leygardagur 16. juli 2005síða 24

24 Nr. 134 - 16. juli 2005 Í fimm út av sjey róðrum kunnu før- oyameistarheitini av- gerast í dag, tá kapp- róðurin á Vestan- stevnu í Miðvági verður. Hetta er somuleiðis fyrstu ferð, at róð verður í einari øðrvísi rað- fylgju enn vanligt KAPPRÓÐUR Solby A. Eliasen solby@sosialurin.fo Sílið við kvinnum, Jarn- bardur við kvinnum, Gongurólvur við monnum, Nevið Reyða og Eysturoy- ingur kunnu í dag tryggja sær føroyameistaraheitið 2005 í kappróðri. Hesar manningarnar liggja so mikið væl fyri í kappingini, at ein sigur á Vestanstevnu er nóg mikið. Hjá onkrum av manningunum er ikki ein gongd ein sigur treytin fyri at føroyameistaraheitið skal vera í hús. Hetta tekur kanska brodd- in av spenninginum í teim- um oman fyri nevndu kapp- ingunum, men kortini er tað altíð spennandi at fylgja við, um tað nú fer at eydnast. Tí óvæntað úrslit kunnu koma fyri. Tað máttu kvinnurnar á Sílinum ásanna á Fjarða- stevnu, tá tær komu á málið sum nummar tvey. Somu- leiðis hevur Riddarin hótt kvinnurnar á Jarnbardi nakað tvær tær undanfarnu stevnurnar, og nú verða tær á heimasjógvi. Men hartil skal tó sigast, at kvinnurnar á Jarnbardi hvørjaferð hava vunnið sannførandi, tá ið avtornaði. Hinvegin er rættiligur spenningur í dreingjaróðrin- um, har teir báðir norðoya- bátarnir, Ritan og Fípan Fagra liggja stavn um stavn í kappingini um føroyameist- araheitið. Hjá gentumann- ingunum verður tað ikki heilt avgjørt í dag, sjálvt um Blikur vinnur. Tí tá verða tær seks stig framman fyri nummar tvey, men so skal tað hinvegin vilja øgiliga illa til hjá teimum á Ólav- søku fyri at meistaraheitið skal gleppa teimum av hondum. Bara 1.000 metrar Vestanstevna í ár er fyrsta stevnan, har tað bert verður róð 1.000 metrar. Hetta merkir eina ávísa broyting fyri seksmannafør við monnum, áttamannaførini og ikki minst tíggjumanna- førini, sum jú skera teirra tein niður í helvt. Drúgvi miðróðurin fellur burtur, og tað verður munandi stytri millum byrjanarspurt og endaspurt. Hetta hevur mangan gjørt róðrarnar sera spennandi, men teir eru eisini rættiliga harðir fyri manningarnar, sum mangan munnu kenna tað, sum teir spurta so at siga allan teinin. Onnur raðfylgja Síðani feløgini kring landið á aðalfundinum hjá RSF tóku undir við uppskotinum um, at skipa fimm-manna- farsróðurin í trimum: Dreingjum, gentum og kvinnum, hevur kjak tikið seg upp viðvíkjandi upphit- ingini hjá kvinnunum. Drekin og Blikur rógva við gentu- og kvinnumanning- um, og hesar manningar hava báðar sagt, at tær fáa onga tíð til at hita upp á málinum, áðrenn startin. Men á Vestanstevnu verður hetta broytt. RSF hevur nevniliga broytt raðfylgj- una á róðrunum soleiðis, at tá fimm-mannafør við gentum hava róð, rógva áttamannaførini, síðani seksmannaførini við monnum, fimm-mannafør við kvinnum og at enda tíggjumannaførini. Hetta er ikki roynt áður, men er uttan iva gjørt fyri at bøta um viðurskiftini hjá kvinnumanningunum við fimm-mannaførunum. Í ár eru tað bert tveir bátar, sum hava manning í báðum róðrunum, men tað kann lættliga blíva fleiri eitt annað ár. Hendan raðfylgj- an kann lata seg gera, tí tað verða bara róð 1.000 metrar á Vestanstevnu. Hvussu hendan nýggja raðfylgjan fer at roynast, tað kann tó ongn vita, fyrr enn eftir róðurin í Miðvági í dag. Róð verður í hesari raðfylgju á Vestanstevnu Kl. 13.30 barnaróður dreingir barnaróður gentur Kl. 15.00 5-mf.dreingir 6-mf. kvinnur 5-mf. gentur 8-mf. 6-mf. menn 5-mf. kvinnur 10-mf Fylgjandi bátar lut- taka á Vestanstevnu: Barnaróður, dreingir 1 Dúgvan 2 Sílið 3 Havfrúgvin 4 Royndin Fríða VFS 5 Fípan Fagra 6 Ritan 7 Tarvurin Barnaróður, gentur 1 Falkur 2 Dúgvan 3 Tekla 4 Hvassi 5 Ørnin VFS 6 Firvaldur 7 Drekin 8 Royndin Fríða 9 Tarvurin Fimmmannafør, dreingir 1 Tekla 2 Tjaldrið 3 Drekin 4 Ritan 5 Fípan Fagra VFS 6 Blikur 7 Sílið 8 Dúgvan Seksmannafør, kvinnur 1 Páll Fangi 1G 2 Riddarin 3 Jarnbardur VFS 1G 4 Lómur 5 Sølmundur 1G Fimmmannafør, gentur 1 Havfrúgvin 2 Tjaldrið 1G 3 Drekin 1G 4 Blikur VFS 5 Tekla 6 Erla Kongsd. 2G Áttamannafør 1 Knørrur 2 Argjabáturin 1G 3 Kvívíkingur 1G 4 Nevið Reyða VFS 5 Ørvur 1G 6 Árnfirðingur 7 Miðvingur Seksmannafør, menn 1 Strálan 1R 2 Lómur 3 Stjørnan 4 Páll Fangi 1G 5 Sundabáturin 6 Jarnbardur 7 Gongurólvur VFS 1G 8 Sølmundur 2G 9 Hósvíkingur 1G 10 Smyril 11 Víkingur 12 Fuglfirðingur 1G Fimmmannafør, kvinnur 1 Junkarin 2 Firvaldur 3 Royndin Fríða 4 Frúgvin 1G 5 Sílið 6 Fípan Fagra VFS 7 Blikur 8 Drekin 2G 9 Ritan 10 Ørnin 11 Falkur Tíggjumannafør 1 Skálabáturin 2 Vágbingur 3 Nólsoyingurin 1G 4 Eysturoyingur VFS 5 Hoyvíkingur 6 Havnarbáturin 7 Vestmenningur Fleiri føroyameistarar finnast