hósdagur 14. juli 2005síða 12

12 Nr. 132 - 14. juli 2005 Sosialurin í Hetlandi Jákup Mørk, Eyðun Klakstein, Jens Kristian Vang, blaðmaður blaðmaður myndamaður jakup@sosialurin.fo eydun@sosialurin.fo jensk@sosialurin.fo Misti yvirblikki Lerwick: - Eg haldi, at yvirblikki var ikki í lagi hasa løtuna. Eg liggi fremstur í feltinum, og so koma tríggir aftaní- frá. Tá eg síggi, hvat er hent, er eitt hol longu komið, og tað hevði kostað sera nógvir kreft- ir, um eg skuldi roynt at lukka tað. Soleiðis staðfesti Bogi Lenvig, tá vit eftir renningina á 5.000 metrum fingu orðið á hann. Renningin háttaði seg soleiðis, at tríggir renn- arar stungu av eftir fyrsta triðingin, og hesar fekk Bogi ongantíð aftur. At hann kortini hevði nakað eftir í sær, prógvaði hann væl og virðiliga á sein- astu rundini, tá hann yvir hálvan umgang spurtaði seg sannførandi inn á fjórða plássið. Men nøgdur var hann kortini ikki. Ikki minst, tí hann við hesum ikki megnaði at verja bronsuna, sum hann vann á Guernsey fyri tveimum árum síðani. Tíðin, sum verður runnin, er annars ikki so ræðandi, og hevði eg runnið rætt, so kundi eg væl verið við. So nøgd- ur eri eg avgjørt ikki, staðfesti Bogi Lenvig at enda. Sam Vang tók eisini lut. Hann gjørdist næst aftastur av luttakarun- um. -jm Ein løta uttan yvirblikk kostaði týdningarmikil fet, tá Bogi Lenvig týsdagin gjørdist nummar fýra á 5.00 metrum Mynd: Jens Kristian Badmintonspælarar- nir hava fingið besta úrslitið nakrantíð í einstaklingakappingi ni. Aksel Poulsen kom í finaluna eftir teir mongu dystirnar týsdagin, og Ragnar Rasmussen hevur vunnið bronsu. Fríggjadagin skal Aksel spæla um gullið BADMINTON Eyðun/Jens Kr. eydun@sosialurin.fo Lerwick: Føroyar hava nógvar góðar badminton- spælarar í løtuni, og tað sæst eisini aftur á Oyggja- leikunum. Týsdagin var kappingin í einmansleiki, og her gekk væl hjá føroysku monnun- um. Bæði Ragnar Rasmussen og Aksel Poulsen komu í hálvfinalurnar, og har spældu teir báðir spennandi dystir. Ragnar Rasmussen spældi ímóti tí væl upp- lagda grønlendska spælar- anum, Bror Madsen, og føroyski spælarin var við undirlutan. Bror Madsen vann 15-6 og 15-7. Longu í 1/8 finaluni royndi Bjartur Lamhauge seg ímóti Bror Madsen, og hann noyddist eisini at lúta. Aksel gjørdi bart Í hinari hálvfinaluni hittust Aksel Poulsen og Ben Martin av Guernsey, og her eydnaðist tað Aksel at vinna dystin 2-0. Settini endaðu 15-14 og 15-9. Ben Martin hevði fyrr í kappingini sent Erland Poulsen, beiggja Aksel, úr kappingini, men Aksel fekk hevnt tapið í hálvfinaluni. Fríggjadagin spæla Aksel Poulsen og Bror Madsen í finaluni, og tá verður spennandi at vita, um Aksel kann fara allan vegin og vinna fyrsta føroyska gullið í einmansleiki í badminton á Oyggjaleikum. Longu nú er tað greitt, at føroyska úrslitið í einmans- leikinum er tað besta nakrantíð. Ein bronsa er tryggjað, og Aksel Poulsen vinnur antin gull ella silvur. Meðan bíðað verður eftir finaluni, kunnu Aksel og hinir føroysku badmintons- spælararnir stytta sær um stundir við tvímansleiki og blandaðum tvímansleiki. Vilja kempa fyri Oyggjaleikum Lerwick: Føroysku badmintonsspælararnir vóru vónbrotnir, tá ið tíðindini bórust um, at badminton verður ikki við á Oyggjaleikunum á Rhodos um tvey ár. – Um vit ikki hava Oyggjaleikirnar at stíla eftir, so rokni eg við, at tað fer at ávirka hugin at venja. Oyggjaleikirnir hav a verið við til at styrkt munandi um føroyskt badminton, sigur Bjartur Lamhauge, ein av føroysku spælarunum á Oyggjaleikunum. Tað hoyrist, at tey, sum varða av badminton á teimum ymsu oyggjunum, sum eru við til Oyggjaleikir, ætla at gera eina seinastu roynd fyri at fáa badminton við á Rhodos í 2007. – Um vit ikki sleppa við til Oyggjaleikirnar næstu ferð, so er ein møguleiki at skipa fyri einari kapping millumtær oyggjarnar, sum plaga at luttaka í badminton, sigur Bjartur Lamhauge. ek Aksel streyk í finaluna Aksel Poulsen spældi seg týsdagin í finaluna í einmansleikinum í badminton