fríggjadagur 22. juli 2005síða 16

Nr. 138 • fríggjadagyr • 22. juli 2005 • 79. árgangur • www.sosialurin.fo Meðan Jón Rói Jacobsen ikki enn hevur luttikið í venjingardystunum hjá Frem, so vísti føroyski álops- spælarin í Fremad Amager týskvøldið, at máltevið framvegis er í lagi DANMARK 1. DEILD Jóannes Hansen Fyrsta umfarið í næstbestu donsku deildini verður annað vikuskiftið. Annan sunnudag bresta føroysku útisetafeløgini Frem og Fremad Amager saman á heimavøllinum hjá Frem í Valby. Feløgini fyrireikað seg í hesum døgum. Bæði Frem og Fremad Amager hava spælt venjingardystir. Jón Rói Jacobsen hevur ikki verið á liðnum hjá Frem enn. Hann hevur tó verið til venjingar. Nógvar útskift- ingar hava verið í Frem, og ungu føroysku spælararnir - Jónas þór Næs og Gunnar Nielsen - hava fingið høvi at royna seg. Í vinardystinum í Herfølge vann Frem 2-0. Tá var Jónas þór Næs á vøllinum í 2. hálvleiki. Tá ið Frem á heimavølli vann 4-1 á Næstved, sum fyrr í summar flutti niður úr næstbestu deildini, vardi Gunnar Nielsen Frem málið í 2. hálvleiki. Fremad Amager spældi týskvøldið á útivølli ímóti AB. Akademisk Boldklub spælir í landskappingini og steypakappingini heima- dystirnar á Gladsaxe stadion. Teir venja í Bags- værd, og har varð dysturin týskvøldið ímóti Fremad Amager spældur. Úrslitið var 4-4. Andrew av Fløtum var ímillum teir fyrstu ellivu hjá Fremad Amager. Hann var á vøll- inum í 63 minuttir. Avloys- arin var Vitus Kofoed, sum fyri tveimum árum síðani royndi seg í Gøtu, uttan at stórvegis spurdist burturúr. Tá var Vitus Kofoed FCK spælari. Síðani hevur hann verið í Brønshøj, og nú er hann so í Fremad Amager. Andrew hevði eyðsýndan leiklut. Í fyrsta minutti sendi hann stútara dygst omanfyri tvørtræið, og tá ið støðan var 2-1 sendi hann stútara á tvørtræið. Tá ið fimm minuttir vóru eftir at fyrra umfarinum skoraði Andrew til 3-1. Fyrst spældi hann viðspælara leysan. Málverjin hálv- bjargaði, og so var føroyski spælarin fyrstur á returbóltinum. Tá ið bólturin aftur fór á rull í Danmark, var eingin ivi um, at meistararnir eru ógvuliga væl fyri, meðan Horsens ordu- liga livdi upp til spá- dómin, sum sigur, at uppflytararnir fara at flyta niður aftur SUPERLIGAN Jóannes Hansen Tað er vorðið gerandis- dagur aftur í donskum fót- bólti. Eftir steypafinalu, kapping um meistaraskap og summarfrí eru teir farnir undir nýggja landskapping. Í fjør vóru bæði FCK - vinardystir ímóti KÍ og HB - og Esbjerg - vinardyst ímóti KÍ og Intertoto ímóti NSÍ - í Føroyum undan kappingarbyrjan. Í ár hevur einki verið at sæð til donsk lið í Føroyum í summar- steðginum. Orsøkirnar eru sjálvandi, at nú er eingin føroyskur spælari í FCK, og hóast teir í Esbjerg høvdu vónað, at teir fóru at fáa føroyska mótstøðu í UEFA Cup undanumfarin- um, so eydnaðist tað teim- um ikki. Esbjerg hevur útivøll eftir ímóti Florin Tallinn, og tað stendur einki til hjá Esbjerg, sum púra óvæntað tapti heima- dystin 2-1. Týskvøldið varð á Esbjerg stadion sjøtul settur á nýggju landskappingina. OB vitjaði, og heimaliðið legði ógvuliga bragdliga fyri. Undan steðginum høvdu teir nógv spæl og fleiri upplagdar møguleik- ar, og teir skoraðu tvey mál. Eftir steðgin kom