leygardagur 2. juli 2005síða 20

20 Nr. 124 - 2. juli 2005 B36 hevur fingið tríggjar útisetar at styrkja um liðið, og báðir venjararnir rokna við tættari uppgerð, tá ið bestu kvinnuliðini bresta saman seinnapartin KVINNUFINALA Í FÓTBÓLTI Jóannes Hansen Klokkan trý seinnapartin í dag bresta B36 og KÍ saman í kvinnufinaluni, sum verður á Tórsvølli. Talan er um tey bæði liðini, sum eru ovast á støðu- talvuni í landskappingini. B36 hevur styrkt um liðið við trimum spælarum, sum áður hava spælt í B36, og sum nú búleikast á flatlondum, har tær eisini spæla fótbólt. Talan er um Sólvá Joensen, Rakul N. Joensen og Mariu Vang. - Spælararnir hava ynskt at fáa hesar at hjálpa til, og tí havi eg eftirlíkað. Allar hava vant saman í vikuni, og vit trúgva uppá, at tað hesa ferð verður møguleiki at geva KÍ góða mótstøðu, sigur Jacob Thomsen, sum er venjari hjá B36. Í før var talan um moralsku finaluna, tá ið B36 og KÍ hittust í hálvfin- aluni. Í Gundadali endaði tað málleyst, og í Klaksvík vann KÍ 3-1. Finalan hjá KÍ ímóti EB/Streymi var avgreiðslusetningur. - Halltóra Joensen, sum er vandamikil álopsspælari, hevur verið nógv skaða- plága, men nú er hon betri fyri. Harmuligt er tað, at Elsubeth Jónsson er so nógv plágað av skaða í knænum. Hon er annars fínur spælari. Men tað verður torført at vinna á KÍ. Tær eiga nógvar fínar spæl- arar, og tær eru vanda- miklar frammanfyri málin- um. Okkara skulu vera savnaðar um uppgávuna alla tíðina. Ella fer tað als ikki at bera til. Tað sóu vit, tá ið vit taptu 4-2 ímóti teimum í Gundadali. Í Klaksvík gekst betri, tí tá endaði tað 1-1 í landskapp- ingini, sigur Jacob Thomsen. KÍ hevur vunnið steypa- kappingina fimm tey seinastu árini. KÍ venjarin, Jón Harald Poulsen, hevur gott mót. - Eg vænti, at mótstøðan verður stór, og eg haldi, at tað er ein fyrimunur hjá okkum, at spælararnir hava so nógvar royndir frá týdningarmiklum dystum, bæði heima á landi og í Europa Cup og á landslið- num. Vit hava hoyrt, at tær hava styrkt um liðið. Tað hava vit eisini fleiri ferðir áður upplivað í steypafinal- um, tá ið HB hevur styrkt seg, men ofta hevur tað kortini hilnast væl hjá okkum. Eru tit væl fyri? - Una Olsen og Birgith Ryan hava verið skaðaplág- aðar. Um tær vera førar fyri at spæla, fáa vit at síggja undir venjingini í kvøld, segði Jón Harald Poulsen á middegi í gjár. KÍ venjarin vónar, at trúgvu áskoðararnir fara at fylgja teimum í Gundadal. Liðið ger ikki stórvegis hóvasták burturúr, hóast talan er um finalu. - Vit fara úr Klaksvík so seint, sum tað ber til. Vit ætla at koma í Gundadal ein stóran tíma undan dystarbyrjan. Í staðin fyri at bíða í Havnini eru royndir- nar hjá okkum, at tað er best at vera við hús so leingi, sum tað ber til, og so fáa vit at síggja, hvussu tað fer at roynast hesa ferð, sigur KÍ venjarin, sum gleðir seg at dystast ímóti góðum B36 liði, sum saman við KÍ eigur nógv tann størsta partin av lands- liðnum, sum í næstu viku fer til Hetlands at kappast á Oyggjaleikunum. - Tað halda vit í Klaksvík er nógv hugaligari, enn tað hevur verið, tá ið tað frammanundan næstan hev- ur verið greitt, at vit fóru at vinna. Í Fuglafirði og í Klaksvík iðra teir seg um mistøk í verjuni og lítla úrtøku í hin- um endanum, og báð- ir partar vóna, at gongdin skal vendast í stevnudystinum í