fríggjadagur 15. juli 2005síða 7

Nr. 133 - 15. juli 2005 7 Føroya manningin hjá fólkatinginum ætlar sær til Føroya VITJAN Heri á Rógvi heri@sosialurin.fo Tey útvaldu í serligu Føroya nevndini hjá fólka- tinginum koma til Føroya í august. Vitjanin verður í døgunum 16. til 18. august. Føroya nevndin plagar at vitja í Føroyum við jøvnum millumbili. Nevndin var seinast í Føroyum fyri tveimum árum síðani, men nevndin hevur ikki verið í Føroyum, síðani hon varð mannað av nýggjum eftir seinasta fólkatingsval. Nevndin kallast 21- manna nevndin viðvíkjandi Føroyum, men Atlantic Airways fær neyvan ein ordra upp á einogtjúgu ferðaseðlar frá ferðaskriv- stovuni hjá fólkatinginum. Fleiri fólkatingsnevndir eru á ferð um hetta mundið, og fólkatingslimir eru oftani limir í meira enn bert tí einu nevndini. Tað er Ríkisumboðið, ið fyriskipar ferðina. Vit hava ikki kunnað fingið upp- spurt skránna, ella hvør kemur við. À vitjanini fyri tveimum árum síðani kunn- aði nevndin seg um føroysk viðurskifti, m.a. á fundum við løgtingsfólk, landsstýr- isfólk og umboð fyri vinnu- lívið. Fleiri av limunum tá høvdu ikki verið í Føroyum áður. Eingin politisk avgerð varð tikin á túrinum, men vitjanin var meira kunnandi og óhátíðarlig. Føroyanevndin er mann- að við umboðum úr Kon- servativ Folkeparti, Venstre, Socialdemokratiet, Det Radikale Venstre, Enhedslisten, Socialistisk Folkeparti, Dansk Folke- parti og Høgni Hoydal úr Tjóðveldisflokkinum er eisini limur í nevndini. Pia Larsen úr Venstre er for- maður, og Frank Jensen úr Socialdemokratiet er næstformaður. Skipara- og navigatørfelagið ætlar ikki at tiga um tilburðin, tá Norrøna sigldi á land TRÆTA Heri á Rógvi heri@sosialurin.fo Ólavur Hóvsgarð og han- sara fakfelag, Skipara- og navigatørfelagið, latið ikki málið um óhappið hjá Nor- rønu liggja. Málið byrjaði 15. januar 2004, og tað endar eftir øllum at døma ikki enn, hóast Fiskimála- ráðið ikki ætlar at gera meira við málið. – Eg eri ikki nøgdur, men eg haldi meg til felagið og latið felagið føra sakina, sigur Òlavur Hóvsgarð sum tað einastu viðmerkingina til Sosialin. Ellintur Abrahamasen, formaður fyri Skipara- og navigatørfelagið, sær tríggjar møguleikar fyri sær: At klaga um málsvið- gerðina til løgtingsins um- boðsmann, eitt rættarmál ella at fáa landsstýrið at seta ein óheftan stovn at gera eina meting. – Tað síðsta orðið frá okkum er neyvan sagt enn, sigur Ellintur Abrahamsen. Kjarnin í málinum fyri Skipara- og navigatør fel- agnum er spurningur um, hvørt Òlavur Hóvsgarð gjørdi tey mistøk, ið frá- greiðingin hjá Skipaeftir- litinum staðfestir. Roknað verður við, at Skipara- og navigatørfelag- ið fer at taka eina støðu í komandi viku. Leygarkvøldið tann 16. juli fer stóra finalan í Ársins Songrødd 2005 av bakkastokki í Mentanarhúsinum í Fuglafirði. Í sam- bandi við finaluna verður skipa fyri hip hop nátt í Fuglafirði Niels Uni Dam nielsuni@sosialurin.fo Tiltakið byrjar klokkan 23.30, og lagt er upp til eina spennandi finalu við sera góðum røddum