týsdagur 12. juli 2005síða 10

Tórshavnar Býráð hevur sent soljóðandi samhugafjarrit til íbúgvarnar í London í sambandi við yvir- gangin har í farnu viku: Ken Livingstone Mayor of London Greater London Authority City Hall The Queen's Walk London SE1 2AA On behalf of the Munici- pality of Torshavn, capital of the Faroe Islands, I wish to offer our heartfelt sym- pathy to the people of London after the horrific events of yesterday. Even though we are close neighbours, we cannot beg- in to imagine the pain and suffering caused by these cowardly attacks and our thoughts are with the families of the victims and with the injured. We are extremely grate- ful for your determination not to give in to terrorism or to let terrorists change our way of life. Yours sincerely Heðin Mortensen Mayor of Tórshavn 10 Nr. 130 - 12. juli 2005 Leygarkvøldið vórðu 11. Oyggjaleikirnir settir í het- lendska høvuðsstaðnum Lerwick. Ikki færri enn 24 ym- sar oyggjar eru við í leikunum hesaferð, og tað má sig- ast at vera einki minni enn eitt bragd, at tað hevur eydn- ast at savna so nógvar oyggjar til slíkar ítróttarleikir. Føroyar eru við í Oyggjaleikunum við nærum hálv- tannað hundrað luttakarum. Lat okkum alt fyri eitt ynskja føroysku luttakarunum góða eydnu, góða kapp- ing og gott vinarlag. Sjálvandi vóna bæði okkara lut- takarar og øll tey mongu, sum fylgja við leikunum, at Føroyar fara at standa seg væl. Tað er sera hugaligt at vita sær, at tað hevur eydnast at menna leikirnar ár undan ári við fleiri luttakandi oyggj- um og eisini nýggjum ítróttargreinum. Vit eru so von við bara at vera eygleiðarar til stórar al- tjóða ítróttarleikir sum nú Olympisku leikirnar. Uttan at nakran hátt at undirmeta teir leikirnar, so má tó sigast, at Oyggjaleikirnir fyri okkum føroyingar hava sera stórt virði, tí umframt at geva ungfólki møguleika at dystast á vølli og fáa upplivingar og vinfólk, so eru hesir leikir eisini við til at byggja brýr millum oyggjalond og oyggjatjóðir nær og fjar. Tann sannroynd at ikki færri enn hálvthundrað bátar eru farnir úr Føroyum til Hetlands at uppliva leikirnar og stuðla okkara fólkum er prógv um tann breiða týdning, sum leikirnar hava. Leikirnir geva okkum høvi til at uppliva mentanina hjá hvørjum øðrum. Teir kunnu eisini vera ein náttúrligur pallur fyri at víðka handilsligt og vinnuligt samstarv. At bæði løgmaður og borgarstjórin í høvuðstaðnum eru við á leikunum gevur boð um, at her er eisini talan um annað enn kapping á vølli. Tað snýr seg so sanniliga eisini um at knýta bond av ymsum slag. Tað fólksliga og mentanarliga innihaldið, sum leikirnir eisini leggja upp til, er nakað, sum vit eiga at meta høgt og hjúkla um. Hetta at okkara ungdómur kemur út um landoddarnar at royna seg í kapping er sera gott, tí tað gevur eisini sama ungdómi atgongd til so mong onnur lívsvirði, her ikki minst at læra onnur fólk og aðrar mentanir at kenna. Úrslitið av tí kann gerast virðing fyri og tolsemi við fólk, sum kanska ikki hugsa eins og vit og bera seg at eins og vit. Latið tí Oyggjaleikirnar umframt at vera ítróttarkapp- ing við øllum tí góða, sum hon hevur við sær, eisini vera eitt mennandi og sambindandi lið millum fólk og oyggjatjóðir. Tað skal vera okkara vón, at øll okkara ungu fólk koma heimaftur í øllum góðum og við nógv- um heiðursmerkjum. Eisini Sosialurin er við til Oyggjaleikirnar við ikki færri enn tveimum journalist- um og einum fotografi. Vónandi fara okkara lesarar at fáa nógvar áhugaverdar og spennandi upplivingar gjøgnum okkara dekning av leikunum komandi vik- una. Góðar Oyggjaleikir øll somul. DAGSINS MEINING Sosialurin Oyggjaleikir byggja brýr millum oyggjalond VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Finnbjørg Nattestad finnbjorg@sosialurin.fo Gudny Langgaard gudny@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jaspur Vang. Sum steinur oman á byrðu verða sárbar- astu økini í landinum ferð