kvøld ÍF-KÍ Jóannes Hansen Tað verður botnuppgerð í Fuglafirði í kvøld. Eftir fjúrtan umfør er ÍF aftast. Um tað eydnast teimum at fáa fulla úrtøku ímóti klaksvíkingum, so kunnu teir lyfta seg eini fýra pláss, og so verður KÍ aftast. - Sum heild var eg nøgd- ur við hugburðin og avrikið ímóti B36. Trupulleikarnir hjá okkum vóru eyðsýndir. Vit høvdu fleiri upplagdar málmøguleikar, sum vit ikki megnaðu at fáa úrtøku burturúr, og í hinum endan- um gjørdu vit tvey mistøk, sum teir fingu fulla úrtøku burturúr. Tað var munurin á B36, sum er oddalið, og ÍF, sum er botnlið, staðfestir ÍF venjarin, Petur Simonsen. Hann staðfestir, at tað tykist vera tungt at lyfta sær aftur, eftir at tað leingi hevur gingið minni væl. - Eg rokni við, at tað hevði lyft liðnum nógv, um vit eina ferð aftur megnaðu at vinna, og eg haldi, at vit eiga at hava møguleikan ímóti KÍ. Men tit taptu 3-0 ímóti teimum á heimavølli fyri ikki so langt síðani? - Tá vóru klaksvíkingar ágrýtnir, og teir lumpaðu okkum taktiskt. Tað ætla vit ikki skal endurtaka seg hesa ferð. Hanus Eliasen noyddist av vøllinum við nógvari pínu í arminum mána- kvøldið. Í fyrstu atløgu vóru teir bangnir fyri, at armurin ella ælbogin vóru brotin. Men Hanus var aftur til venjingar mikukvøldið. Teir rokna við, at talan var um toygnað liðband, og tað er ikki útilokað, at Hanus verður við í kvøld. Gunnar Nielsen hevur í tríggjar vikur verið skaðaplágaður. Hann vandi mikukvøldið, og tað er ikki útilokað, at hann verður við í kvøld. Veteranar við aftur Í Klaksvík hava teir gott gamalt við til Fuglafirðar. Niclas Niclassen og fugl- firðingurin í Klaksvík, Høgni Madsen, eru leik- bannaðir, og Marek Wierz- bicki, sum var vinstri vong- verji í Vági, hevur trupul- leikar við brákaðum rivi. Jan Joensen og Harley Bertholdsen, sum ikki hava vant í ár fyrrenn fyri einari viku síðani, eru báðir við í KÍ hópinum í kvøld, og tað tykist ikki lítið sannlíkt, at teir vera imillum teir fyrstu ellivu. - Vit fingu ein orduligan lúsing, tá ið vit taptu 5-1 í Vági. Hóast stórtapið, sum gjørdist veruleiki síðsta lítla korterið, so var eg í stórum pørtum av tíðini nøgdur við hugburðin. Trupulleikin hjá okkum var tann sami, sum fuglfirðinar siga seg hava. Meðan vit framvegis vóru væl við, høvdu vit risa møguleikar at fáa mál, men vit mis- nýttu, og í hinum endanum fingu teir mál uppá møguleikar, sum avgjørt ikki eiga at koma fyri í bestu deildini, sigur KÍ venjarin Oddbjørn Joensen. Í fyrstu royndini eftir at Oddbjørn Joensen hevði tikið ábyrgdina av KÍ liðnum á seg, vunnu teir sannførandi í Fuglafirði. Hvussu bar tað til? - Kanska vóru fuglfirð- ingar ikki so væl fyri júst tá, men eg haldi, at okkara vóru óførir, og teir spældu eisini fínt, tá ið vit vunnu á heimavølli ímóti TB. Síðani hava vit havt trupulleikar við fólki, og soleiðis er tað eisini hesa ferð. Men kanska fer tað at batna. Mánadagin fáa vit verju- kendan danskara, Eyðun Klakstein er um at koma fyri seg aftur, og um ein mánað verður Símun Joensen við aftur. Tað kennist eitt sindur huga- ligari. Men vit mugu hvørja ferð stríðast við tí fólkin- um, sum er tókt, og eg havi álit á, at spælararnir fara at leggja alt tað fyri í Fugla- firði, sum teir megna, sigur Oddbjørn Joensen. Nú verður talan um rætta finalu Báðir partar renna undan botninum