OB fyri seg, og tað endaði 2-2, sum var stórt vónbrot fyri Esbjerg. Meistararnir úr Brøndby høvdu mikukvøldið vitjan av FCM, og tað var klassa- munur. Brøndby vann 3-0. Umframt at hava ætlanir um at verja meistaraheitið, so ætlar Brøndby sær at sleppa upp í part í bólka- spælinum í europeisku meistarakappingini, har teir í øðrum innleiðandi um- farinum skulu spæla ímóti georgiska Dinamo Tbilsi. Teimum skal Brøndby vinna á, áðrenn stóra takið verður í triðja innleiðandi umfarinum. Í gjár boðaðu teir í Brøndby frá, at teir hava keypt Thomas Rytter, sum seinastu árini hevur spælt í týska Wolfsburg. Brøndby hevur keypt hann fyri at styrkja um í høgra verju- borði. Thomas Rytter hevur verið liðfelagi hjá Toda Jónsson í Lyngby og FCK, og FCK bossurin Flemm- ing Østergaard sigur seg vera vónsviknan. Í fyrstu týdningarmiklu royndini eftir at Todi Jónsson og so nógvir aðrir eru farnir úr felagnum, gekk tað væl hjá FCK. Teir vóru í Aalborg. AaB verður mett sum møguligt meistaralið. Føroyska ís- lettið var Súni Olsen, men enn er hann millum áskoð- ararnar. Spæliloyvið hjá honum er framvegis í Gøtu. Tað verður flutt til Aalborg, tá ið Súni hevur hjálpt GÍ í steypafinaluni ólavsøku- dag. FCK hevði seks nýggjar spælarar ímillum teir fyrstu ellivu. AaB hevði leikliga yvirvág, men kortini megn- aði FCK at vinna 1-0. Álvaro Santos skoraði sigursmálið, tá ið tjúgu minuttir vóru eftir. Framm- anundan hevði AaB spælt fjúrtan landskappingar- dystir á rað uttan at hava tapt. Eingin Johan at síggja Umframt Súna Olsen er tað møguleiki fyri, at Johan B. Hansen skal vera føroyska íslettið í superliguni. Tá ið uppflytararnir úr Horsens mikukvøldið fyrstu ferð í 30 ár royndu seg í bestu deildini, var einki at síggja til føroyska landsliðs- spælaran. Søgan sigur, at í hvussu so annað liðið, sum undan- farna kappingarár hevur vunnið sær uppflyting í superliguna, flytir niður aftur beinanvegin. Í Dan- mark verður tað mett rættu- liga sannlíkt, at Horsens fer at flyta niður aftur. Fyrsta royndin mikukvøldið kundi bent á, at tað verður ógvuliga trupult at verja nývunna plássið í bestu deildini. Horsens hevði vitjan av Viborg, sum fór norður aftur eftir óføra motor vegnum í Jyllandi við 3-0 sigri í viðførinum. Í aðrari innanhýsis jyskari hálvoyggja uppgerð vann Silkeborg 2-1 á heimavølli ímóti AGF. Í Århus snýr mesti fótbólts- hugurin í hesum døgum seg um, at Barcelona miku- dagin kom á venjingarlegu í jyska høvuðsstaðnum. Teir skulu spæla tveir dystir í Danmark. Tann fyrri verður í kvøld, og tann seinni verður mánadagin. Umframt Horsens so flutti SønderjyskE upp í bestu deildina fyrr í summ- ar. Liðið, sum eigur heima- vøll í Haderslev, var í fyrsta umfarinum í Farum og spældi ímóti FCN. Heima- liðið hevði leikliga yvirvág, men úrslitið gjørdist 1-1, og tað vóru uppflytararnir hjartans fegnir um. Annað umfarið verður á skránni í vikuskiftinum. Í morgin eigur Brøndby heimavøll ímóti Silkeborg, og sunnudagin verður spælt soleiðis: Viborg-FCN, SønderjyskE-AGF, FCM- Esbjerg, Ob-AaB og FCK- AC Horsens. Meistararnir eru øgiligir Andrew av Fløtum er væl fyri, nú fyrsti dysturin í næstbestu donsku deildini er nær Andrew tykist vera væl fyri