fríggjadagur 5. august 2005síða 13

Nr. 146 - 5. august 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Mánadagin 1. august andaðist Johan Christiansen í Pokeri, vanliga nevndur Hanniba hjá Kristiani, 93 ára gamal. Kistan fer úr kapellinum fríggjakvøldið klokkan 18. Jarðarferðin verður leygardagin klokkan 13:30 úr Porkeris kirkju. Sungið verður úr sálmabókini. Tey, ið vilja minnast Hanniba, kunnu lata Missi- ónshúsinum í Porkeri eina peningagávu. Tummas Vilhelm, Klaksvík, andaðist á Norðoya Røktarheimi 3. august, 91 ára gamal. Kistan fer úr kapellinum á Klaksvíkar Sjúkrahúsið fríggjadagin 5. august klokkan 18:00. Jarðarferðin verður úr Betesda leygardagin klokkan 13:30. Óli Hammer, úr Fámjin, andaðist mikudagin 3. august á Suðuroyar Ellis- og Røktarheimi, 81 ára gamal. Kistan fer úr kapellinum á Suðuroyar Sjúkrahúsi leygardagin klokkan 16:00. Jarðar- ferðin verður úr Fámjins kirkju sunnudagin klokkan 13:00. Kelda: Útvarpið Andlát og jarðarferðir 75 ára føðingardagur Í sambandi við at Eiler Jacobsen, Marknagilsvegur 19, Havn, fylti 75 ár 30. juli, verður føðingardags- veitsla hildin á Hotel Føroyum fríggjakvøldið 12. august kl. 19. Av tí at Eiler EINKI VEIT um veitsluna og er burt- urstaddur í løtuni, verða tey, ið vilja gleða Eiler við at koma, vinarliga biðin um at ringja: 314605, 721612 ella 223765 í seinasta lagi 7. august. Dagurin 5. august. Ásvaldur, deyður í 642. Enskur kongur, sum var sera ágrýtin í trúboðaravirki í landi sínum. Millum annað bygdi hann á oynni við landnyrð- ingsstrond Onglands kleystrið Lindisfarne, ið víking- ar løgdu í oyði í árinum 793. Ásvaldur fell í einum bardaga við heidna kongin Mercia. Navnið er gamalt enskt, ið merkir Guð ræður. Leygardagin 30. juli vóru tað 50 ár síðani, at Elin og Høgni Poulsen giftust. Stóra dagin hildu tey hjá dóttrini og versoninum í Miðvági. Tey vóru í mong ár prestahjún í Vágum og seinni í høvuðsstaðnum. Elin, sum er 74 ára gom- ul, er ættað av Tvøroyri. Foreldrini hjá henni vóru Inga, fødd Nielsen, og Magnus Magnussen. Høgni, sum er 75 ára gamalur, er ættaður úr Sandvík. Foreldrini hjá honum vóru Johanna, fødd Poulsen, og Dánjal Poul- sen. Tey bæði hittust, tá ið tey undir krígnum gingu í realskúla á Tvøroyri. Tey giftust í Danmark, har tey vóru undir útbúgving, og tey komu aftur til Føroya í desember í 1957. Elin lærdi til sjúkrasystir á Bispebjerg Hospitali í Keypmannahavn. Hon ar- beiddi sum sjúkrasystir í Danmark, og nakað eftir, at familjan var flutt vestur í Vágar, fór Elin at nýta út- búgingina, umframt at hon var prestakona. Hon ar- beiddi á Ellisheiminum í Vágum frá tí, at tað varð tikið í nýtslu í 1972, og seinni var hon á røntgen- deildini á Landssjúkrahús- inum. Høgni leyk gamalt ella klassiskt málsligt students- prógv í Rønde í 1951. Hann las síðani gudfrøði á lærda háskúlanum í Keypmanna- havn, har hann var liðugur í 1957. Fyrsta prestastarvið hjá Høgna var í Suðurstreym- oyar prestagjaldi, har hann varð innsettur í embætið fjórða sunnudag í advent í 1957. Frá 1963 og fram til í 1976 var hann prestur í Vága prestagjaldi, sum um- framt bygdirnar í Vágum fevndi um Mykines. Í 1976 fluttu tey bæði til Havnar, har Høgni hevði fingið starv í vestara prestagjald- inum, og í Vesturkirkjuni og hinum kirkjunum í sóknini starvaðist Høgni Poulsen, inntil hann legði frá sær. Høgni hevur verið ógvu- liga virkin í kirkjuliga um- hvørvinum. Í lestrartíðini vóru tey bæði í Ung- mannafelagnum, har nógvir føroyingar savnaðust, og har Elin og Høgni vunnu sær nógvar vinir. Tað var Emil Joensen, prestur, sum var ættaður úr Bø, og sum var prestur í Mariekirken í Keypmannahavn, sum upp- runaliga fekk ungmannafe- lagið í lag. Høgni var limur í Sam- fundsráðnum ella Høvuðs- stýrinum, sum tað nú nevn- ist, fyri Heimamissiónini í Føroyum í nógv ár. Hann var við til at stovna Heima- missiónsforlagið, og hann hevur verið í stýrinum fyri og eitt skifti formaður í stýrinum fyri Meinigheits- húsið í Havnini. Hann hev- ur eisini verið formaður í nevndunum fyri KFUM og Bláa Kross. Tá ið ellisheimið í Vág- um, sum var tað fyrsta av sínum slagi í landinum, varð bygt, var Høgni Poul- sen formaður í byggi- nevndini. Grundarsteinurin varð lagdur av Ingrid drotn- ing í 1969, og heimið varð tikið í nýtslu í 1972. Elin og Høgni Poulsen eiga tríggjar døtrar: Jó- hanna, sum er sjúkrasystir, er gift Jákupi Reinert Han- sen, presti. Tey búgva á Sandi. Inga, sum er prestur, er gift Mariusi Dam, kommunulækna og løgtingsmanni. Tey búgva í Miðvági. Durita, ið er lækni, er gift Claus Weber, eksport teknikkara. Tey búgva í Odense. Elin og Høgni Poulsen eiga 11 barnabørn. Elin og Høgni Poulsen gullbrúdleyp Í 1955 vóru 17 føroyskar gentur á húsarhaldsskúla í Haslev. 4. juni 2005 – 50 ár seinni – hittust 10 av teimum aftur hjá Sólgerð á Rógvi Olsen á Argjum. 3 eru ikki á lívi í dag, og hjá hinum 4 barst frá at koma. Á myndini eru f.v.: Ása Midjord, Fuglafjørður, Rig- mor Toftegaard, Fugla- fjørður, Judith Olsen, Fuglafjørður, Ebba Joen- sen, Gjógv, Sonja Hansen, Tórshavn, Katrin Harald- sen, Fuglafjørður, Hanna Johannesen, Søldarfjørður, Sólgerð á Rógvi Olsen, Argir, Mona Simonsen, Sandavágur, og Lis Djur- huus, Sandur Húsarhaldsskúlanæmingar: Hittust aftur 50 ár seinni