mikudagur 6. juli 2005síða 26

26 Nr. 126 - 6. juli 2005 Nú hevur Blikur lagt seg á odda Eftir trilvandi fyrsta róðurin hevur tað bara gingið framá hjá argjagentum, sum eru einasta FM boðið hjá felagnum 5-MANNAFØR GENTUR Jóannes Hansen Í fjør varð Blikur av Argj- um FM vinnari í kapping- ini millum 5-mannafør við gentum. Í fyrraárið var tað Drekin hjá Havnar Róðrarfelag, sum var meistari. Enn er kappingin fyri í ár ikki komin meiri enn gott og væl hálva leið. Men tað er eingin ivi um, at meistarin verður meist- arin í fjør ella meistarin í fyrraárið. Eftir róðurin á Varma- keldu er tað Blikur, sum er best fyri. Argjagentur- nar eru fyri fyrstu ferð í ár á odda. Tær eru tvey stig undan Dreka gentunum. Á Norðoyastevnu kiksaði tað fullkomuliga hjá Bliki. Ta ferðina vann Drekin. Síðani hevur Blikur vunnið hvørja ferð, og Drekin hevur verið næstfremstur. Sigurin hjá Bliki var ikki so sannførandi á Varmakeldu, sum hann var á Jóansøku, men úr- slitið sigur, at tað skal nógv til fyri at taka Blik. Á Trongisvágsfirði var hann tíggju sekund undan Drekanum, og hesa ferð var hann stívliga fýra sek- und ella meiri enn eina bátslongd frammanfyri Drekan. Í fjør vann Argja Róðr- arfelag trý FM heiti - Blikur við dreingjum og gentum og so við Argja- bátinum, sum var besta 8- mannafarið. Í ár tykist tað bara vera gentumanningin umborð á Bliki, ið verður før fyri at endurtaka bragdið. Um tað skal eydnast Dreka gentunum at órógva kósina hjá Bliki ímóti FM heitinum, so verður tað neyðugt hjá teimum í Havnar Róðrar- felag at gera nakað við Blik á Skála nú leygar- dagin. Út frá úrslitunum í fýra teimum fyrstu kapp- ingunum, so bendir einki á, at nakar annar skal vinna fremsta plássið í FM kappingini. Men av- rikið í Fuglafirði kundi bent á, at onkur annar fer at blanda seg í stríðið um fremstu plássini á Skála. Havfrúgvin úr Vest- manna, sum er einasta manningin, ið luttekur í FM kappingini úr stoltu róðrarbygdini, vann leyg- ardagin triðja plássið. Hetta var besta úrslitið hjá teimum í ár, og tað var ikki so langt fram til næstfremsta plássið. Drekin var minni enn eitt hálvt sekund undan Hav- frúnni. Úrslit 1 Blikur 05:20.02 2 Drekin 05:24.21 3 Havfrúgvin 05:25.15 4 Tjaldrið 05:28.11 5 Tekla 05:30.22 6 Erla Kongsdóttir 05:42.00 Tað var eingin ivi, tá Blikur púra einsamallur fór fyrstu um málstrikuna Mynd: Álvur Haraldsen Eysturoyingur setti nýtt met Bæði vinnarin og Nólsoyingur, sum hesa ferð aftur setti seg á næstfremsta plássið, róðu skjótari, enn nakað 10-manna- far áður hevur gjørt á Fuglafirði 10-MANNAFØR Jóannes Hansen Eysturoyingur var enn eina ferð tryggur vinnari í kapp- ingini millum 10-manna- førini. Harvið bendir alt á, at hann fer at vinna FM heitið. Eysturoyingur var fremstur eftir startspurtin, hann var fremstur, tá ið tað varð farið undir endaspurt- in, og hann var fremstur á endamálinum. Fjarstøðan aftur til Nóls- oying, sum hesa ferð aftur tók næstfremsta plássið, eftir at Hoyvíkingur hevði lænt tað á Jóansøku, var ikki meiri enn ein hálv bátslongd. Tað var væl minni, enn hon var aftur til Hoyvíking, tá ið Eysturoy- ingur á Trongisvágsfirði róði uppvísningsróður. Men tað var eingin ivi um, hvør fór at vinna. Kappingin ímillum teir báðar fremstu bátarnar á Varmakeldu fyri tveimum árum síðani er næstan vorðin tiltikin. Ta ferðina fór Nólsoyingur fyrri undir endaspurtin enn guli báturin, og tað eydnaðist