eftir ferð løgd lamin av verkføllum. Seinasta "krígsav- bjóðingin" frá for- manni starvsmanna- felagsins við hóttan- um um truplar sátt- málasamráðingar nú til heystar, eigur tí at verða tikin í álvara. Landsstýrið og/ella løgtingið mugu taka ábyrgd og her og nú fáa ein enda á aftur- vendandi gíðslatøk- uni av suðuroyingum og sandoyingum. Eins og í londunum uttan um okkum verja føroysku fakfeløgini vunnin rættindi og stríðast fyri sømdum, tey meta seg hava rætt til. Hett- ar eru sjálvsøgt rættindi arbeiðstakaranna í einum framkomnum samfelag sum okkara - tí alt gott um tað. Munurin á arbeiðsmarknað- inum í Føroyum og øðrum arbeiðsmarknaðum er tó tann, at landspartar í lond- unum uttan um okkum ikki verða lagdir lamnir í tíð og ótíð vegna ósemjur á arbeiðsmarknaðinum. Við størstu virðing fyri frælsa samráðingarrættin- um, eigur tað tó ikki at vera soleiðis, at suðuroy- ingar og sandoyingar skulu svíða fyri, at partarnir á føroyska arbeiðsmarknaðinum ikki hava megnað at menna eina tíðarhóskandi samráðingar- tilgongd. "Krígsavbjóðing" eigur at fáa fylgjur. Formaðurin í Starvsmanna- felagnum sendi tann 7. juli 2005 Fíggjarmálastýrinum eina "krígsavbjóðing" í fjølmiðlunum, eins og hann boðaði frá, at lønarsamráð- ingarnar komandi heyst verða truplar. Tí hava suðuroyingar og sandoyingar krav uppá, at landsstýrið - og um neyð- ugt løgtingið taka mátt- mikla fakfelagið í álvara og beinan vegin bera soleiðis í bandi, at strandsfaraskipini í neyðugan mun verða mannað við tænastumonn- um, ella starvsfólki, sett í starv við tænastumanna- líknandi treytum. Líknandi skipan tryggjar m.a. flog- ferðsluna um flogvøllin í Vágum og er tí einki skeivt í at taka tílík stig. Nevnast kann, at tey ein- ans 18 starvsfólkini umborð á "Smyrli" eru umboðað av í minsta lagi 5 ymiskum fak- feløgum. Undir verandi um- støðum kunnu Suðuroying- ar tískil síggja fram til, at "Smyril" í minsta lagi verð- ur verkfallsraktur 5 ferðir komandi heyst. Í skrivandi stund er tað eisini ivasamt, hvørt semja er um manning- arviðurskiftini umborð á nýggja "Smyrli". Kemur nýggji "Smyril" soleiðis ikki í sigling sum ætlað, er skommin fullkomin. Vinnan bløðir Í Suðuroynni og í Sand- oynni, har arbeiðsloysið framman undan er størst í landinum, verður fiskivinn- an á landi, sum framman undan stríðist fyri at yvir- liva sum vinna, løgd lamin hvørja ferð strandsfaraskip- ini verða verkfallsrakt. Aðrar vinnur í hesum oyggjum verða samstundis tarnaðar í sínum virksemi, eins og einstaki suðuroy- ingurin og sandoyingurin verður forðaður í sínum dagliga virki. Øll minnast vit, hvussu fiskivinnan á landi lá í skeljasori eftir seinasta langa verkfallið. Tí hevur vinnan í Suður- oynni og Sandoynni ikki tíð - ella ráð til at bíða eftir at partarnir á arbeiðsmarkn- aðinum finna fram til - og byggja upp eina meira framkomna samráðingartil- gongd. Vandamikið - men so ómakaleyst og høgligt Tað tykist, sum um tað fyri eitt nú Starvsmannafelagið er so høgligt og ómakaleyst at lemja teir partar av land- inum, har bert ein viðfán- ingur av limum felagsins búgva. Úrslitið er, at ferð- slan partvís - og nærum ótarnað verður avgreidd av mangan óroyndum fólki, sum antin av vælvild, ella fyri vinning átaka sær at flyta fólk millum oyggjar- nar. Ferðafólk verða soleið- is flutt millum oyggjarnar undir mangan vandamikl- um umstøðum - serstakliga um Suðuroyarfjørð. Bæði fakfeløg og landspolitiski myndugleikin hava ábyrgd av óskipaða og til tíðir lívs- hættisliga ferðafólka- flutn- inginum. At enda At undanfarna samgonga, hóast lyfti um tað, ikki megnaði at tryggja suðuroy- ingum og sandoy- ingum "lívæðrina" til meginlandið, eigur at vera ein avbjóðing fyri sitandi samgongu og eitt høvi hjá sitandi løg- manni og harvið sam- gonguni at halda eitt av lyft- um sínum til suðuroyingar. Afturvendandi gíðslatøkan av suðuroyingum og sandoyingum má fáa ein enda Samhugafjarrit við offrini í London