týsdagur 9. august 2005síða 18

18 Nr. 148 - 9. august 2005 Ein sera væl uppløgd og kjekkað Anne Linnet borðreiddi við nøkrum av vakrastu sangperlunum frá síni longu tónleika- karrieru. Støðið var høgt, men náddi sam- stundis út í hvønn krók á Summarfesti- valinum SUMMARFESTIVAL Anna v. Ellingsgaard anna@sosialurin.fo Garvaða dáman í danska popprokkheiminum, Anne Linnet, hevði í øllum førum tveir stórar fyrimunir á Summarfestivalinum. Hon er super professionell, og henni nýtist ikki at júka nakran um at syngja við. Tað gera fólk av sær sjálv- um. At løgini eru frálík og tekstirnir eisini hava rætti- liga nógv uppá hjarta gjørdi tað heila ikki verri. Undir slíkum umstøðum kann tað næstan ikki ganga galið. Og tað gjørdi tað sanniliga heldur ikki. Null kiks Hóast regnið treiskaðist nakað illa í løtum, órógvaði tað ikki vælhýrdu áhoyrar- nar, sum tóktust st duga meginpartin av sangunum hjá Anne Linnet uttanat. Við eini røð av teimum væl kendu sangunum kryddað við løgum úr nýggjastu fløguni, náddi Linnet út í hvønn krók á stóru fólka- mongdini í Vágsbøi. Tað var eitt sindur ringt at meta um, hvør aldursbólkur fjaldi seg undir mongu paraplynum hesa løtuna, men vit kunnu altíð gita, at tey flestu vóru hinumegin tey 35-40. Samstundis hevði ein skjót meting skjótt staðfest, at fleiri av teimum, sum sungu harð- ast, ikki kunnu hava verið serliga gomul, tá onkur av hittunum hjá Anne Linnet vóru í hæddini. Trýmannað bólkurin á pallinum legið út við kenda lagnum "Time og dag og uge" við teksti eftir Johann- es Møllehave. Og longu hetta fyrsta lagið prógvaði, at Linnet bara gevur seg í slíkt, hon hevur fullkomið tamarhald á og ikki loyvir pláss fyri kiksum. Burtur vóru høgu tónarnir í niður- lagnum - nakað ein kortini ikki skuldi hildið var neyð- ugt, tí røddin hjá Linnet er avgjørt ikki viknað við ár- unum. Næsta lagið "Hun fletter sit hår" var eisini eftir mínum tykki tað mest hugtakandi, bólkurin spældi av nýggju fløguni, sum kemur út í oktober. Tungu melankolsku rútm- urnar vóru rættiliga eyð- kendar fyri góða, gamla Anne Linnet stílin og hava uttan iva um ikki landa- plágu so oyrafangandi po- tentiale. Inn í millum løgini hug- leiddi Anne Linnet um innihaldið í tekstunum. Eitt nú i næsta sanginum, sum sambært Anne Linnet snúði seg absolutt onki og sam- stundis eitt tað torførasta yvirhøvur - at nullstilla seg sjálvan og bara vera til her og nú. Klárar man tað, ja so hevur man rakað kensluna í "Søndag i april". Hóskiliga óhóskandi Ongin Anne Linnet konsert uttan "Tusind stykker". Og fyri ein ordans skyld fingu vit eisini søguna um, tá ein svenskari ringdi til Anne Linnet og spurdi, um hann kundi sleppa at geva sangin út á svenskun. Restina av søguni kenna tey flestu, og nú vita tey so eisini, at tað also ikki er Bjørn Afzelius, sum er upprunamaðurin til kenda lagið "Tusind bitar". Næstu minuttirnar kundi Anne Linnet uttan iva eins væl havt sløkt mikrofonina, tí sangurin frá áhoyrarnum doyvdi næstan alt annað. Sveiggjandi paraplyirnar vóru eisini besta tekin um, at áhoyrarnir løgdu líka í, hvar regndroparnir raktu hesa løtuna. Ein túr aftur í 70ini í tíð- ina saman við gentubólki- num hjá Anne Linnet "Shit og Chanel" bleiv tað eisini til við kenda lagnum "Smuk og deilig". Meðan øll hini løgini á framførsl- uni høvdu okkurt universi- elt yvir sær, tóktist "Smuk og delig" at vera merkt í so nógv av tíð og stað til at kunna raka beint á Summ- arfestivalinum. Tó so, við sanginum fekk Anne Linn- et eisini flættað inn eina áhugaverda søgu um byrj- anina til gentubólkar og afturljóðini, teir góvu, á donskum tónleikapallum í 70unum. Kanska júst tí hvørkið verðrið ella árstíðin hósk- aði serliga væl, valdi Annet Linnet at enda framførsl- una við lagnum "Forårs- dag". Soleiðis fekk hon nevniliga eisini mint á, at tað stórfingna við tónleiki netupp er, at hann gevur okkara tankum fríar teymar og lovar hvørjum einstøk- um at legga sín heilt egna týdning í lag og tekst. Grillbúffar til festivalfólki - Vit steikja so leingi, fólk eru svang. Her er ríkiligt til, so tað er onki at stúra fyri, lovaðu teir báðir kokkarnir Jógvan Heinesen og Billy Petersen, sum aftur í á hildu Summarfestival í royki og dampi frá frálíku grillaðu búffunum. Væl hýrdu kokkarnir høvdu gjørt seg út standa við grillirnar til tann ljósa morgun og út í eitt, um tað skuldi verða. Í ár høvdu teir fingið sær eitt telt at hava festivalkøkin í, sum jú vísti seg at vera eitt sera skila- gott hugskot. Og alt bendi á, at teir komu at standa leingi. Longu seinnapartin fríggjadagin høvdu rætti- liga nógvir av festivalgestunum latið seg lokkað av góða matroykinum. Og tað var heldur ikki hvat sum helst, tey fingu á tallerkin. Líktist mest hotellmati, og sambært kokkinum kallaðist høvuðsrætturin onki minni fínt enn: enskur búffur við eplabátum og hvít- leyksauté við marineraðum gularótum og grønum bønum ... og eina deiliga, kalda sodavatn afturvið ... Tann Stóra Skinnúlpan Niels Uni Dam nielsuni@sosialurin.fo Sjónvarpslýsingar hava seinastu vikurnar bygt spenn- ingin upp, heimsnavnið "Tann Stóra Skinnúlpan" skuldi á pallin á Summar Festivalinum, og hon var beinleiðis upphiting fyri Brian McFadden. Tað var eis- ini greitt, at tann stóra ikki kom einasmøll, hinar úlp- urnar vóru við, og tær fóru at bjóða ektað playback. Nógv troðkan var framman fyri pallin, tað vóru ser- liga tannáringar, summir av teimum vildu ivaleyst tryggja sær pláss til Brian McFadden konsertina, men eingin ivið var um, at hesa løtuna var tað Úlpan, sum var samrøðuevnið, herrópini "Úlpan! Úlpan!" rungaðu um festivaløkið longu áðrenn fyrsta úlpan kom á pall- in. Byrjanin av framførsluni var eitt sindur løgin, ein fyri og onnur eftir komu úlpurnar á pallin, tó vóru tær ljóðleysar inntil ein pannubandsúlpa settist á eina kondisúkklu, og súkklaði ljóði í gongd og við úlpu- dancetónleikinum brakandi úr hátalarunum, kom hon endiliga á pallin: "Tann Stóra Skinnúlpan",og hon legði festivaløkið fyri sínar føtur. Við herligum dansi og dansivinarligum tónleiki fingu Úlpurnar veruliga lív í fólkið, eina løtu mest, sum kókaði tað framman fyri pallin. Men so var tað av, og friður valdaði, úlpurnar vóru farnar aftur til Úlpu- land. Kjekkað Anne Linnet Ein túr aftur í 70ini í tíðina saman við gentubólkinum hjá Anne Linnet "Shit og Chanel" bleiv tað eisini til við kenda lagnum "Smuk og deilig"