týsdagur 9. august 2005síða 6

– Tað vildi verið ein fyrimunur, at ein breiður - føroyskur og útlendskur - eigaraskari eigur Føroya Tele saman við møguligum stra- tegiskum íleggjara, sigur Andras Róin, stjóri fyri Føroya Tele EINSKILJING Heri á Rógvi heri@sosialurin.fo Hann er varin við at úttala seg. Stjórin fyri Føroya Tele samtakið hevur í fleiri ár tosað um, hvussu alstóran týdning tað hevur at Føroya Tele verður einskilt. Sam- bært vegleiðandi tíðarætl- anini, so skal Føroya Tele seljast í 2006 og í 2008. Tað vil siga í tveimum umfør- um, men tað verður ikki í teirri umtalaðu tíðarætlan- ini sagt nakað um, hvussu nógv verður selt í hvørjum umfari, og hvussu sølan skal ganga fyri seg. Tað týdningarmesta fyri Andras Róin er, at Føroya Tele verður einskilt - og heldur fyrr enn seinni. Tað hevði sambært Føroya Tele stjóranum rigga væl við breiðum eigaraskara. – Tað vildi verið ein fyri- munur, at ein breiður - før- oyskur og útlendskur - eig- araskari eigur Føroya Tele saman við møguligum stra- tegiskum íleggjara, sigur Andras Róin, stjóri fyri Føroya Tele. Skipa søluna Eitt lógaruppskot verður lagt fyri løgtingi í sambandi við hvørja av teimum ætl- aðu einskiljingunum. Enn er einki tílíkt uppskot kom- ið niðan í løgtingi, men sambært løglistanum verð- ur tað í hesari tingsetuni. – Eg gangi útfrá, at vit í næstum skulu á fund við politiska myndugleikan um, hvussu einskinjingin av Føroya Tele skal skipast, sigur Andras Róin. Hann heldur tað vera ov tíðliga at siga serliga nógv um tíðar- ætlanina í ólavsøkurøðuni hjá løgmanni. Stjórin fyri Føroya Tele metir tíðarætl- anina hjá landsstýrinum sum eitt fyrsta útkast. – Vit hava verið klárir at einskilja Føroya Tele í longri tíð, og tað kundi verið í fyrru helvt av 2006, um tað skuldi verið, sigur Andras Róin. Einki prospekt, t.e. upprit til møguligar keyparar, er gjørt, men hetta vildi ikki verið nøkur drúgv uppgáva, heldur Andras Róin. Merkja áhuga Í grannalondunum hava ymsir leistir verið royndir í sambandi við einskiljingina av almennum fjarskiftis- fyritøkum. Tó hevur megin- reglan verið, at ein breiður eigaraskari er skipaður. Tað merkir, at tað ikki hevur verið vanligt sum so at selja til eina fyritøku. Í føroysk- um høpi kundi ein strateg- iskur íleggjari eitt nú verið danska TDC, sum kundi hugsast at keypt Føroya Tele og rikið tað sum ein part av sínum samtaki. Í øllum førum bilar tað ikki við áhuga, um vit skulu trúgva teimum á Før- oya Tele. – Vit merkja javnan áhuga fyri Føroya Tele frá bæði útlendingum og før- oyingum, sigur Andras Róin. Ein einskiljing vil sjálv- andi eisini merkja eina broyting fyri føroyska fjar- skiftisrisan. – Tað er givið, at ein og hvør nýggjari eigari vil royna at vinna so nógvan pening sum gjørligt burtur úr sínari íløgu. Tað vil sjálvandi eisini merkja broytingar á Føroya Tele, tá fyritøkan verður einskild, sigur Andras Róin. Føroya Tele hevði í fjør 34,5 milliónir í yvirskoti. Fyrsta hálvár í ár hevur hilnast betur enn sama tíð- arskeið í fjør. Eginpening- urin er 320 milliónir, so tað burdi tað almenna í øllum førum fingið inn fyri sítt fjarskiftisfelag. 6 Nr. 148 - 9. august 2005 Tingmaður Sam- bandsfloksins, Johan Dahl, heldur tað er alneyðugt, at arbeiðið við at fáa kummuler- ingsavtaluna við ES og fríhandilssáttmál- an við Russland upp á pláss skjótast gjørligt. Hann mælir løg- manni til at fara út um føroysku em- bætisfólkini og sjálv- ur fara til Russlands og Brússel fyri at fáa málini loyst POLITIKKUR Páll Holm Johannesen pall@sosialurin.fo – Vinnan og føroyska sam- felagið hevur ikki ráð at bíða longur eftir, at avtal- urnar koma upp á pláss. Ruslandsavtalan er alneyð- ug fyri okkara pelagisku vinnu, meðan kummuler- ingin er alfa omega fyri fiskivinnuna á landi. Vinnulívsmaðurin og løgtingsmaðurin, Johan Dahl, heldur tað gongur alt ov seint við at fáa fríhand- ilsavtaluna við Russland og kummuleringsavtaluna við ES upp á pláss. Hann mælir til, at politiski myndugleik- in fer út um føroysku em- bætisfólkini og fær avtalur- nar endaliga í lag. – Sjálvandi skal politik- arin lata embætisfólki gera síni ting. Kortini kunnu embætisfólkini bert sam- ráðast til eitt vist, og so fer í baklás. Arbeiðið hevur drigið so nógv út, at eg haldi, at tíðin nú er búgvin til, at málini fara á politiskt stig fyri at seta ferð á til- gongdina, vísir formaðurin í uttanlandsnevndini á. Johan Dahl heitir á løg- mann um at taka doku- mentmappuna undir armin og fara til Russlands og Brússel fyri at fáa avtalur- nar upp á pláss, sum hann málber seg. – Vit kunnu ikki áhald- andi fyrigykla og fortelja okkara vinnu, at nú og nú verður tað, tí einki hendir. Tú mást ikki gloyma, at vinnan bíðar og keypir kanska inn eftir tí, hon verður lovað, og tað tað kunnu vit ikki bjóða okkara vinnu, sigur Johan Dahl. Vit royndu fyrrapartin at fáa eina viðmerking frá Uttanríkisdeildini á Løg- mansskrivstovuni, men tað eydnaðist tíverri ikki. Johan Dahl ótolnast: Neyðugt at skúgva embætisfólkini til viks Andras Róin: Helst breiðan eigaraskara Stjórin fyri Føroya Tele heldur tað vera ein fyrimun við breiðum eigaraskara til eitt einskilt Føroya Tele Johan Dahl, løgtingsmaður