað honum onk- ursvegna at senda bóltin flatt eftir jørð og í netið til 3-0, og nú gjørdist mót- brekkan hjá B71 ov tung. Sandoyingar royndu tó at satsa eitt sindur, og millum annað bleiv liðskiparin, Bergleif Sólsker, fluttur av sínum vanliga plássi í mið- verjuni longur fram á vøll- in, men av tí sama gjørdist tað heldur tunnligt í verju- partinum hjá sandoyingum. Hetta gjørdi John Peter- sen sær dælt av, tá ið hann í 65. minutti gjørdist leysur framman fyri B71-málin- um. Símun Rógvi kom út ímóti, men gamla lands- liðskempan lyfti hegnisliga bóltin upp um málverjan hjá sandoyingum og í netið. Tað eydnaðist tó B71 at koma á máltalvuna, tá ið Clayton Soares 20 minuttir fyri leiklok fekk skorað úr spískum, men sigurin hjá toftamonnum var ongantíð í vanda. At so var, bleiv eis- ini staðfest fimm minuttir fyri tíð, tá ið innskifti Øssur Jacobsen skoraði til 5-1 og slóg sigurin fastan. Eftir loknan dyst handaði Bjarki Mohr, formaður í kappingarnevndini hjá FSF toftamonnum steyp, og bæði liðini fingu medaljur. John Petersen, B68: - Altíð stuttligt at vinna Toftamenn hava styrkt sær um liðið við fyrr- verandi landsliðskemp- uni, John Petersen, sum í løtuni er heima í summar- frí. Í finaludystinum móti B71 hóskvøldið var John í álopinum hjá tofta- monnum í 80 minuttir, og hann fekk eisini víst sítt eyðkenda máltev. Men er tað ikki trupult hjá einum spælara, ið er vanur við at spæla lands- dystir móti stórum tjóð- um, finalur um Løgmans- steypið og dystir, har FM- heiti stendur upp á spæla, at seta seg upp til dystir við einum liði í næst- fremstu deildini: - Nei, tað er ikki so gal- ið. Nú havi eg bert verið við hjá B68 í tveir dystir, og í báðum førum hevur talan verið um avgerandi dystir. Fyrri dysturin var í landskappingini móti FS Vágum, og hin er so steypafinalan í dag. Hvussu verður, tá ið vit skulu spæla móti onkrum av lægru liðunum í 2. deild, veit eg ikki, sigur John Petersen. Fyrrverandi framherjin á føroyska landslinum leggur afturat, at tað er altíð stuttligt at vinna, og tí hevur ein slíkur dystur sum finalan móti sandoy- ingum eisini nakað at siga. John hevur seinasta hálvárið leikt við Holste- bro í Danmark, sum flutti út úr triðbestu donsku deildini. Eftir summarfrí- tíðina fer John at spæla við Skive í danmarkar- seriuni, sum hann eisini leikti við í 1994/95, tá ið hann las í Skive. tn Nr. 124 • leygardagur • 2. juli 2005 • 79. árgangur • www.sosialurin.fo B68 gjørdi bart Símun Hansen hjá B71 og Kristian Anton Andreasen hjá B68 dystast um bóltin. Mynd: Álvur Haraldsen John Petersen skoraði eitt av málunum, tá ið B68 hóskvøldið vann greiðan 5- 1 sigur á B71 í finaluni í kappingini um FSF-steypið Mynd: Álvur Haraldsen B71-B68 1-5(0-2) 0-1 Øssur Hansen 25. 0-2 Jóan Petur Poulsen 45. 0-3 Jóan Petur Poulsen 54. 0-4 John Petersen 65. 1-4 Clayton Soares 70. 1-5 Øssur Jacobsen 85. B71: Símun Rógvi Hansen - Bergleif Sólsker, Eirikur Poulsen, Kári Sørensen, Hanus Clementsen - Gert Lydersen(Gudmund Nielsen 54.), Magnus Olsen (Ják- up Sørensen 58.), Eli Hentze, Símin Hansen (Mikkjal Hentze 77.) - Clayton Soares, Tummas Pauli Olsen B68: Albert Sævarsson - Alex Troleis(Jóhan D. Højgaard 74.), Ovi Magnussen, Arnbjørn Daniel- sen, Jákup Eli Olsen - Kristian Anton Andreassen (Fabricio Borges 83.), Jann Ingi Petersen, Bogi Pet- ersen, Øssur Hansen - John Petersen(Øssur Jacob- sen 80.), Jóan Petur Poulsen GK: Gert Lydersen, Clayton Soares, Símin Han- sen, Kári Sørensen - Jákup Eli Olsen, Ovi Magnus- sen, Jann Ingi Petersen Dómari: Georg Rasmussen FAKTA UM FSF-STEYPIÐ Gott lag var á toftamonnum eftir sigurin í kappingini um FSF-steypið í Gundadali hóskvøldið. Mynd: Álvur Haraldsen