mikudagur 6. juli 2005síða 18

18 Nr. 126 - 6. juli 2005 Ein tíma eftir, at teir fyrstu bitarnir av leskiligum og væl- kryddaðum mati eru farnir á grillirnar, fara Sámal Ravns- fjall og Ronnie Nielsen at syngja. Síðan verður felags- sangur, og at enda fer Torbjørn Jacobsen, løgtings- maður, at halda midnáttarrøðu Fjarðastevna Vilmund Jacobsen vilmund@sosialurin.fo Leygarkvøldið verður stórt grillkvøld á økinum sunnanfyri fótbóltsvøllin á Skála. Tiltakið, sum er ein partur av skránni fyri Fjarðastevnuna, byrjar klokkan 19.30. Fyrireikararnir siga, at fleiri grillir verða settar upp á økinum, og ætlanin er, at gestirnir sjálvir skulu grilla matin. - Neyðugt verður tó ikki at hava mat við sær, tí leskiligur og vælkrydd- aður grillmatur og okkurt leskandi verður selt á staðnum. Borð og benkur verða sett upp á økinum, og her kunnu fólk sita í friði og náðum og njóta ein góðan bita. Súklur og bátar - Grillkvøldið á Skála snýr seg tó ikki bara um mat, tí umframt góða mat- in, verður eisini skipað fyri sangi og røðum, tá ið líður út á kvøldið. Fyri at geva tiltakinum ein serstakan dám, hava fyrireikararnir boðið gestum uttanífrá at verða við. - Vit hava sett okkum í samband við Føroya MC- felag, sum eftir felagstúr til Oyndarfjarðar og Eldu- víkar, kemur á vitjan á motorsúklum. Fyrireikararnir hava eisini boðið bátafeløgum at verða vælkomin til til- takið. - Vit vóna, at fleiri bátar og fólk á motorsúklu koma at vitja okkum leygarkvøldið og soleiðis verða við til at seta sín dám á tiltakið. Sámal og Ronnie Umleið ein tíma eftir, at fyrstu bitarnir av leskilig- um kjøtmati eru farnir á grillirnar, fara teir báðir vælumtóktu, Sámal Ravnsfjall og Ronnie Nielsen, at syngja. Tá ið teir hava sungið í ein hálvan tíma ella so, verður felagssangur, har øll kunnu syngja við. Tá ið kvøldið líður, og klokkan nærkast ellivta tíma, fer løgtingsmaðurin, Torbjørn Jacobsen, at halda midnáttarrøðu. Samdur ella ei við mannin og tað, sum hann stendur fyri, skerst ikki burtur, at Torbjørn Jacob- sen er orðasnillingur sum fáur. Hann dugir sera væl at bera fram røður – og tað er altíð stuttligt at lurta eftir honum. Country-dansur Á midnátt leygarkvøldið verður dansur í Ítróttar- høllini, og tá fer væl umtókti Countrybólkurin at spæla. Fyrireikararnir vænta, at dansurin fer at vara til einaferð út ímóti morgni. - Vit vænta eitt gott og hugnaligt kvøld og nógv fólk á Skála leygar- kvøldið og sunnunáttina, siga tey sum varða av Fjarðastevnuni. Tað verður Torbjørn Jacobsen, løgtingsmaður, sum heldur midnáttarrøðuna leygarkvøldið Grillkvøld, sangur og midnáttar- samkoma Møtir verða í Missiónshúsinum og í Nerija, og guds- tænasta verður í Skála kirkju Fjarðastevna Vilmund Jacobsen vilmund@sosialurin.fo Tað er eingin stevna uttan, at tann andaligi parturin – so ella so – eisini er við, og soleiðis verður eisini á Fjarðastevnu um viku- skiftið. Sunnudagin klokkan 11 verður gudstænasta í Skála kirkju, har Jógvan Fríðriks- son, prestur, prædikar. Jógvan dugir væl at gera eina gudstænastu áhuga- verda og livandi, og einki er at ivast í, at soleiðis verður eisini sunnudagin. Møtir Tað verður ikki bara í kirkjunu, at guds orð verð- ur at hoyra um stevnuna. Møtir verða eisini í missiónshúsinum og í Nerija. Fríggjakvøldið klokkan 20 verður junior-møti í missiónshúsinum, leygar- kvøldið klokkan 20 verður ungdómsmøti, og síðan verður møti aftur sunnu- kvøldið klokkan 19. Í Nerija verður familju- møti sunnumorgunin klokk- an 11. Jógvan Fríðriksson prædikar Tað verður Jógvan Fríðriksson, prestur, sum fer at prædika í Skála kirkju sunnudagin. Eisini verða møtir í missiónshúsinum og í Nireja Mynd: Vilmund Jacobsen Ungar dansigentur av Toftum og ungir dansarar úr Havn fara eisini at vísa dansikynstur Fjarðastevna Vilmund Jacobsen vilmund@sosialurin.fo Fríggjakvøldið verður eitt fjølbroytt barna-og ung- dómstiltak í Ítróttarhøllini á Skála. Tiltakið verður rópt bassaprix og dansishow. Fyrireikararnir av Fjarða- stevnu siga, at bassaprix’ið verður skipað á tann hátt, at børn úr 1. flokki til og við 7. flokk fáa høvi at velja sær eitt lag at syngja. Tá ið so øll hava sungið, verður ein vinnari kosin, sum fær eitt gávukort á 300 krónur. - Tey, sum ynskja at verða við í kappingini, skulu tekna luttøku hjá Elly á tlf. 257019, siga tey á Skála. Nósavinnarin Umframt sangkappingina, verður eisini høvi at hoyra "nósavinnaran" í 2004, Ingibjørg Hansen, við síni framúrskarandi rødd. Ungar dansigentur av Toftum fara at undirhalda við dansi, og ungir havnamenn fara eisini at vísa dansikynstur við break-dansi. Bassaprix og dansishow í Ítróttarhøllini á Skála Vælkomin! Feløgini, sum skipa fyri Fjarðastevnuni, bjóða øllum at vera hjartaliga vælkomin á Skála