og framførslum hjá teimum 5 finalistunum, sum nú skulu kappast um heitið sum besta føroyska røddin í ár. Hetta er ikki eitt heitið uttan týdning, tí áður hava kend nøvn, sum Eivør Pállsdóttir, Guðrun S. Jacobsen, James Olsen, Malan Eyðuns- dóttir og Sólva Ford vunnið sama heiður. Vónandi kann Ársins Songrødd aftur í ár verða ein lopfjøl hjá luttak-ar- unum út á yrkistónleika- pallin, eins og kappingin hevur verið tað so mang- an fyrr. Seks finalistar hava sungið seg til finaluna, og eru tey: Eydna av Fløtum, Hilda Kjølbro, Nicolina M. Midjord, Evi Halsdóttir, Hedavik N. Jespersen og Jóannes Lamhauge. Ragnhild Ellingsgaard, sum vit kenna frá ymsum sendingum hjá Útvarpi Føroya, verður frásøgu- fólk undir kappingini, meðan Elin í Stórustovu skipar fyri hip-hop nátt í Mentanarhúsnum. Har verður hip hop diskotek. Eisini koma J´z (Julian & Jacob) at rappa, »B´n´ W -Crew« fara at dansa hip hop, og so fara teir báðir funky hip-hop handlarnir X-Size & Basics hava street-móta- show. Í sambandi við tiltakið koyra bussar til og frá Mentanarhúsinum. Vilt tú vita meira um hesa bussarnar, so ring á tel 21 77 52 (Vestmanna/- Vágar), 21 64 64 (Tórs- havn) ella 50 52 20 (Eysturoy). Your song, Sorry seems to be the hardest word, Cro- codile rock, Candle in the wind og øll hini hittini hjá Elton John kunnu fríggjakvøldið upplivast í Rex Culture Club, og hóast talan ikki er um Elton John sjálvan, so hevur sangarin í Elton John Jam langt síð- an sligið sítt navn fast, sum tann føroyski Elton John. Tá Kim Hansen í byrjanini av 90’unum fyrstu ferð gjørdi um seg á føroyska tónleikapallinum, við bólk- unum Jóannes og co. og seinni Kim og co., átti Elton John altíð stóran lut í skránni. Tá Princess Diana doyði, spældi Kim sína egnu tolking av umskrivingini av Candle in the wind í útvarpinum, áðrenn Elton John hevði framført lagið. Hetta gjørdist eitt verulig útvarpshit í Føroyum. Nú stendur Kim so á odda í Elton John Jam, og aftan fyri honum standa hinir í Showmonnum. nud Tíðindaskriv Leygarkvøldið 16. juli kl. 19.00 verður áhugavert mentanartiltak á Støðni í Rituvík (Eystara lending- in). Á mentanartiltakinum luttaka m.a. Rúni Bratta- berg, kona hansara Susanne og Kór Glyvra Kirkju. Eisini verður felagssangur og Dánjal Petur Højgaard heldur røðu. Borgarstjórin í Runavíkar kommunu, Rod- mundur Nielsen, bjóðar vælkomin. Møguleiki verður at keypa sær mat, ið verður grillaður á staðnum. Klokkan 21.00 kunnu tey, ið hava hug, fara til gongu eftir varðagøtuni úr Rituvík til Lambar. Við gróthúsini verður støðga á til eina hugnaløtu við sangi og søgum. Komin til Lambar verður suppa at fáa í skúlanum. Øll eru vælkomin ! Føroya nevndin til Føroya Kim »Elton John« Hansen í Rex Finalan í Ársins Songrødd 2005 Síðsta orðið er neyvan sagt Mentanartiltak á Støðni í Rituvík Pia Larsen er enn sum áður formaður fyri 21-manna nevndina hjá fólkatinginum Mynd: Jens Kristian Vang. Norrøna rendi á land 15. januar 2004. Síðsta orðið í málinum er sagt enn. Mynd: Jens Kristian Vang