mikudagur 6. juli 2005síða 19

Nr. 126 - 6. juli 2005 19 Fyrireikararnir av Fjarðastevnuni hava lagt serligan dent á at hava nøkur mentan- arlig tiltøk við á stevnuni, og soleiðis verður Skála skúli karmur um bæði listaframsýning og hugnakvøld Fjarðastevna Vilmund Jacobsen vilmund@sosialurin.fo Stevnurnar kring landið eru í stóran mun ítróttarstevnur – ella stevnur hjá ítróttar- fólkunum, sum onkur hevur tikið til. Tó verður meira og meira gjørt burturúr at hava fleiri mentanarlig tiltøk av ymiskum slagi við á hesum stevnum. Nú Fjarðastevna verður á Skála, hava fyrireikararnir lagt serligan dent á at hava nøkur mentanarlig tiltøk við á stevnuni. Listaframsýning Leygardagin og sunnu- dagin verður soleiðis skipað fyri listaframsýning í skúlanum á Skála, har yngri – ella nýggjari – listafólk, sum hava tilknýti til Skálafjørðin, fara at sýna fram síni verk. - Vit halda, at tað eru so nógvar framsýningar, har tey royndu listafólkini kunnu vera við, meðan tey lokalu og minni royndu hava trupult við at sleppa framat. Tí er henda fram- sýningin ætlað teimum, so hesi eisini kunnu sleppa at sýna fram síni listaverk. Skála Ítróttarfelag veit at siga, at sjey listafólk verða við á framsýningini, og hesi hava millum 40 og 50 verk við. - Eitt av listafólkunum seymar síni listaverk; hini seks mála, sigur felagið. Framsýningin í Skála skúla verður opin leygar- dagin frá klokkan 15-20 og sunnudagin frá klokkan 15- 19. Hugnakvøld Tá ið listaframsýningin er latin aftur sunnukvøldið, verður hugnakvøld í skúlanum. - Evnini á hugnakvøldin- um verða bæði til gamans og álvara, og tað verður Jógvan Fríðriksson, prestur, sum fer at "stýra" góðu fólkunum, sum vit hava fingið at undirhalda gestunum. Skála Ítróttarfelag sigur, at Kári P. Højgaard fer at hugleiða, og Anfinn Johansen fer at hava siðsøguligar hugleiðingar. Ungir skálamenn fara eisini at hava okkurt til skemtu- nar. - Sangur og tónleikur verður eisini á skránni sunnukvøldið. Ung úr Meinigheitshúsinum fara at syngja nakrar sangir, og Óli Olsen fer eisini saman við vinmonnum at framføra nakrar sangir. Katrin Hov- land Petersen, sum herfyri fekk virðisløn í tónleika- kapping í Danmark, fer at spæla klassiskan tónleik á klarinet. So, her skuldi verið eitt sindur til øll, heldur Skála Ítróttarfelag. Hugnakvøldið í skúlanum á Skála byrjar klokkan 20, og fyrireikarar- nir rokna við, at undir- haldið - til gamans og álvara – fer at vara í einar tveir tímar ella so. Kostnaðurin er 100 krónur – og tá er kaffi og køkur við í prísinum. Á Fjarðastevnu verður Skála skúli karmur um listaframsýning leygardagin og sunnudagin – og siðan verður hugnaløta á skúlanum, tá ið listaframsýningin letur aftur sunnukvøldið Mynd: Vilmund Jacobsen Listaframsýning og hugnaløta í skúlanum