týsdagur 12. juli 2005síða 3

Nr. 130 - 12. juli 2005 3 Álitismaðurin hjá SEV, Hjalmar N. Poul- sen, vísir staðiliga uppáhaldinum hjá landsstýrismannum í fíggjarmálinum aftur um, at maskinmeist- ararnir hjá SEV fáa 40% meir í løn enn ein maskinmeistari fær í miðal aðra- staðni. Hann heldur hinvegin, at teir hava verið undirbetaltir seinastu 11 árini ÓNØGD Páll Holm Johannesen pall@sosialurin.fo Tað skortar ikki við nei- ligum lýsingarorðum, tá Hjalmar N. Poulsen verður biðin at lýsa framferðina hjá landsstýrismanninum, Bárði Nielsen, í málinum um sáttmálaósemjuna mill- um Maskinmeistarafelagið og SEV. Hjalmar N. Poulsen er maskinmeistari hjá SEV á vatnorkuverkinum í Vest- manna, og hann hevur starvast á SEV síðan 1973. Seinastu vikurnar hevur Hjalmar N. Poulsen, ið eis- ini er álitismaður hjá SEV, skrivað fleiri hvassorðað lesarabrøv, har hann hevur viðgjørt ósemjuna millum SEV og Maskinmeistara- felagið. Seinasta lesarabrævið hjá Hjalmari snýr seg um við- merkingarnar hjá lands- stýrismanninum í fíggjar- málum á løgtingsins røðara- palli mikudagin, tá Bárður Nielsen vildi vera við, at SEV rindar sínum maskin- meistaraum 40 % hægri í løn enn ein miðal maskin- meistari fær aðrastaðni. Hjalmar N. Poulsen vísir staðiliga uppáhaldinum hjá Bárði Nielsen aftur. Burturvið Í Sosialinum í dag ber til at lesa eitt lesarabræv frá Hjalmari N. Poulsen, har hann staðiliga vísir aftur uppáhaldinum hjá lands- stýrismanninum. Í lesara- brævinum skrivar hann: - Pástandur hansara bygdi, sum skilst, á, at við- bøtur og yvirtíðsútgjald- ingar vóru órímuliga høgar í mun til aðrar sáttmálar av slíkum slag. Út frá hesum sjónarmiði, væl at merkja, um hetta er satt, kann mann einaferð aftur ásanna, at maðurin er rættiliga óseri- øsur. Hjalmar N. Poulsen vísir á, at arbeiðið hjá maskin- meistarunum er rættiliga krevjandi, og at stórur part- ur av arbeiðnum er uttan- fyri vanliga arbeiðstíð. - Uttan mun til um tað er ólavssøka, páskir, jól ella nýggjár, so eru vit noyddir at vera til arbeiðis. Tað er ein rúgva av tímum, sum liggja uttanfyri vanligu ar- beiðstíðina, og sjálvandi skulu vit hava nakrar krón- ur afturfyri tað. Nakað heilt annað er tað, at tað, vit fáa fyri yvirtíðina, eru látur-lig- ar upphæddir, sigur hann. Hjalmar N. Poulsen heldur, at Bárður Nielsen beinleiðis villeiddi løg- tingið mikudagin, tá hann segði, at SEV rindar sínum maskinmeistarum 40% meir í løn enn ein maskin- meistari fær aðrastaðni. - Tað er fullkomiliga burturvið, at landsstýris- maðurin ger viðbøtur og mistan verkfalsrætt upp í prosentum, tí tað kann ikki gerast upp í prosentum. Hann tekur púra ókritiskt nøkur tøl úr leysari luft, og leggur tey afturat okkara sáttmála. Tað ber snøgt sagt ikki til at rokna okkara grundløn eftir, hvat vit fáa í yvirtíð, vísir hann á. Hjalmar N. Poulsen undrast stórliga á, hví eing- in í løgtinginum talaði at, tá landsstýrismaðurin vildi vera við, at lønirnar hjá maskinmeistarunum vóru hægri enn hjá restini av maskinmeistarunum. Lønargjógv Í farnu viku kom fram í ljósmála, at grundlønin hjá maskinmeistararnir hjá SEV er millum 8-12% lægri enn hjá øðrum mask- inmeistarum í landinum. - Í 1994 játtaðu vit at fara niður við 8,7 % í løn, tí bú- skaparstøðan var so hættislig. Vit fingu tá lov- að, at lønarmunurin skuldi javnast út aftur, tá betri tíðir komu, men hetta er ong- antíð hent. Seinastu 11 árini hava vit verið undir- betaltir, og teir skylda okkum løn síðan 1994, og nú er tolið uppi, sigur álitismaðurin hjá SEV. Hann heldur, at Maskin- meistarafelagið sanniliga hevur víst samfelagsinni, og í nógv ár hildið aftur í lønarsamráðingum, men nú er ovboðið. - Vit hava verið undirbetaltir seinastu 11 árini Vit royndu fyrrapartin at fáa orðið á lands- stýrismannin í fíggjar- málum, Bárð Nielsen, til eina viðmerking, men tað eydnaðist okkum tíverri ikki. -Tað er fullkomiliga burturvið, at landsstýrismaðurin ger viðbøtur og mistan verkfalsrætt upp í prosentum, tí tað kann ikki gerast upp í prosentum, sigur Hjalmar N. Poulsen Mynd: Álvur Haraldsen So nógv hevði tað kostað SEV Sáttmálin, sum Løgtingið at enda vrakaði, men sum partarnir vórðu samdir um, fevndi um eina lønarhækking upp á 3,625 % yvir tvey ár og fimm mánaðir. Jón Danielsen, fíggjarleiðari hjá SEV, upplýsir, at hetta hevði svarað til eina útreiðsluøking upp á 650,000 krónur yvir tvey ár og fimm mánaðir. Men ístaðin lóggav Løgtingið, at gamli sáttmálin skuldi leingjast fram til 1. desember, og tískil økjast lønarútreiðslurnar til maskinmeistararnar hjá SEV ikki fram til 1. desember. Perspektiv Um 650,000 krónur yvir tvey ár og fimm mánaðir ikki verða brúktar til lønarútreiðslur, men til lækking av el- prísunum, so kundi SEV lækka prísin við 0.3 oyrum per kilo-watt-tíma yvir tvey ár og fimm mánaðir, upplýsir Jón Danielsen, fíggjarleiðari hjá SEV. - hkm