fríggjadagur 8. juli 2005síða 20

20 Nr. 128 - 8. juli 2005 Áhugin fyri motorsúkklum og prutlum í Føroyum er støðugt vaksandi, og fyribrigdið Road Racing vinnur seg alsamt fram her á landi. Farna vikuskifti var kappast í Miðvági. ROAD RACING Terji Nielsen terji@sosialurin.fo Kappingin í Road Racing leygardagin var fyri prutl, sum hava í mesta lagi 50 kubikk. Kappast var í trimum bólkum - senior, old boys og kvinnur. Agnar er í serflokki Í Miðvági var enn einaferð staðfest, at Agnar Dahl er í serflokki, tá ið tað kemur til kappkoyring her á landi. Hetta var triðja Road Racing kappingin í ár, og Agnar vann fyri triðju ferð á rað. Óalmenn kapping um føroyameistaraheitið í Road Racing var eisini í fjør, og tá vóru fimm kapp- ingar á skránni. Tá vann Agnar allar fimm kapping- arnar, og alt bendir á, at hann ætlar at endurtaka bragdið í ár. Kenneth Joensen gjørdist nummar tvey leygardagin, meðan yngri bróður Agnar, Rúni Dahl, gjørdist numm- ar trý. Á samlaðu stigatalv- uni liggur Rúni tó framman fyri Kenneth Joensen, men langt er upp til Agnar Dahl í oddinum. Sera tætt hjá teimum gomlu Fimm mans vóru við í kappingini hjá Old Boys, og kappingin var rættuliga spennandi. Tá ið avtornaði var tað tó Hans M. Danielsen, ið fór avstað við sigrinum, meðan Anfinn við Hálsagarð og Jonny Thomassen komu á næstu plássunum. Í samlaðu FM-kappingini er sera tætt millum fýra teir fremstu, og tí er einki avgjørt enn. Kartin Mikkel- sen er á odda við 54 stig- um, men bara fimm stig eru niður til Jonny Thomassen á fjórðaplássinum. Lítil spenningur hjá kvinnunum Undirtøkan millum kvinn- urnar er ikki eins góð hjá monnunum, men fýra kvinnur vóru so við í Road Racing kappingini í Mið- vági leygardagin. Enn eina- ferð staðfesti Gurry Carls- dóttir, at tað liggur sera væl fyri hjá henni. Hon vann kappingina trygt, og harvið hevur hon vunnið allar tríggjar kappingarnar í ár. Maika Dahl gjørdist nummar tvey, meðan Conny Thomassen gjørdist nummar trý, og Barbara Husgaard nummar fýra. Heilt fimm av fólki høvdu lagt leiðina framvið økinum í Miðvági, har koyrt var, og tað tykist sum um áhugin fyri hesari kapp- ingargrein er vaksandi í Føroyum. Onkur av teim- um føroysku koyrarunum hevur eisini verið í Dan- mark og tikið lut í kapping- um har. Føroysku kappkoyrarar- nir hava søkt myndug- leikarnar um eitt øki, har teir regluliga kunnu fáast við hesa ítrótt, men tað hevur enn ikki eydnast teimum at fáa ávíst eitt stað frá myndugleikunum. Road Racing stigatalvur Senior: Navn: Stig: 1. Agnar Dahl 75 2. Rúni Dahl 48 3. Heini Guttesen 46 4. Kenneth Joensen 40 5. Allan Joensen 32 6. Rói Poulsen 19 7. Jákup Berg 16 8. Tórolvur Samuelsen 11 9. Anfinn við Hálsagarð 11 Old Boys: Navn: Stig: 1. Kartin Mikkelsen 54 2. Anfinn við Hálsagarð 53 3. Hans M. Danielsen 50 4. Jonny Thomassen 49 5. Bjarni Poulsen 27 Kvinnur: Navn: Stig: 1. Gurry Carlsdóttir 75 2. Conny Thomassen 45 3. Maika Dahl 40 4. Birita Ellevang 36 5. Birita Bláhamar 13 6. Barbara Husgaard 13 Úrslit frá Road Racing í Miðvági Senior: 1. Agnar Dahl (Aprilia) 2. Kenneth Joensen (Aprilia) 3. Rúni Dahl (Aprilia) 4. Heini Guttesen (Derbi) 5. Anfinn við Hálsagarð (Aprilia) 6. Allan Joensen (Aprilia) 7. Rói Poulsen (Peugeot) 8. Jákup Berg (Peugeot) Old Boys: 1. Hans M. Danielsen (Aprilia) 2. Anfinn við Hálsagarð (Aprilia) 3. Jonny Thomassen (Aprilia) 4. Kartin Mikkelsen (Aprilia) 5. Bjarni Poulsen (Peugeot) Kvinnur: 1. Gurry Carlsdóttir (Aprilia) 2. Maika Dahl (Aprilia) 3. Conny Thomassen (Aprilia) 4. Barbara Husgaard Ein deymur av bensini og brendum gummi Agnar Dahl prógvaði leygardagin enn einaferð, at hann er nógv tann besti føroyingurin á tveimum hjólum. Hann vann allar kappingarnar í fjør, og hann hevur eisini vunnið allar higartil í ár. Mynd: Jens Kr. Vang Tað var sum í útlondunum, tá ið Road Racing kappingin fór av bakkastakki í Miðvági leygardagin. Allar súkklurnar stóðu klárar og bíðaðu eftir, at starturin skuldi fara. Mynd: Jens Kr. Vang