mikudagur 10. august 2005síða 9

Nr. 149 - 10. august 2005 9 Í sambandi við Ovastevnuna verður skipað fyri svimjing um Nólsoyarfjørð leygardagin. Teinurin um fjørðin er fýra kilometur. Metið eigur Dia Jacobsen, sum hevur svomið teinin upp á umleið fimm korter OVASTEVNA Eirikur Lindenskov eirikur@sosialurin.fo Fyri áttandu ferð verður skipað fyri svimjing um Nólsoyarfjør í sambandi við árligu Ovastevnuna í Nólsoy, sum verður um vikuskifti. Tað er Erlendur Simonsen, sum skipar fyri svimjingini. Hann er svimj- ari sjálvur, skipari á Rituni og hevur konu úr Nólsoy. Sum skipari á Rituni er hann í Nòlsoy fleiri ferðir um dagin, men leygardagin fer at so at svimja um fjørðin. – Vit byrjaðu við hesum tiltakinum í 1998, og var endamálið tá at savna pengar til svimjilhylin í Nólsoy. Hetta tiltakið gevur í sjálvum sær kanska ikki so nógvar pengar, men hetta er eitt stuttligt tiltak, sum fólk leggja til merkis, sigur Erlendur Simonsen. Erlendur veit um einar 6- 7 svimjarar, sum ætla sær við, men fleiri kunnu koma. Tá flest hava verið við, vóru teir 16. Erlendur leggur dent á, at tiltakið bæði er fyri kapp- svimjarar og motiónssvimj- arar. Fólk velja eisini sjálv, um tey nýta fitjur ella ikki. Treytin fyri at vera við er kortini, at ein bátur fylgir hvørjum svimjara, og við bátinum skulu vera minst tvey fólk. Harumframt er eisini ein formansbátur, sum skipar fyri navigatión o. s. fr. Harafturat eru eisini samarittar frá Reyða Krossi við. Erlendur Simonsen sigur, at luttakararnir skulu møta kl. 9 yviri við Strond 22 í Havn, har Radioamatørarn- ir og Føroya Ellisakfør halda til. Lagt verður á fjørðin kl 10:15, soleiðis at svimjararnir kunnu passa seg eftir sjóvarfallinum – fimm korter fyri vestfals- kyrrindini í Nólsoyar bygd. Málið er ærisportrið í Nólsoy. Tað er kappsvimjarin Dia Jacobsen, sum oftast hevur vunnið. Hann hevur vunnið fýra ferðir og hevur eisini metið, sum er ein tími og 15 minuttir. Tey, ið ynskja at verða við, kunnu ringja til Erlend Simonsen á telefon 220644. Svimja um Nólsoyarfjørð leygardagin Ein 24 ára gamal maður úr Føroyum er í Føroya Rætti dømdur at hava smuglað 422 og eina hálva ecstacy-tablettir til Føroya. Talan er um nógv tað størsta mál av hesum slag í Føroyum. Dómurin var eitt ára fongsulsrevsing SMUGLING Eirikur Lindenskov eirikur@sosialurin.fo Tað var tá Norrøna kom á Havnina úr Hanstholm mánamorguin 11. juli, at ein 24 ára gamal maður var steðgaður í tollinum. Sam- bært útvarpinum fann tollvaldið 422 og ein hálva ecstacy-tablett í bilinum, og er hetta so nógv tann størsta mongdin av ecstacy- tablettum, sum tollvaldið í Føroyum nakrantíð hevur lagt hald á. Undir avhoyringunum hevur maðurin viðgingið at hava smuglað tær 422 og eina hálvu ecstacy-tablett- irnar til Føroya. Hann hevur sagt politin- um, at hann hevði ætlanir um at selja helvtina av tablettunum – eitt nú á festivalunum kring landið, meðan hin helvt var til egna nýtslu, sigur útvarpið. Eitt ára fongsul fyri at smugla ecstacy sonnet við fjalsins fót eg dvaldi lítið bil. og hugsaði so lætt um mangt og hvat. so fagur var mær heimur har eg sat. mær rann í hug: "hví eri eg nú til?" tað kemur og tað fer um hjartagrund ein frískur vindur. gjóstur farnu tíð. eg minnist hennar andlit. ljós og blíð hon er og var so eiggiligt eitt sprund. her sat eg so og lýddi á hvat á- in hevði mær at siga um ta heild ið lutast teimum øllum handan deild. mær komu minni fram og sjónir sá og eg við mínum hugaheimi læt sum um tú eins og leda hjá mær sat. Christian Fróði Djurhuus sonnet og stormur um títt andlit ber tær boð um alt sum eyga sær tá sinni flennur. og onkuntíð ein løkur frá tær rennur av eygum køldum ísins kalda log. og stovan er mær heit. eg leggið við á bálið sum so brimar mær at holdi. mær eykaðist ein vetur ið eg toldi. og droymdi at tú var við mína lið og summarið sum sólin skygda sær man bíta millum vinir mínar har ið allir dreymar kunna síggjast aftur. tá lýtt og frítt er fyri heystsins stund ið byggir sær á ymsum ættum grund- ir til at vinarskarin er mær tættur. Christian Fróði Djurhuus sjónett og evnið er mær breitt at líta á eg sá ju tað sum eingin annar sá Christian Fróði Djurhuus www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo www.sosialurin.fo