nólsoyingum at taka seg eitt vet framum, áðrenn teir umborð á Eysturoyingi setti føtur í bekk og vunnu. Hesa ferð var gongdin tann sama. Nólsoyingur fór eitt sindur fyrri undir endaspurtin. Hann tók seg nakað fram, men tað eydnaðist honum ikki at hótta Eysturoyingin. Havn- arbáturin og Hoyvíkingur vóru meiri enn tvær báts- longdir aftanfyri Nólsoy- ingin. Kappingin ímillum teir báðar var so mikið tøtt, at tað - hóast digitala og framkomna útgerð - ikki bar til at taka dagar ímill- um, hvør at teimum var fremri. Tí fingu bæði Havnarbáturin og Hoy- víkingur triðja plássið og harvið fýra stig í part. Vág- bingur var hesa ferð hálva bátslongd frá triðja plássin- um, meðan Skálabáturin væl og virðiliga helt seg á sætta plássinum. Tað vóru fín róðrarlíkindi í Fuglafirði leygardagin. Tá ið fasti starturin varð fluttur av 1000 metrum og út á 1500 metrar, hevði vindur- in hug at vaksa eitt sindur. Hann var undan, og harvið vóru fyritreytirnar fyri góðum tíðum betri, enn tær ofta hava verið. Eysturoyingurin setti nýtt Varmakeldumet leygar- dagin. Tíðin var 8.42.12. So góða tíð hevur einki 10- mannafar nakrantíð havt á Fuglafirði. Metið framm- anundan stavaði - sambært fínu hagtølunum á heima- síðuni drekin.fo - frá 1999. Ta ferðina var vinnaratíðin 8.51.02, og eisini ta ferðina var Eysturoyingur, sum vann allar róðrarnar og har- við FM, bestur. Eisini Nólsoyingur megnaði hesa ferð at gera av við gamla metið. Tíðin hjá honum var 8.44.20 ella næstan sjey sekund betri, enn gamla metið frá 1999 var. Úrslit 1 Eysturoyingur 08:42.12 2 Nólsoyingurin 08:44.00 3 Havnarbáturin 08:52.11 4 Hoyvíkingur 08:52.11 5 Vágbingur 08:55.03 6 Skálabáturin 09:00.14 HR manningin vinn- ur hvørja ferð, og tá ið allir hinir bátarnir taka frá hvørjum øðrum er lítil ivi um, hvørja kós FM heitið hevur 5-MANNAFØR KVINNUR Jóannes Hansen Tað er eingin ivi. Fyrsta meistaraheitið í nýggju kappingini millum 5- mannafør við kvinnum, fer at enda í Havnar Róðrar- felag. Tað syrgja kvinn- urnar umborð á Sílinum fyri. Tær hava verið sannfør- andi vinnarar í øllum fýra kappingunum, sum higartil hava verið. Og tá ið hinir bátarnir taka stig frá hvørj- um øðrum, so skal rættu- liga nógv til, um Sílið nú skal missa fremsta plássið. Sílið hevur fult stigatal - 28. Blikur er næstfremstur við 18 stigum, og so er stórt glopp aftur til Fípuna Føgru og Frúnna, sum hava 12 stig. Á Jóansøku endaði Frúgvin, ið var merkt av skaðanum, sum báturin fekk stutt undan róðrinum, sum nummar fýra. Ta ferð- ina var Miðvágs báturin níggju sekund aftanfyri Sílið. Hesa ferð var Sílið aftur fremst, men nú var munur- in aftur til Frúnna tvey sekund ella minni enn ein bátslongd. Fjarstøðan frá Frúnni og aftur til Blik var minni enn hálv bátslongd, og Firvaldur megnaði við fjórða plássinum at vinna bestu endastøðuna í ár. Merkisvert var tað eisini, at róðrartíðin hjá Sílinum hesa ferð var meiri enn 38 sekund styttri, enn hon var tað á Jóansøku. Hesa ferð var ættin undan, meðan hon á Jóansøku var ímóti. Úrslit 1 Sílið 05:10.01 2 Frúgvin 05:12.03 3 Blikur 05:13.16 4 Firvaldur 05:14.14 5 Fípan Fagra 05:15.19 6 Drekin 05:16.14 7 Ørnin 05:19.09 8 Ritan 05:20.02 9 Royndin Fríða 05:22.08 10 Junkarin 05:28.13 11 Falkur 05:42.0 Sílið svimur fyri seg sjálvt Við triðja sigrinum av fýra møguligum hevur manningin á Eysturoyingi nú sett beina kós móti FM-heitinum Mynd: Álvur Haraldsen